JEREMIAS 32 - Ilokano Form-Based Bible: Ti Biblia (1973)

Ni Jeremias mabalud. Isu nabilin a gumatang ti talon idiay Anatot. Icararagna ti pananglawag. Ti palawag ni Jehova. Maikeddeng ti pannacacayaw ti Israel ngem mapasublinto.

1Ti sao dimteng ken Jeremias a naggapu 2 Ar. 25:1, 2. Jer. 37:5, 11; 39:1; 52:4.ken Jehova iti maicasangapulo a tawen ni Sedekias nga ari ti Juda, 2 Ar. 25:8.isu a maicasangapulo ket walo a tawen ni Nabucodonosor.

2Ket iti daydi a pannawen ti buyot ti ari ti Babilonia linacubna ti Jerusalem; ket ni Jeremias a mammadto naipupuc Jer. 33:1.iti paraangan ti guardia, nga adda idi iti balay ti ari ti Juda.

3Ta ni Sedekias nga ari ti Juda isu impupucna, a kinunana, Ania ti gapuna nga agpadtoca, ket cunam, Castoy ti cuna ni Jehova, Jer. 34:2, 3; 38:3.Adtoy, itedconto daytoy nga ili iti ima ti ari ti Babilonia, ket isu alaennanto:

4Ket ni Jer. 34:3.Sedekias nga ari ti Juda Jer. 38:18, 23; 39:5-7; 52:9-11.saanto a macatalaw iti ima dagiti Caldeos, ngem di bumurong a mayawatto iti ima ti ari ti Babilonia, ket makisaonto kencuana iti ngiwanngiwat, ket dagiti matana perngendanto dagiti matana;

5Ket ipannanto ni Sedekias idiay Babilonia, ket agbatinto idiay agingga iti isasarungcarco kencuana, cuna ni Jehova: uray no makigubatcayo cadagiti Caldeos, saancayto a rumang-ay?

6Ket ni Jeremias kinunana, Ti sao ni Jehova dimteng caniac, a kinunana,

7Adtoy, ni Hanamel nga anac a lalaki ni Sallum nga ulitegmo umayto kenca, a cunana, Gatangem ti talonco nga adda idiay Anatot; Lev. 25:25.ta adda kenca ti calintegan a mangsubbot tapno gatangem.

8Iti casta ni Hanamel nga anac a lalaki ni ulitegco immay caniac idiay paraangan ti guardia babaen ti sao ni Jehova, ket kinunana caniac, Agdawatac kenca gatangem ti talonco, nga adda idiay Anatot, nga adda iti daga ti Benjamin; ta ti calintegan ti pannakipagtawid adda kenca, ket ti pannacasubbotna adda kenca, gatangem a maipaay kenca met laeng. Idin naammoac a daytoy ti sao ni Jehova.

9Ket ginatangco ken Hanamel nga anac a lalaki ni ulitegco, ti talon nga adda idiay Anatot, ket Gen. 23:16. Mat. 26:15.tinimbengco ti pirac, a maipaay kencuana a sangapulo ket pito met laeng a siclo a pirac.

10Ket finirmaac ti documento, ket Est. 3:12.tinimbreac ken immayabac cadagiti sacsi, ket tinimbengco ti pirac cadagiti pagtimbengan a maipaay kencuana.

11Iti casta innalac ti documento ti panaggatang, a natimbrean, a mayalubog iti linteg ken cadawyan, ken casta met ti silulucat:

12Ket intedco ti documento ti pananggatang ken Jer. 36:4, 8; 43:3; 45:1.Baruc nga anac a lalaki ni Nerias nga anac a lalaki ni Maasias, iti imatang ni Hanamel nga anac a lalaki ni ulitegco, ken iti imatang dagiti sacsi a nagfirma iti documento ti pananggatang, iti sangoanan dagiti amin a Judios a nagtugaw iti paraangan ti guardia.

13Ket binilinco ni Baruc iti sangoananda, a kinunac.

14Castoy ti cuna ni Jehova dagiti buybuyot, a Dios ti Israel: Alaem dagitoy a documento, daytoy documento ti pananggatang isu a natimbrean, ken daytoy documento a naluctan, ket icabilmo ida iti uneg ti maysa a damili; tapno mataginayonda cadagiti adu nga aldaw.

15Ta castoy ti cuna ni Jehova dagiti buybuyot, a Dios ti Israel: Dagiti balbalay ken taltalon ken cauvuvasan bil. 43.magatangdanto manen iti daytoy a daga.

16Calpasan ti panangyawatco bil. 11, 12.iti documento ti pananggatang ken Baruc nga anac a lalaki ni Nerias, nagcararagac ken Jehova, a kinunac,

17O Apo Jehova, adtoy, sica inaramidmo dagiti langlangit ken ti daga babaen ti dackel unay a pannacabalinmo ken babaen ti siuunat a tackiagmo; Gen. 18:14.awan ti saanmo a cabaelan,

18 Ex. 20:6. Sica a mangipakita ti kinamanangngaasi cadagiti rinibu ken mangsupapac iti kinadangkes dagiti amma iti saclot dagiti annacda iti calpasanda, ti naindaclan, ti nabileg a Isa. 9:6.Dios, Jer. 10:16.Jehova dagiti buybuyot ti naganna;

19 Isa. 28:29. Dackel a mamatigmaan, ken mannacabalin iti panagaramid; dagiti matana silulucatda cadagiti amin a daldalan dagiti annac dagiti tattao, tapno mangted iti tunggal maysa ti mayannurot cadagiti dalanna, ken mayannurot iti bunga dagiti aramidna;

20Isu a nangicabil cadagiti pagtandaanan ken pagsidsiddaawan idiay daga nga Egipto, agingga met laeng itoy nga aldaw, iti Israel ken castamet iti nagtengngaan dagiti sabali a tattao; ket pinagbalinmo ti naganmo a maysa a nagan a cas itoy nga aldaw;

21Ket inruarmo ti ilim nga Israel idiay daga nga Egipto babaen cadagiti pagilasinan, ken pagsidsiddaawan, ken babaen ti napigsa nga ima, Deut. 4:30.ken iti siuunnat a tackiag, ken ti dackel unay a panagbuteng;

22Ket intedmo cadacuada daytoy a daga isu Deut. 26:15.nga insapatam cadagiti ammada nga itedmo cadacuada, Jer. 11:5.daga a pagay-ayusan ti gatas ken diro;

23Ket simrecda, ket tinagicuada, ngem saanda a nagtulnog iti timecmo, ken Neh. 9:26. Jer. 11:8. Dan. 9:10, 14.dida met nagna iti lintegmo; awan ti inaramidda cadagiti amin nga imbilinmo cadacuada nga aramidenda: gapuna nga inaramidmo a mapasamac cadacuada amin daytoy a dakes.

24Adtoy, dagiti paggabor, umayda alaen ti ili; ket ti ili maited iti ima dagiti Caldeos a makigubat a maibusor kencuana, babaen ti campilan, ken ti bisin, ken ti angol; ket ti insaom maaramiden; ket adtoy, sica makitam.

25Ket sica sinaom caniac, O Apo Jehova, bil. 7.Gatangem ti talon iti pirac, ket bil. 10.umayabca cadagiti sacsi; agsipud ta ti ili maited iti ima dagiti Caldeos.

26Idin dimteng ti sao ni Jehova ken Jeremias, a kinunana,

27Adtoy, siac ni Jehova, a Num. 16:22.Dios dagiti amin a lasag, adda aya aniaman a banag a nasulit caniac?

28Ngarud castoy ti cuna ni Jehova: Adtoy, itedconto daytoy nga ili iti ima dagiti Caldeos, ken iti ima ni Nabucodonosor nga ari ti Babilonia, ket alaennanto:

29Ket dagiti Caldeos a gumubat a maibusor itoy nga ili, umaydanto ket pasgedandanto daytoy nga ili, ket puurandanto agraman Jer. 19:13.cadagiti balbalay, a cadagiti atepda nagidatdatonda, iti incienso ken Baal, ken nangibucbucda cadagiti datdaton a mainum cadagiti sabali a diosen tapno panggargarida caniac nga agpungtot.

30Ta dagiti annac ti Israel ken dagiti annac ti Juda nagaramidda Jer. 3:25.laeng cadagiti dakes iti imatangco nanipud iti kinaubingda, ta dagiti annac ti Israel ginargaridac laeng nga agpungtot iti aramid Jer. 25:6, 7.dagiti im-imada, cuna ni Jehova.

31Ta daytoy nga ili nagbalin a macagargari caniac nga agpungtot ken agunget nanipud iti aldaw a panangibangonda kencuana agingga itoy met laeng nga aldaw; tapno iccatec coma iti imatangco.

32Gapu ta iti amin a kinadakes dagiti annac ti Israel ken dagiti annac ti Juda, nga inaramidda a panggargari caniac nga agpungtot, Jer. 2:26; 8:1. Dan. 9:8.isuda, dagiti ar-arida, dagiti piprincipeda, dagiti papadida, ken dagiti mammadtoda, ken dagiti tattao ti Juda, ken dagiti agnaed idiay Jerusalem,

33Ket Jer. 2:27; 7:24.timmallicudda caniac, a saanda a simmango: ket nupay no insuroc ida, 2 Cron. 36:15.a bimmangonac a masapa ket isuroc ida, nupay casta saanda nga impangag nga awaten ti panangisuro.

34Ngem insaadda Jer. 7:30. Eze. 5:11.dagiti kinarimonda iti uneg ti balay a mainaganan iti naganco, tapno tulawanda.

35Ket binangonda dagiti nangato a disso ken Baal, nga adda iti lobong ti anac a lalaki ni Hinnom, tapno ipalabasda dagiti annacda a lallaki ken babbai iti Jer. 7:31.

apuy ken Lev. 18:21.Moloc, isu a saanco nga imbilin cadacuada, ket diac met pinanunot, nga aramidenda coma daytoy a kinarimon, 1 Ar. 16:19.tapno pagbasolenda ti Juda.

36Ket ngarud castoy ti cuna ni Jehova a Dios ti Israel a maipanggep itoy nga ili, a nagcunaanyo, Isu maited iti ima ti ari ti Babilonia babaen ti campilan, iti bisin, ken iti angol:

37Adtoy, urnongecto Deut. 30:3. Jer. 23:3; 29:14.ida manipud cadagiti amin a dagdaga, a nangipaturongac cadacuada gapu iti ungetco, ken iti rungsotco, ken iti dackel a pungtotco, ket iyegconto manen ida ditoy a disso, ket pagnaedecto ida a sitatalged.

38Ket isudanto ti ilic, Jer. 24:7.ket siacto ti Diosda:

39Ket itedconto cadacuada ti maysa a puso Eze. 11:19, 20.ken maysa a dalan, Deut. 6:24.tapno agbutengdanto coma caniac iti agnanayon, a maipaay iti pagimbaganda, ken dagiti annacda iti calpasanda:

40Ket Jer. 50:5. Eze. 16:60.mangaramidacto cadacuada iti maysa a tulag iti agnanayon a diacto sumina iti panagsurot cadacuada, tapno agaramid cadacuada iti naimbag, Jer. 31:33.ket icabilconto ti panagbuteng caniac cadagiti puspusoda, tapno saanda coma a sumina caniac.

41Wen, agragsacacto cadacuada iti panagaramidco iti naimbag cadacuada, ket kinapudnona imulacto Jer. 24:6.ida ditoy a daga, iti amin a pusoc ken iti amin a cararuac.

42Ta castoy ti cuna ni Jehova: Jer. 31:28.Cas ti panangyegco iti amin daytoy dackel a dakes itoy nga ili, casta met ti panangyegconto cadacuada ti amin a naimbag nga incaric cadacuada.

43Ket dagiti taltalon bil. 15.magatangdanto ditoy a daga Jer. 33:10.a pagcunaanyo, Isu langalang nga awan ti tao wenno animal: isu maited iti ima dagiti Caldeos.

44Dagiti tattao gumatangdanto cadagiti taltalon babaen ti pirac, ken bil. 10.agfirmadanto cadagiti documento, ket timbreandanto ida, ket umayabdanto cadagiti sacsi idiay Jer. 17:26.daga ti Benjamin, ken cadagiti disso a cabangibang ti Jerusalem, ken cadagiti il-ili ti Juda, ken cadagiti ili-ili cadagiti caturturodan, ken cadagiti il-ili cadagiti nababa a dagdaga ken cadagiti il-ili iti Abagatan: ta pagbaliwecto ti pannacacayawda, cuna ni Jehova.