OC-OCOM 8 - Ilokano Form-Based Bible: Ti Biblia (1973)

Ni Gedeon pagtalnaenna dagiti Ephraimitas; cayawanna ken papatayenna da Zeba ken Zalmunna, ti efodna; ti ipapatayna. Ti panaglicud ti ili iti daan a pammatina ken sursurona.

1Ket dagiti lallaki ti Efraim Oc. 12:1. 2 Sam. 19:41. Isa. 9:21.kinunada kencuana, Apayapay nga inaramidmo iti casta cadacami, a dinacami inayaban idi napanca nakigubat iti Madian? ket isu rininggorda iti napigsa unay.

2Ket isu kinunana cadacuada, Ania ti inaramidco ita a maipadpad cadacayo? Ti panagbanban-a ti Efraim saan aya a nasaysayaat ngem iti panagburas ti Abiezer?

3 Oc. 7:24-25. Ti Dios inyawatna ita imayo da Oreb ken ni Zeeb a pangoloen ti Madian; ket ania ti mabalinco nga ipadpad cadacayo? Idin ti pungtotda kencuana kimmapuy, idi nga isu insaona daydi.

4Ket ni Gedeon immay idi iti Jordan, ket bimmallasiw, isu, ken dagiti Oc. 7:6.tallogasut a tattao nga adda kencuana, a nabannoganda, nga agcamcamatda pay.

5Ket kinunana cadagiti lallaki ti Gen. 33:17. Jos. 13:27.Succot, Agdawatac cadacayo, a mangtedcayo iti dadackel a tintinapay cadagiti tattao a nakicuyog caniac; ta isuda nabannoganda, ket camcamatec da Zeba ken Zalmunna, nga ar-ari ti Madian.

6Ket dagiti pangpangoloen ti Succot kinunada, Oc. 6:35.Dagiti im-ima da Zeba ken Zalmunna addadan aya ita imam, tapno mangtedcami coma iti tinapay ita buyotmo?

7Ket ni Gedeon kinunana, No casta intono ni Jehova yawatna da Zeba ken Zalmunna iti imac, isunton ngarud ti Oc. 3:28.pananggisgisco ita lasagyo cadagiti sisiit iti let-ang ken cadagiti calcalunay.

8Ket simmang-at a napan idiay Gen. 32:31.Penuel, ket insaona cadacuada iti casta met la a kita; ket dagiti tattao ti Penuel insungbatda kencuana ti cas insungbat dagiti lallaki ti Succot.

9Ket isu nagsao cadagiti lallaki ti Penuel, a kinunana, 1 Ar. 22:27-28.Intono agsubliac manen a sitatalna bil. 17.rebbaecto daytoy a torre.

10Ita da Zeba ken Zalmunna addada idi idiay Carcor, ken dagiti buybuyotda agraman cadacuada, nga agsangapulo ket lima a ribu a lallaki, amin dagiti natda idi iti amin a Oc. 7:12.buyot dagiti Oc. 6:3.annac a taga daya; ta napasagda idi dagiti sangagasut ket dua pulo a ribu a lallaki a Oc. 20:2, 15.nagtagicampilanda.

11Ket ni Gedeon simmang-at iti dalan dagidiay nga agnaed cadagiti toltolda iti daya ti Num. 32:35, 42.Noba ken ti Jogbea, ket kinabilna ti buyot; ta ti Oc. 18:27.buyot adda idi a natalged.

12Ket da Zeba ken Zalmunna nagtarayda; ket kinamatna ida; ket Sal. 83:11.naalana dagiti dua nga ar-ari ti Madian, da Zeba ken Zalmunna, ket riniribucna ti amin a buyot.

13Ket ni Gedeon nga anac ni Joas nagsubli a naggapu iti paggugubatan manipud iti sang-atan ti Heres.

14Ket nangala iti maysa nga agtutubo a lalaki cadagiti lallaki ti Succot ket nagintuod kencuana: ket impalawagna kencuana dagiti pangpangoloen ti Succot, ken dagiti lallacayna, a pitopuloda ket pito a lallaki.

15Ket isu immay cadagiti lallaki ti Succot, ket kinunana, Adtoyda, da Zeba ken Zalmunna, isuda a pinangrabrabacyo caniac idi, a kinunayo, bil. 6-7.Addadan aya ita imam dagiti im-ima da Zeba ken Zalmunna, tapno mangtedcami coma iti tinapay cadagita lallakim a nabannogan?

16Ket innalana dagiti lallacay ti ili, ken dagiti sisiit iti let-ang ken calcalunay, ket cadagitoy ti pinangsursurona cadagiti lallaki ti Succot.

17Ket bil. 9. 1 Ar. 12:25.rineb-bana ti torre ti Penuel, ket pinatayna dagiti lallaki ti ili.

18Idin isu kinunana cada Zeba ken Zalmunna, Ania ti kita ti kinataoda idi dagiti pinapatayyo idiay Jos. 19:12.Tabor? Ket isuda simmungbatda, Cacasda kenca, castada idi dagidi, ti tumunggal maysa immasping cadagiti annac ti maysa nga ari.

19Ket isu kinunana, Isuda dagiti cacabsatco, nga annac ni inac: cas ni Jehova Rut. 3:13.agbiag, a no inispalyo coma ida a nagbiag, saancayo coma a papatayen.

20Ket kinunana ken Jether nga anacna a lalaki nga inauna, Tumacderca, ket papatayem ida. Ngem ti agtutubo a lalaki dina inasut di campilanna; ta nagbuteng, agsipud ta isu ubing idi.

21Idin kinuna da Zeba ken Zalmunna, Tumacderca ala, ket cabilennacami, ta no casano ti lalaki casta met ti ingelna. Ket ni Gedeon timmacder, ket pinatayna da Zeba ken Zalmunna, ket innalana dagiti sinan-bulbulan nga adda cadagiti tengnged dagiti camcamelloda.

22Idin dagiti tattao ti Israel kinunada ken Gedeon, Agturayca cadacami, sica, ken ti met anacmo, ken ti anac ti anacmo met; ta sica insalacannacami iti ima ti Madian.

23Ket ni Gedeon kinunana cadacuada, Saanacto nga agturay cadacayo, uray ti anacco dinto agturay cadacayo: ni 1 Sam. 8:7; 10:19; 12:12, 17, 19.Jehova isu ti agturayto cadacayo.

24Ket ni Gedeon kinunana cadacuada, Siac cayatco coma ti agdawat cadacayo, a ti tumunggal maysa cadacayo itedna coma caniac dagiti ar-aritos ti sinamsamna. (Agsipud ta agaritosda iti balitoc, ta Gen. 37:25, 28, 36; 39:1.Ismaelitasda.)

25Ket isuda simmungbatda, Dacami itedminto a sitatallaogod unay ida. Ket nangyaplagda iti maysa a cawes, ket tunggal maysa indissona kencuana dagiti ar-aritos ti samsamna.

26Ket ti dagsen dagiti ar-aritos a balitoc a dinawatna isu ti sangaribu ket pito a gasut a siclo a balitoc; malacsid dagiti sinan-bulbulan, ken dagiti bitinbitin, ken Est. 8:15. Luc. 16:19. Juan 19:2, 5.pagan-anay a purpura nga addada idi cadagiti ar-ari ti Madian, ken malacsid dagiti Prov. 1:9.cawcawar nga addada idi iti aglicmut cadagiti tengnged dagiti camcamelloda.

27Ket ni Gedeon Ex. 28:6-35.nangaramid cadagidiay iti maysa nga efod, ket isu ti incabilna idiay ilina, a iti met laeng Oc. 6:24.Ofra: ket amin nga Israel Sal. 106:39.nagbalangcantisda idiay a maipuon iti dayta; ket isu idi iti Ex. 23:33.pacaitibcolan ken Gedeon, ken ti balayna.

28Iti casta ti Madian naparmec iti saclang dagiti annac ti Israel, ket uray caano dida intangaren ti oloda. Oc. 3:11.Ket naginana ti daga cadagiti uppat a pulo a tawen cadagiti al-aldaw ni Gedeon.

29Ket ni Jerobaal nga anac ni Joas napan ket nagnaed iti balayna met laeng.

30Ket ni Gedeon addaan idi Oc. 9:2, 5.pitopulo nga annac a naputotda iti bagina; ta addaan idi cadagiti adu nga assawa.

31 Oc. 9:1. Ket ti camalalana nga adda idiay Siquem, nangipasngay met kencuana iti maysa nga anac a lalaki, ket ni Gedeon ingaladna kencuana a nagan ti Abimelec.

32Ket ni Gedeon nga anac ni Joas natay iti naimbag a kinalacay, ket naitabon idiay tanem ni amana a Joas, Oc. 6:24.idiay Ofra dagiti Abiezeritas.

33Ket Oc. 2:19.naaramid, idi a ni Gedeon natayen, a dagiti annac ti Israel nagbalicda manen, ken bil. 27.nagbalangcantisda cadagiti Baales, ket Oc. 9:4, 46.incabilda a pannacadiosda ni Baal-berit.

34Ket dagiti annac ti Israel Sal. 78:42.dida linagip ni Jehova a Diosda, a nangisalacan cadacuada iti ima dagiti amin a cabusorda iti aglicmut.

35 Oc. 9:16-18. Casta met a dida nagaramid iti caasi iti balay ni Jerubaal, nga isu ni Gedeon, a mayalubog iti amin a imbag nga isu imparangna idi iti Israel.