1Iti casta dagitoy tallo a lallaki simmardengdan a mangsungbat ken Job, agsipud ta isu Job 33:9.nalinteg cadagiti matana met laeng.
2Idin nacaunget ni Eliu nga anac a lalaki ni Barakel a Gen. 22:21.Bucita, iti familia ni Ram: naglucsao a maibusor ken Job, agsipud ta pinalpalintegna ti bagina a saan ket nga iti Dios.
3Casta met a nagrurud a maibusor cadagiti tallo a gagayyemna, agsipud ta isuda dida nacasarac ti isungbatda, ket nupay casta pinabasolda ni Job.
4Ngem ni Eliu naguray nga agsao ken Job, agsipud ta isuda laclacayda idi ngem isu.
5Ket idi ni Eliu nakitana nga awan ti sungbat idi ngiwat dagitoy tallo a lallaki, nagpungtot.
6Ket ni Eliu nga anac a lalaki ni Barakel a Bucita simmungbat ket kinunana, Siac Job 15:10.ubingac, ket dacayo lallacaycayo; gapuna a nagmayengac ket diac tinurdan nga imparangarang cadacayo ti panangipapanco.
7Kinunac, Dagiti al-aldaw agsaoda coma, ti kinaadu dagiti tawtawen mangisuro coma iti sirib.
8Ngem adda maysa nga Job 33:4.espiritu iti tao, ket ti Job 35:10. Sant. 1:5.anges ti Mannacabalin iccanna ida iti pannacaawat.
9 Gen. 25:23. Saan a dagiti dadackel dagiti mamasirib, wenno dagiti lallacay dagiti macaawat iti kinajusticia.
10Gapuna a kinunac, Imdengandac; iparangarangconto met ti panangipapanco.
11Adtoy, inurayco dagiti sasaoyo, tinimudco dagiti pagcalinteganyo, idi nagsukimatcayo no ania ti saoenyo.
12Wen, inimdengancayo, ket, adtoy, awan ti nacaparmec ken Job, wenno nacasungbat cadagiti sasaona, cadacayo.
13Agannadcayo di la ket ta cunayo, nacasaraccami iti sirib; ti Dios ti mangabac coma kencuana, saan a ti tao:
14Ta isu dina inturong dagiti sasaona a maibusor caniac; uray siac diacto sungbatan cas cadagiti bitbitlayo.
15Isuda masdaawda, dida sumungbaten uray caano: isuda awananda ti balicas nga isao.
16Ket agurayacto aya, agsipud ta dida agsao, agsipud ta agtalnada, ket dida sumungbaten?
17Isungbatconto met ti biangco, iparangarangconto met ti panangipapanco.
18Ta napnoac cadagiti sasao; ta pilitennac ti espiritu iti unegco.
19Adtoy, ti barucongco cas iti arac nga awan ti sumngawanna; cas baro a lalat ti arac a sidadaan nga agbettac.
20Agsaoacto, tapno mabang-aranac coma; agsaoac babaen cadagiti bibigco ket sumungbatac.
21Dawatec cadacayo, bayandac, diac padayawan ti kinatao ti uray siasino; diacto itden dagiti mamarparay-oc a galad iti siasinoman a tao.
22Ta diac ammo nga itden dagiti mamarparay-oc a galad; Ta no casta ti Managaramidco sidadaras a mangiccat coma caniac.
Who We AreWhat We EelieveWhat We Do
2025 by iamachristian.org,Inc All rights reserved.
