JEREMIAS 23 - Ilokano Form-Based Bible: Ti Biblia (1973)

Dagiti nadangcoc a paspastor ken ti nalinteg a sanga. Dagiti natiri a mammadto ti Juda ken ti Samaria maidarumda. Dagiti mangrabrabac cadagiti pudno a mammadto matubngarda.

1Asi pay dagiti paspastor Isa. 56:11. Jer. 6:3; 10:21; 32:22.nga agdadael ken agiwara cadagiti carcarnero ti pagpaarabac! cuna ni Jehova.

2Gapuna a castoy ti cuna ni Jehova, a Dios ti Israel, a maibusor cadagiti paspastor a mangpacan iti ilic: Inwarayo ti pangenco, ken inabugyo ida, ken saanyo ida a sinarungcaran; adtoy, ipasarungcarconto cadacayo ti kinadakes dagiti gapuananyo, cuna ni Jehova.

3Ket Jer. 29:14; 32:37. Eze. 34:11-16.urnongecto ti natda iti pangenco cadagiti amin a dagdaga a nangipaturongac cadacuada, ket iyegconto manen ida cadagiti pagaponanda; ket isuda dagiti nabunga nabungadanto ket umaduda.

4Ket mangipasdecacto cadagiti Jer. 3:15.paspastor cadacuada; isuda a mangtaraon cadacuada; ket saandanto nga agbutengen, wenno agcullayaw, ket awanto met ti agcurang, cuna ni Jehova.

5Adtoy, dagiti al-aldaw dumtengda, cuna ni Jehova, a bangonecto ken David Isa. 4:2; 11:1.ti maysa a nalinteg a Sanga, ket isu agturayto a cas Isa. 32:1. Jer. 30:9. Zac. 9:9. Mat. 2:2.ari ken agaramid a sisisirib, ket agaramidto iti Sal. 72:2. Isa. 9:7.kinajusticia ken kinalinteg iti daga.

6Cadagiti al-aldawna ti Juda Deut. 33:28.maisalacanto, ket ti Israel agnaedto nga awan peggad; ket daytoy ti naganna a pangawagto kencuana: Jehova a 1 Cor. 1:30.kinalintegtayo.

7Gapuna, adtoy, dagiti al-aldaw Jer. 16:14, 15.dumtengda, cuna ni Jehova, a saandanto a saoenen, Cas sibibiag ni Jehova, isu a nangaon cadagiti annac ni Israel iti daga nga Egipto;

8No di ket, Cas sibibiag ni Jehova, isu a nangaon ken nangidalan iti capuonan ti balay ti Israel manipud iti makinamianan a daga, ken manipud iti isu-amin a daga a nangipaturongac cadacuada. Ket isuda agnaeddanto iti dagada met laeng.

9Maipapan cadagiti mammadto. Ti pusoc narunaw iti unegco, Hab. 3:2, 16.amin dagiti tulangco aggungunda, caslaac iti maysa a tao a nabartec, ken maysa a tao nga inabac ti arac, gapu ken Jehova ken gapu cadagiti nasantoan a saona.

10Ta Jer. 5:7, 8; 9:2.ti daga napno cadagitimannakicamalala; ta maipuon Os. 4:2.iti lunod ti daga agdung-aw; dagiti pagaraban ti let-ang agmagada. Ket ti pannagnada dakes, ken ti bilegda saan a nalinteg;

11Ta agpadpada ti mammadto ken ti Jer. 6:13; 8:10. Sof. 3:4.padi nabassawangda; Jer. 7:30; 32:34. Eze. 8:6, 11; 23:39.wen, iti bulayco masaracac ti kinadangcocda, cuna ni Jehova.

12Gapuna nga iti dalanda agbalinto cadacuada a cas nagalis a disdisso iti sipnget: isuda maiturongdanto ket matnagda idiay; ta Jer. 11:23.iyegconto ti dakes cadacuada, nga isu ti tawen ti pannacasucnalda, cuna ni Jehova.

13Ket nacakitaac iti minamaag cadagiti mammadto ti Isa. 7:9. Jer. 31:5.Samaria; Isa. 9:16.nagipadtoda gapu ken Baal, ket pinabiddutda ti ilic nga Israel.

14Cadagiti mammadto ti Jerusalem nacakitaac met iti nacaalalinggec a banag: Jer. 29:23.isuda makicamalalada, ket magnada cadagiti tiri; ket Eze. 13:22.papigsaenda dagiti im-ima dagiti agaramid ti dakes, ta tapno awan ti agsubli manipud iti kinadakesna: isuda amin agbalinda caniac a Isa. 1:9, 10.cas iti Sodoma, ket dagiti agnaed kencuana cas iti Gomorra.

15Gapuna castoy ti cuna ni Jehova dagiti buybuyot a maipapan cadagiti mammadto: Adtoy, pacanecto ida iti ajenjo, ket painumecto ida iti danum ti apro; ta nanipud cadagiti mammadto ti Jerusalem rimmuar ti saan a dinidios a mapan cadagiti amin a daga.

16Castoy ti cuna ni Jehova dagiti buybuyot, Dicayo ipangag dagiti sasao dagiti mammadto nga agipadto cadacayo: isurodacayo iti kinaubbaw, Num. 16:28.agsaoda iti maysa a parparmata ti bucodda a puso, a saan nga aggapu iti ngiwat ni Jehova.

17Cunaenda a di agsarday cadagidiay a manguyaw caniac, Ni Jehova kinunana, Jer. 6:14.Addanto talnayo; ket cunada iti tunggal maysa a magna iti kinabangad ti bucodna a pusona, Mik. 3:11.Awan ti dakes nga umayto cadacayo.

18Ta 1 Cor. 2:16.siasino ti nagtacder iti pammagbagaan ni Jehova isu a macakita coma ken macangngeg iti saona? siasino ti nangtandaan iti saoc ken nacangngeg kencuana?

19Adtoy, ti bagio ni Jehova, nga isu ti pungtotna, rimmuar, wen maysa nga alipugpug a bagio: isu agtinnagto iti rabaw ti olo ti nadangcoc.

20Ti unget ni Jehova Jer. 30:24.saanto nga agsubli, agingga iti maaramidna, ken matungpalna dagiti panggep ti pusona: cadagiti maudi nga al-aldaw maawatanyonto a naananay.

21Saanco nga imbaon Jer. 14:14.dagitoy a mammadto, nupay casta nagtarayda: saanac a nagsao cadacuada, nupay casta nagipadtoda.

22Ngem no nagtacderda coma iti pammagbagac, iti casta pinagdengngegda coma ti ilic cadagiti sasaoc, ket Jer. 25:5.insublida ida manipud iti dakes a dalanda, ken manipud iti kinadakes dagiti gapuananda.

23Siac aya ti Dios iti asideg, cuna ni Jehova, ket Sal. 94:7.saan a siac met ti Dios iti adayu?

24Mabalin aya ti siasinoman ti aglinged cadagiti nalmeng a disso tapno isu saanco a makita? cuna ni Jehova. Saanco aya a punnoen ti langit ken daga? cuna ni Jehova.

25Nangngegco ti sao dagiti mammadto nga agipadto cadagiti ulbod iti naganco, a cunada, Jer. 5:31.Nagtagtagainepac, nagtagtagainepac.

26Casanonto ti cabayag daytoy iti puso dagiti mammadto nga agipadto cadagiti ulbod, nga isu dagiti mammadto ti allilaw nga aggapu iti pusoda met laeng?

27A panggependa a panglipaten ti ilic iti naganco gapu cadagiti tagtagainepda nga ibagada tunggal tao iti caarrubana, a cas cadagiti ammada Oc. 3:7; 8:33-34.linipatanda ti naganco gapu ken Baal.

28Ti mammadto nga addaan tagtagainepna, ibagana coma a tagtagainep; ket dayta nga addaan iti saoc, saoenna coma iti saoc a sipupudno. Ania aya ti garami iti trigo? cuna ni Jehova.

29Saan aya a ti saoc cas la apuy? cuna ni Jehova; ken cas martillo a burakenna ti bato?

30Gapuna, adtoy, Deut. 18:20. Jer. 14:15.bumusorac cadagiti mammadto, cuna ni Jehova, daydiay tacawenna dagiti sasaoc tunggal maysa iti caarrubana.

31Adtoy, bumusorac cadagiti mammadto, cuna ni Jehova, nga aramatenda dagiti dilada, a cunada, Isu cunana.

32Adtoy, bumusorac cadagidiay nga agipadto cadagiti ulbod a tagtagainep, cuna ni Jehova, ket ibagada cadacuada, ket pabiddutenda ti ilic bil. 13.gapu cadagiti ulbodda, ken Sof. 3:4.gapu cadagiti ubbaw a panagpasindayag: nupay casta diac ida imbaon, diac met binilin ida; ket saanda met a paggungonaen a pulos daytoy nga umili, cuna ni Jehova.

33Ket no daytoy nga umili, wenno ti mammadto, wenno ti padi damagenna kenca a cunana, Isa. 13:1. D. Un. 2:14. Mal. 1:1.Ania ti aw-awiten ni Jehova? Cunamto ngarud cadacuada, Ania nga aw-awiten! Ipalladawcayto, cuna ni Jehova.

34Ket no maipapan iti mammadto, ken iti padi, ken iti umili, nga agcunanto, Ti aw-awiten ni Jehova, siac dusaecto met dayta a tao ken ti balayna.

35Castoy ti cunaenyonto tunggal maysa iti caarrubana, ken tunggal maysa iti cabsatna a lalaki, Ania ti insungbat ni Jehova? ken, ania ti sinao ni Jehova?

36Ket ti aw-awiten ni Jehova saanyonto a dacawatenen: ta ti sao met laeng ti tunggal tao isunto ti awitna, ta tiniritiryo dagiti sasao ti Sal. 42:2.Dios a sibibiag, a ni Jehova dagiti buybuyot a Diostayo.

37Castoy ti cunamto iti mammadto, Ania ti insungbat ni Jehova kenca? ken, ania ti sinao ni Jehova?

38Ngem no cunayo, Ti aw-awiten ni Jehova, castoy ngarud ti cuna ni Jehova: Agsipud ta saoenyo daytoy a sao, Ti aw-awiten ni Jehova, ket nagbaonac cadacayo, a kinunac, Saanyonto a cunaen, Ti aw-awiten ni Jehova;

39Adtoy ngarud, Os. 4:6.lipatancayto a naananay, ket ibellengcayto, ken ti ili nga intedco cadacayo ken cadagiti ammayo, iti adayu caniac:

40Ket iyegconto ti agnanayon a pannacaumsi cadacayo, ken awan inggana a pannacaibabain, isu a saanto a malipatan.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help