TAGA ROMA 1 - Ilokano Form-Based Bible: Ti Biblia (1973)

Cablaaw ken panagyaman.

1Ni Pablo, maysa nga adipen ni Jesu-Cristo, 1 Cor. 1:1. Gal. 1:1, 15.naayaban nga agapostol, D. Ara. 13:2. Gal. 1:15.nailasin a maipaay iti evangelio ti Dios,

2Nga incarina idi Rom. 3:21; 16:26.babaen cadagiti mammadtona cadagiti nasantoan a Sursurat,

3A maipapan iti Anacna, a Mat. 1:1.nayanac iti capoonan ni David, a mayannurot iti lasag,

4Isu D. Ara. 13:33.naipakita nga Anac ti Dios, gapu iti pannacabalinna, a D. Ara. 10:38. Heb. 9:14.mayannurot iti espiritu ti kinasanto, gapu iti panagungarna cadagiti natay; ni Jesu-Cristo nga Apotayo.

5Gapu kencuana Rom. 15:15. 1 Cor. 15:10. Gal. 1:15.inawatmi, ti parabur ken ti kina-apostol, a maipaay iti pannacapatulnog iti pammati cadagiti amin nga il-ili, a maipaay iti naganna;

6Cadacuada nairamancayo met a 1 Cor. 1:2, 24.maawis ken Jesu-Cristo;

7Cadacayo amin nga adda dita Roma, ay-ayaten ti Dios, ken naawis nga agsanto; 1 Cor. 1:3. 2 Cor. 1:2.Parabur ken talna cadacayo nga aggapu iti Dios nga Amatayo ken ni Apo Jesu-Cristo.

Ti pammati dagiti taga Roma; ni Pablo tarigagayanna unay ida a makita.

8Umuna unay, 1 Cor. 1:4. Efe. 1:15, 16. Fili. 1:3. Col. 1:3, 4.agyamanac iti Diosco gapu ken Jesu-Cristo, maipoon cadacayo amin, agsipud ta ti Rom. 16:19.pammatiyo naipaduyacyaken iti amin a lubong.

9Ta sacsic ti Dios a pagserviac iti espirituc iti evangelio ti Anacna, no casano ti 1 Tes. 1:2. File. 4.di-agressat a pannacalagipco cadacayo a cancanayon cadagiti carcararagco.

10Nga agdaodawatac a Rom. 15:23, 32.no mabalin coma babaen ti pananganamong ti Dios addanton gundawayco nga umay cadacayo.

11Ta tarigagayancayo a makita tapno ipaayancayo ti sagut a naespirituan, tapno mapapigsacayo;

12Cayatna a saoen, nga aglilinniwanliwatayo iti pammati ti tunggal maysa, dacayo ken siac.

13Ket diac cayat a dicayo maammoan, cacabsat, a Rom. 15:22, 23.naminadu a pinanggepco ti umay cadacayo (ket agpapan ita nalappedanac), tapno macagunodac met coma ti bunga cadacayo, a cas met cadagiti dadduma a Gentiles.

14Siac, macautangac nga agpadpada cadagiti Griegos ken D. Ara. 28:2.cadagiti gangannaet, cadagiti mamasirib ken cadagiti nanengneng.

15Gapuna no maipapan caniac sisasaganaac a mangicasaba ti evangelio cadacayo met dita Roma.

Ti evangelio isu ti pannacabalin ti Dios a maipaay iti pannacaisalacan dagiti amin a mamati.

16Ta diac ibain ti evangelio; 1 Cor. 1:18, 24.ta isu ti pannacabalin ti Dios a maipaay iti pannacaisalacan ti tunggal maysa a mamati; D. Ara. 18:4; 19:10; 20:21.umuna iti Judio, ken iti met Griego.

17Ta Rom. 3:21.iti daytoy maipacaammo ti kinalinteg ti Dios, manipud iti pammati agingga iti pammati: kas iti adda a naisurat; Hab. 2:4. Gal. 3:11. Heb. 10:38.Ti nalinteg agbiagto gapu iti pammati.

Ti panagrucbab cadagiti ladawan a didiosen.

18Ta ti pungtot ti Dios Efe. 5:6.maiparangarang manipud langit, a maibusor iti amin a kinadangcuc ken kinakil-lo dagiti tattao, a lappedanda ti kinapudno gapu iti kinadakes.

19Ta D. Ara. 14:17; 17:24-27. Rom. 2:14, 15.ti panangammo iti Dios nalawag cadacuada met; ta ti Dios imparangarangna cadacuada.

20Ta dagiti banbanagna a di makita, nga isuda ti agnanayon a pannacabalin ken ti kinadiosna maipacaammoda a nalawag, ta maipakitada gapu cadagiti inaramidna nanipud idi pannacaparsua ti lubong, Rom. 3:19.tapno awan ti pagpambarda:

21Ta idinto a naammoanda ti Dios, saanda a dinaydayaw a cas Dios, dida met nagyaman, no di ket Efe. 4:17, 18.nagtangsitda cadagiti panagipalpalawagda, ket nagsipnget ti nanengneng a pusoda.

22A cuncunada nga mamasiribda nagbalinda a nanengneng,

23Ket sinuctanda ti dayag ti Dios a di agrupsa iti caasping Deut. 4:15-19.ti ladawan ti tao nga agrupsa, ken dagiti tumatayab, ken dagiti an-animal a nagsaka iti uppat ken dagiti ul-uleg.

24Gapuna, ti Sal. 81:12.Dios binaybay-anna ida cadagiti derderrep dagiti puspusoda nga agturong iti kinarugit, 1 Cor. 6:18.tapno maibabain coma dagiti bagbagida cadacuada met laeng:

25Ta sinuctanda ti kinapudno ti Dios Isa. 28:15; 44:20. Jer. 10:14. Amos 2:4. 2 Tes. 2:11.iti ulbod, ket nagdaydayawda ken nagserservida iti parsua a di ket iti Namarsua; isu a madaydayaw nga agnanayon. Amen.

26Gapu iti daytoy ti Dios binaybay-anna ida cadagiti derderrep a nacababain; ta uray dagiti babbai nga adda cadacuada sinuctanda ti nacaparsuaan a pannacaaramatda iti maisalungasing iti nacaparsuaan:

27Ket casta met dagiti lallaki, binaybay-anda ti nacaparsuaan dagiti babbai, simgedda iti derrep iti maysa ken maysa cadacuada, nga inaramidda ti nacarugrugit a pamay-an a lallaki ken lallaki, ket inawatda cadagiti bagbagida met laeng ti maicari a gonggona ti pannacaal-lilawda.

28Ket agsipud ta dida kinayat nga inammo ti Dios, ti bil. 24, 26. Sal. 81:12.Dios binaybay-anna ida iti maysa a nakem a dakes, tapno Efe. 5:4.aramidenda dagiti banbanag a di maipaay;

29A napnoda iti amin a kinakil-lo, kinadakes, agum, dakes a nakem; napnoda iti apal, panagpapatay, ringgor, ulbod, kinadangcuc; managuy-uyaw.

30Managdadaelda, managgurada iti Dios, nacuspag, napalangguad, napasindayag, managparnuay cadagiti dakes a banbanag, nasukir cadagiti dadackelda.

31Awan isipda, saanda a matalec cadagiti tultulag, awan ti ayatda a nacaparsuaan, awan asida;

32Nga idinto nga Rom. 2:2.ammoda dagiti pagal-alagadan ti Dios, a dagiti agaramid cadagiti cacasta a banbanag, Rom. 6:21.maicarida ken patay, saan laeng nga aramidenda ida, no di ket Sal. 58:18. Os. 7:3.umabuloyda pay cadagiti agaramid cadacuada.