1Adtoy, ti matac nakitana amin daytoy. Ti lapayagco nangngegna ket naawatanna.
2Ti ammoyo, isu met laeng ti ammoc: saanac a nababbaba ngem dacayo.
3Pudno a cayatco coma ti agsao iti Mannacabalin, calicagumac ti makicalintegan iti Dios.
4Ngem dacayo a Job 6:11; 14:14; 29:21, 23.mangigacat cadagiti ul-ulbod; Job 16:2.dacayo amin mangngagascayo nga awan pategna.
5O sapay coma ta agtalnacayo iti isu-amin! Prov. 17:28.Ket isu coma ti siribyo;
6Denggenyo ita ti pannakicalintegac ket ipangagyo dagiti on-onnoy dagiti bibigco.
7Agsaocayto aya a Job 27:4.sikikillo gapu iti Dios, ket agsaocayto a sibaballicog gapu kencuana?
8Isu ti ipangpangronayonto aya? Makisubangcayto aya a maipaay iti Dios?
9 Job 10:3. Naimbag aya a sukimatennacayo coma? Gal. 6:7.Wenno cas ti panangallilaw ti maysa a tao, isu allilawenyonto aya?
10Pudno a babalawennacayto, no ulimcanyo ti panangipangpangronayo.
11Dinacayto aya pagbutngen ti dayagna, ken ti panagbuteng kencuana agtinnagto cadacayo?
12Dagiti malaglagip a sasaoyo isuda ti proverbio a Isa. 44:20.dapdapo, dagiti salacnibyo isuda dagiti salacnib a daga.
13Agtalnacayo, bay-andac, tapno agsaoac coma; ket umay coma caniac ti aniaman nga umayto.
14Apay pigisec coma ti lasagco cadagiti ngipenco, ket icabilco ti biagco iti imac?
15 Prov. 14:32. Adtoy, patayennacto; awan Sal. 119:69.inanamac; nupay casta salimetmetacto dagiti dalanco iti sangona.
16Daytoy isunto met ti salacanco, a ti manangin sisingpet dinto umay iti sangona.
17Denggenyo a sireregta ti bitlac, ket adda coma cadagita lapayagyo ti palawagco.
18Adtoy ita, inornoscon ti panggepco; ammoc a nalintegac.
19 Isa. 50:8, 9. Asino ti makisubangto caniac? Ta iti casta agtalnaac coma ken yawatco ti cararuac.
20 Job 9:34. Isuna laeng a dagiti dua a banag dica aramiden caniac; iti casta diac ilemmengan ta rupam:
21Iyadayum caniac ta imam; ket dica palubosan a pagbutngennac dayta pangigtotmo.
22Iti casta umawagca, ket sumungbatacto: wenno palubosannac nga agsao, ket sungbatannac.
23Mano aya dagiti kinadangkesco ken basbasolco? Sal. 19:12.Ipacaammom caniac ti labsingco ken basolco.
24 Sal. 13:1; 44:24; 88:14. Apay ilemmengmo ta rupam, ken ibilangnac a Job 19:11; 33:10.cabusormo?
25Dadaelemto aya ti maysa a bulong a naipalladaw? Ket camatento aya ti nagango a nagparaspasan ti garami?
26 Sal. 25:7. Ta isuratmo dagiti napait a banag a maibusor caniac, ket pagtawidennac cadagiti kinadangkes ti kinaagtutuboc:
27 Job 33:11. Icabilmo met dagiti sacac cadagiti tul-ong, ket tandaanam amin dagiti dandanac; mangisaadca iti maysa a beddeng cadagiti dapan dagiti sacac:
28Nupay umaspingac iti maysa a nalungsot a banag nga agrunot. Cas maysa a pagan-anay a sinanga.
Who We AreWhat We EelieveWhat We Do
2025 by iamachristian.org,Inc All rights reserved.
