1Ket ni Jehova nakisao ken Moises, a kinunana,
2 Num. 25:17. Pagibalsem dagiti annac ti Israel cadagiti Madianitas: ti calpasanna Num. 20:24.maitiponcanto cadagidi cacabagiam.
3Ket ni Moises imbagana iti ili, a kinunana, Pagigamenyo ti dadduma a lallaki cadacayo a maipaay iti gubat, ta incayo a maibusor iti Madian.
4Cadagiti amin caputotan ti Israel ibaonyonto iti gubat ti sangaribu iti tunggal caputotan.
5Iti casta naipan cadagiti rinibribu a Israel ti sangaribu iti tunggal caputotan, sangapulo ket dua a ribu ti Num. 32:27. Jos. 4:13.nagigam a maipaay iti gubat.
6Ket ni Moises imbaonna ida a makigubat, ti sangaribu iti tunggal caputotan, isuda ken ni Finees nga anac a lalaki ni Eleazar a padi, ti mapan iti gubat, nga incuyogda dagiti vasvaso ti santuario, ken dagiti Lev. 23:24. Num. 10:6, 9.tangguyob cadagiti im-imada nga agservi a pamagariwawa.
7Ket isuda nakigubatda a nakibusor iti Madian, cas imbilin ni Jehova ken Moises: ket Deut. 20:13. Oc. 21:11. 1 Sam. 27:9. 1 Ar. 11:15-16.pinatayda amin a lallaki.
8Ket pinatayda dagiti ar-ari ti Madian a nairaman cadagiti pinatayda; ni Jos. 13:21.Evi, ken ni Recem, ken ni Num. 25:15.Zur, ken ni Hur, ken ni Reba, ti lima nga ar-ari ti Madian: ni Jos. 13:22.Balaam met nga anac a lalaki ni Beor pinatayda iti igam.
9Ket dagiti annac ti Israel innalada a kinayawan dagiti babbai iti Madian ken dagiti babassitda; ket amin nga an-animalda ken amin a pangpangenda, ken amin a sansanicuada, innalada a samsam.
10Ket amin dagiti il-ilida cadagiti disdisso a nagnaedanda, ken amin a nagpacpacarsuanda, pinuuranda, iti apuy.
11Ket innalada amin a samsam ken amin a nacayawan, tao man ken animal.
12Ket impanda dagiti cayawda, ken ti natucmaan, ken ti samsam iti yan da Moises ken Eleazar a padi, ken iti yan ti gimong dagiti annac ti Israel, iti yan ti pacarso iti tantanap ti Moab, nga adda iti abay ti Jordan sadi Jerico.
13Ket ni Moises, ken ni Eleazar a padi, ken amin dagiti pangpangoloen ti gimong, napanda sinabat ida iti ruar ti pacarso.
14Ket ni Moises nagunget cadagiti turturayen ti buyot, a capcapitan dagiti rinibribu, ken capcapitan dagiti ginasut, a naggapu iti panagservi iti gubat.
15Ket ni Moises kinunana cadacuada, Biniagyo met la amin a 1 Sam. 15:3.babai?
16Adtoy, Num. 25:2.dagitoy ti nacaaramidan ti salungasing dagiti annac ti Israel, a maicaniwas ken Jehova, gapu iti Num. 24:14. 2 Ped. 2:15.ballaag ni Balaam, iti panggep ni Num. 23:28.Peor, ket isu ti gapuna ti caadda idi ti Num. 25:9.angol iti gimong ni Jehova.
17 Oc. 21:11-12. Ita ngarud, patayenyo amin a lallaki cadagiti ub-ubbing, ken patayenyo amin a babbai a nacaammo iti lalaki iti pannakicaiddana kencuana.
18Ngem dagup amin a babbai nga ub-ubbing, a dina pay naramanan ti lalaki iti pinnakicaidda kencuana, biagenyo ida cadacayo.
19Ket Num. 5:2.agtaengcayo iti ruar ti pacarso iti pito nga aldaw: siasinoman a nacapatay iti siasinoman a tao ken Num. 19:11.siasinoman a simmagid iti napapatay, dalusanyo dagiti bagbagiyo iti maicatlo, ken iti maicapito nga aldaw, dacayo ken dagiti kinayawanyo.
20Ket ti maipapan iti tunggal pagan-anay, ken amin a naaramid iti lalat, ken amin a naaramid iti dutdut ti calding, ken amin a naaramid iti cayo, dalusanyo dagiti bagbagiyo.
21Ket ni Eleazar a padi kinunana cadagiti lallaki ti gubat, a napan iti gubatan, Daytoy ti alagaden ti linteg nga ni Jehova imbilinna ken Moises:
22Ngem ti balitoc, ken ti pirac, ti suer, ti landoc, ti estano, ken ti buli,
23Amin a di marunaw iti apuy, pailabasyonto iti apuy, ket nadalusto; nupay casta madalusanto iti Num. 19:9, 17.danum ti kinarugit, ket amin a marunaw iti apuy, isawsawyonto iti danum.
24Ket dacayo Lev. 11:25.labaanyonto dagiti pagan-anayyo iti maicapito nga aldaw, ket nadaluscayto, ket iti calpasanna sumreccayto iti pacarso.
25Ket ni Jehova nagsao ken Moises, a kinunana,
26Alaenyo ti dagup ti samsam a naalayo, tao man ken animal, sica ken ni Eleazar a padi, ken dagiti pangpangoloen ti balbalay dagiti amma ti gimong:
27Ket Jos. 22:8. 1 Sam. 30:24.binglayenyo ti samsam iti agcadua nga apag: cadagiti lallaki a nasursuroan iti gubat, a rimmuar iti bacal, ken iti dagup ti gimong:
28Ket mangituyangcayo iti maysa a buis ken Jehova cadagiti lalaki ti gubat a bil. 30, 47.rimmuar a nakibacal: maysa a cararua iti lima gasut, agpadpadada dagiti tattao ken dagiti vacvaca a lallaki, ken dagiti as-asno, ken dagiti pangpangen.
29Alaem iti daytoy ti caguddua, ket itedmo ken Eleazar a padi a maipaay a daton a maitayag ken Jehova.
30Ket iti caguddua a biang dagiti annac ti Israel, alaemto ti bil. 42, 47.maysa iti tunggal limapulo cadagiti tattao, cadagiti vacvaca, cadagiti as-asno, ken cadagiti pangen, a cadagiti met laeng amin nga an-animal, ket itedmo ida cadagiti Levitas, a Num. 1:53.mangsalimetmet ti panagannong iti tabernaculo ni Jehova.
31Ket ni Moises ken ni Eleazar a padi inaramidda ti cas imbilin ni Jehova ken Moises.
32Ita ti natucmaan, malacsid ti maisuroc a samsam nga innala dagiti lallaki ti gubat, innem a gasut pito pulo, ket lima a ribu a carcarnero,
33Ken pitopulo ket dua a ribu a vacvaca,
34Ken innem a pulo ket maysa a ribu nga as-asno,
35Ken tallopulo ket dua a ribu a tattao a dagup dagiti babbai a di nacaammo iti lalaki iti pannakicaddana kencuana.
36Ket ti guddua nga isu ti binglay dagiti rimmuar iti gubat, ti bilangda isu ti tallo gasut tallopulo ket pito a ribu, ken limagasut a carcarnero:
37 bil. 28. Ket ti carcarnero a buis ken Jehova, innem a gasut ket pitopulo ket lima.
38Ket dagiti vacvaca, tallopulo ket innem a ribu; cadagitoy, pitopulo ket dua ti buis ken Jehova.
39Ket dagiti as-asno tallopulo a ribu ket limagasut; cadagitoy, innem a pulo ket maysa ti buis ken Jehova.
40Ket dagiti tattao sangapulo ket innem a ribu; cadacuada, tallopulo ket dua a tattao ti buis ken Jehova.
41Ket ni Moises intedna ken Eleazar a padi ti buis a daton a maitayag ken Jehova, Num. 18:8, 19.cas imbilin ni Jehova ken Moises.
42Ket iti caguddua a biang dagiti annac ti Israel, nga inlasin ni Moises cadagiti lallaki a nakigubat,
43(Ita ti caguddua a bagi ti gimong, tallogasut tallopulo ket pito a ribu ken lima gasut a carcarnero,
44Ken tallopulo ket innem a ribu a vacvaca,
45Ken tallopulo a ribu ken lima gasut nga as-asno,
46Ken sangapulo ket innem a ribu a tattao)
47 bil. 30. A iti caguddua met laeng a biang dagiti annac ti Israel, innala ni Moises ti maysa iti tunggal limapulo, tao man ken animal, ket intedna ida cadagiti Levitas a mangaywan ti panagannong iti tabernaculo ni Jehova; cas imbilin ni Jehova ken Moises.
48 bil. 14. Ket dagiti agtuturay a nagturay cadagiti rinibu a buyot, dagiti capcapitan ti rinibu, ken dagiti capcapitan dagiti ginasut immasidegda ken Moises.
49Ket kinunada ken Moises, Dagiti ad-adipenmo innalada ti bilang dagiti lallaki a makigubat nga adda iti babaen ti panagbilinmi, ket awan agcurang a maysa a tao cadacami.
50Ket inyegmi ti daton ken Jehova a tunggal maysa a tao nagun-odanna nga al-alicamen a balitoc, cawcawar, ken pulpulceras, singsingsing a pagmarca, ar-aritos, ken cucuentas, tapno Ex. 30:15-16.aramiden a pannacaabbong ti cararuami iti sango ni Jehova.
51Ket ni Moises ken ni Eleazar a padi inawatda cadacuada ti balitoc nga isu dagiti napanday nga al-alicamen.
52Ket amin a balitoc ti daton a maitayag nga indatagda ken Jehova, iti cucua dagiti capcapitan ti rinibu, ken dagiti capcapitan dagiti ginasgasut, sangapulo ket innem a ribu, pito a gasut ket lima pulo a siclo.
53(Ta dagiti Deut. 20:14.lallaki ti gubat nagsamsamda, tumunggal maysa iti agpaay kencuana.)
54Ket ni Moises ken ni Eleazar a padi inawatda ti balitoc cadagiti capcapitan dagiti rinibribu ken ginasgasut, ket inyegda iti tolda ti gimong a Ex. 30:16.maysa a panglaglagipan a maipaay cadagiti annac ti Israel iti sango ni Jehova.
Who We AreWhat We EelieveWhat We Do
2025 by iamachristian.org,Inc All rights reserved.
