LEVITICO 11 - Ilokano Form-Based Bible: Ti Biblia (1973)

An-animal a nadalus ken narugit. Ti kinarugit dagiti an-animal a natay. Dagiti agcarcarayam a di macan.

1Ket ni Jehova nakisao cada Moises ken Aaron, a kinunana cadacuada,

2Ibagayo cadagiti annac ti Israel, a cunayo, Aginga bil. 47. Deut. 14:3-20. Mat. 15:11. Mar. 7:15, 18. D. Ara. 10:12, 15; 11:6, 9. Rom. 14:14. 1 Cor. 8:8. Col. 2:16, 21. Heb. 9:10.Dagitoy dagiti nabiag a mabalinyo a canen cadagiti an-animal nga adda iti rabaw ti daga.

3Uray ania cadagiti an-animal a nagpisi ti cucuda, ken naggudua ti dapanna, ken agngatingat, mabalinyo a sidaen.

4Nupay casta dicayto sidsidaen dagitoy nga agngatingat, a nagpisi ti cucuda: ti camello, uray ta agngatingat, ngem saan a nagpisi ti cucuna, isu ti carugityo.

5Ket ti Sal. 104:18. Prov. 30:26.connejo, uray ta agngatingat ngem saan a nagguddua ti cucuna, isu ti carugityo.

6Ket ti liebre, ta agngatingat ngem saan a nagpisi ti cucuna, isu ti carugityo.

7Ket ti babuy, ta nagguddua ti cucuna, ket nagpisi ti dapanna, ngem saan nga agngatingat, isu Isa. 65:4; 66:3, 17.carugityo.

8Iti lasag dagitoy dicayto agsida ket ti natay a bangcayda dicayto sagiden; carugityo ida.

9Dagitoy dagiti adda cadagiti dandanum a mabalinyonto a canen nga uray ania nga adda pigar ken sicsicna cadagiti dandanum, cadagiti baybay, ken cadagiti carcarayan, mabalinyo a sidaen.

10Ket dagup dagiti awan pigarna ken sicsicna iti baybay, ken iti carayan, iti dagup dagiti aggaraw cadagiti dandanum, ken iti amin dagiti nabiag nga adda cadagiti dandanum, Lev. 7:21.carimonyo ida.

11Ket carimonyonto ida; dicayto sidaen dagiti lasagda, ket dagiti bangcayda a natay carimonyonto.

12Uray ania nga awanan pigar ken sicsicna cadagiti dandanum, dayta macarimon cadacayo.

13Ket cadagiti tumatayab carimonyonto dagitoy; saandanto a masida, nacarimrimonda: ti aguila, ken ti azor, ken ti aguila ti taaw,

14Ken ti gik-gik, ken ti sawi, ken ti cakitana,

15Amin a wac ken cakitana,

16Ken ti avestruz, ken ti calaw, ken ti garceta, ken ti cali ken cakitana,

17Ken ti puec, ken ti catili ken ti cullaaw.

18Ken ti calamon, ken ti pelicano, ken ti buitre,

19Ken ti tic-babuy, ken ti cannaway ken cakitana, ken abubilla, ken ti panniki.

20Amin dagiti an-animal a nagpayac nga agcaradapda cadagiti uppat a sacsacada, carimonyo dagita.

21Nupay casta mabalinyo a sidaen dagiti amin a nagpayac nga agcaradapda cadagiti uppat a sacada, nga adda luppoda, isu a paglagtoda iti daga;

22Uray dagitoy mabalinyo a sidaen ida: Mat. 3:4. Mar. 1:6.ti dudon ken cakitana, ti pattanglod ken cakitana, ken ti curiat ken cakitana, ken ti pattinggi ken cakitana.

23Ngem amin a nagpayac nga agcaradap nga uppat dagiti sacsacada, carimonyo ida.

24Ket gapu cadagitoy agbalincayto a narugit: siasinoman a mangsagid iti bangcayda a natay, saanto a nadalus agingga iti rumabii;

25Ket siasinoman a mangala iti sangcabassit a bagi ti natay cadagidiay, Lev. 14:8, 9, 47; 15:5. Num. 19:10, 21; 31:24.labaannanto ti pagan-anayna, ket dinto nadalus agpapan iti rumabii.

26Tunggal animal a nagpisi ti cucuna ket saan a nagguddua ti dapanna, ket di met agngatingat, carugityonto; tunggal maysa a mangsagid cadacuada narugitto.

27Ket anyaman cadagiti an-animal a mangipagna cadagiti ramramay ti sacana nga uppat, narugit cadacayo dagita: siasinoman a tao a mangsagid iti bangcay a natay dagidiay, narugitto agingga iti rumabii.

28Ket ti mangawit iti bangcay a natay dagita labaannanto ti pagan-anayna ket dinto nadalus agpapan iti rumabii: dagita carugityo ida.

29Ket cadagiti agcarcarayam nga agay-ayam iti daga, dagitoy ti macarugit cadacayo: ti comadreja, Isa. 66:17.ken ti bao, ken ti banias ken cakitana,

30Ken ti tecca, ken ti buaya, ken ti aluti-it, ken ti alibut, ken ti berroroco.

31Dagitoy isuda ti carugityo cadagiti amin nga aguy-uyas: sianoman a mangsagid cadacuada no natayda, narugitto inggana iti rumabii.

32Ket uray ania a nacaitinnagan dagidiay, no natayda, narugitto; uray no latoc a cayo, uray pagan-anay, uray lalat, uray supot, uray ania man nga alicamen a maaramat iti aramiden, rebbengdanto ti Lev. 15:12.maicabil iti danum, ket saandanto a nadalus inggana ti rumabii, daytanto ti pannacadalusna.

33Ket tunggal damili a pacaipisocan ti maysa cadagidiay, uray ania nga adda iti unegna, saanto a nadalus, Lev. 6:28; 15:12.ket iboongyonto.

34Amin a taraon idiay a mabalin a canen, a madanuman, nacarugrugitto; ket amin a mabalin nga inumen nga agyan iti casdiay a damili saanto a nadalus.

35Ket amin a maiparabawto iti uray ania a paset ti bagida a natay narugitto; no horno wenno pagisaangan, mawarawaranto narugitda, ket carugityonto ida.

36Nupay ti maysa nga ubbog wenno bito a pagurnongan iti danum, nadalusto: ngem maisagid iti bagida a natay saanto a nadalus.

37Ket no ti sangcabassit iti bagida a natay agdisso iti bin-i a maimula, nadalus.

38Ngem no ti danum maicabil iti bin-i, ken no ti bassit iti bagida, a natay agdisso iti daydiay, narugitto cadacayo.

39Ket uray no ania nga animal, a mabalinyo a sidaen, matay; ti macasagid iti bagida a natay narugitto agpapan iti rumabii.

40Ket Lev. 17:15; 22:8. Deut. 14:21. Eze. 4:14; 44:31.ti mangan iti bagi daydiay a natay, labaannanto dagiti pagan-anayna ket narugitto agingga iti rumabii.

41 bil. 29. Ket tunggal maysa nga animal nga aguyas nga agcarcarayam iti daga maysa a nacarimrimon; daytoy dinto macan.

42Uray ania nga yuyusna ti Gen. 3:14.bucsitna, ken uray ania a mangicarayam cadagiti uppat a sacsacana, wenno uray ania nga adu ti sacsacana, uray dagup amin nga agcarcarayam iti daga, dicayto mangan cadagita, ta dagita macarimonda.

43Dicayto agaramid iti pacarimonan cadacayo maipuon laeng iti maysa nga animal nga aguy-uyas; dicayto met mangar-aramid iti pacarugitanyo cadagidiay, tapno mamulitancayo gapu cadacuada.

44Ta siac ni Jehova a Diosyo: santificarenyo dagiti bagbagiyo, ket Ex. 19:6. Lev. 19:2; 20:7, 26; 21:8. 1 Tes. 4:7. 1 Ped. 1:15, 16.agsantocayo; ta siac santoac: dicayto met mulmulitan dagiti bagbagiyo iti uray-ania a kita cadagiti aguy-uyas nga aggaraw iti rabaw ti daga.

45 Ex. 6:7. Ta siac ni Jehova a nangaon cadacayo iti daga nga Egipto, ta siac ti Diosyo: isu ti gapuna nga agsantocayto, ta siac santoac.

46Daytoy ti alagaden maipapan iti animal, ken iti tumatayab, ken iti amin a parsua a nabiag nga aggaraw iti danum, ken iti amin a naparsua nga aguy-uyas iti daga,

47 Lev. 10:10; 20:25. Tapno mailasin ti saan a nadalus ken ti nadalus, ken ti nabiag a parsua a mabalin a canen, ken ti naparsua a nabiag a saan a macan.