1Ket idi a ni Isboset, nga anac ni Saul, nangngegna a ni Abner natay idiay Hebron, Esd. 4:4.dagiti imana nagbalinda a nacapuy, ken isu-amin dagiti Israelitas nariribucda.
2Ket ni Isboset, nga anac ni Saul addaan idi iti dua a lallaki nga cap-capitan dagiti buyot, ti nagan ti maysa Baana, ket ti nagan ti sabali Recab, nga annac ni Remmon a Berotita, cadagiti annac ni Benjamin (Jos. 18:25. 2 Sam. 23:37.ta ti Berot naibilang idi iti Benjamin:
3Ket dagiti Berotias nagtalawda agingga iti Neh. 11:33.Getaim, ket naggangannaetda idi sadiay agingga iti daytoy nga aldaw.)
4 2 Sam. 9:3. Ket ni Jonatan nga anac ni Saul, addaan idi iti maysa nga anac a lalaki a pilay cadagiti sacsacana. Agtawen idi iti lima a tawen idi a dagiti damag immayda a maipapan ken Saul ken ni Jonatan a naggapu sadi Jezrael: ket daydi nangsisiwa kencuana isu innalana, ket nagtalaw: ket naaramid, nga idi a nagdaras a nagtalaw, a di ubing natnag, ket nagbalin a pilay. Ket ti naganna 2 Sam. 2:8. 1 Cron. 8:34; 9:40.Mifiboset.
5Ket dagiti annac ni Remmon a Berotita, da Recab ken Baana napanda, ket immayda iti capudot ti aldaw iti balay ni Isboset, idi nga isu agininana iti matoon.
6Ket immayda sadiay iti tengnga ti balay, a casda la nangyeg iti trigo; ket isu kinabilda ti 2 Sam. 2:23.bagina; ket da Recab ken Baana a cabsatna nagtalawda.
7Ket idi nga isuda immayda iti balay, idi nga isu agididda iti iddana idiay siled a pagturoganna, isu kinabilda, ken pinatayda, ket isu pinutolanda, ket innalada ti olona, ket nagnada a nagpatpatnag iti 2 Sam. 2:29.dalan ti Araba.
8Ket inyegda ti olo ni Isboset ken David idiay Hebron, ket kinunada iti ari, Adtoy, ti olo ni Isboset, nga anac ni Saul, a cabusormo, a nangbiruc idi ita biagmo; 1 Sam. 19:2, 10, 11; 23:15; 25:29.ket ni Jehova imbalsanna iti daytoy nga aldaw ni apoc nga ari ken ni Saul, ken iti putotna.
9Ket ni David simmungbat cada Recab ken Baana a cabsatna, nga annac ni Remmon a Berotita, ket kinunana cadacuada, Cas sibibiag ni Jehova, a 1 Ar. 1:29. Sal. 31:7.nangsubbot iti cararuac iti amin a pacarigatan,
10Idi a ti maysa nangibaga caniac, a cunana, Adtoy, ni 2 Sam. 1:2, 4, 15.Saul natay, a panpanunutenna a nangyeg iti naimbag a damag, tiniliwco, daydi ket isu pinatayco idiay Siclag, nga isu idi ti supapac nga intedco a gapu iti impadamagna.
11Dinto ad-adda, no dagiti dakes a tattao pinapatayda ti maysa a tao a nalinteg idiay balayna met laeng ken iti rabaw ti iddana; a Gen. 9:5, 6.sapulecto ti darana cadagiti im-imayo, ken iccatencayo iti daga?
12Ket ni David binilinna dagiti agtutubona a lallaki, ket isuda pinapatayda ida, ket pinutedda dagiti im-imada ken sacsacada, ket imbitinda ida idiay denna ti tanke sadi Hebron. Ngem innalada ti olo ni Isboset, ket intabonda iti 2 Sam. 3:32.tanem ni Abner idiay Hebron.
Who We AreWhat We EelieveWhat We Do
2025 by iamachristian.org,Inc All rights reserved.
