II CRONICAS 3 - Ilokano Form-Based Bible: Ti Biblia (1973)

Ti cadackel ken tabas ti templo. Dagiti kerubin ken monmon.

1Idin nangrugi ni 1 Ar. 6:1.Salomon a mangbangon ti balay ni Jehova idiay Jerusalem iti bantay Gen. 22:2.Moria, idiay nagparangan ni Jehova ken David nga amana, isu nga insaganana iti disso a tinudingan idi ni David idiay pagtaltagan ni Ornan a 1 Cron. 21:19. 2 Sam. 24:18.Jebuseo.

2Ket isu inrugina ti mangbangon iti maicadua nga aldaw ti maicadua a bulan, iti maicapat a tawen ti panagarina.

3Ket dagitoy dagiti cimiento nga incabil ni 1 Ar. 6:2.Salomon a maipaay iti pannacabangon ti balay ti Dios. Ti caatiddug a sinico a mayannurot iti umuna a panagrucod innem a pulo a sico, ket ti caacabana duapulo a sico.

4Ket ti balcon nga adda idi iti 1 Ar. 6:3.sango ti balay, ti caatiddugna a mayannurot ti caatiddug ti balay duapulo a sico, ket ti cangatona sangagasut ket duapulo; ket kinalupcupanna iti uneg iti pulpulos a balitoc.

5Ket ti dacdackel a 1 Ar. 6:17.balay binobedaanna iti cayo a parwa, a kinalupcupanna iti nasudi a balitoc, ket nangibutac iti dayta cadagiti caycayo a palma ken calcalangcang.

6Ket inarcosanna ti balay cadagiti napateg a batbato a maipaay iti sayaatna: ket ti balitoc, balitoc a naggapu iti Parvaim.

7Kinalupcupanna met ti balay, dagiti dadackel a caycayona, dagiti dapian, ken dagiti didingna, ken dagiti ruangan, iti balitoc; ket inkitikitna dagiti kerubin cadagiti diding.

8Ket inaramidna ti 1 Ar. 6:16.casasantoan a balay; ti caatiddugna a mayannurot iti caacaba ti balay duapulo a sico ket ti caacabana duapulo a sico; ket kinalupcupanna iti nasudi a balitoc, a nagdagup iti innem a gasut a talento.

9Ket ti timbeng dagiti lansa limapulo a siclo a balitoc. Ket kinalupcupanna dagiti nangatngato a 1 Cron. 28:11.silsiled iti balitoc.

10Ket iti casasantoan a balay inaramidna dagiti 1 Ar. 6:23-28.dua a kerubin nga aramid a ladawan; ket kinalupcupanna ida iti balitoc.

11Ket dagiti payac dagiti kerubin duapulo a sico ti caatiddugda ti payac ti maysa a kerubin lima a sico, a dimteng iti diding ti balay; ket ti sabali a payac castamet lima a sico, a dimteng iti sabali a payac ti kerubin.

12Ket ti payac ti sabali a kerubin lima a sico, a dimteng iti diding ti balay; ket ti sabali a payac lima a sico met, a nakisaip iti payac iti sabali a kerubin.

13Dagiti paypayac dagitoy a kerkerubin nagucradda iti duapulo a sico: ket nagtacder dagiti sacsacada, ket dagiti rupada simmangoda idi iti balay.

14Ket inaramidna ti bengbeng nga asul ken purpura, ken carmesi, ken nalapat a lienzo, ket nagaramid cadagiti kerkerubin iti bengbeng.

15Casta met nga inaramidna iti sango ti balay dagiti 1 Ar. 7:15-22.dua a monmon a 2 Ar. 25:17.tallo pulo ket lima a sico ti catayagda, ket ti paratoc nga adda iti toctoc ti tunggal maysa cadacuada lima a sico.

16Ket inaramidna dagiti calangcang iti oraculo, ket incabilna ida cadagiti toctoc dagiti monmon; ket inaramidna ti sangagasut a granadas, ket incabilna ida cadagiti calangcang.

17Ket isu pinatacderna dagiti monmon iti sango ti templo, maysa iti macanawan, ti sabali iti macatigid; ket ginaladanna ti nagan ti dayta iti macanawan iti Jakin, ket ti nagan iti dayta iti macatigid iti Boaz.