ISAIAS 28 - Ilokano Form-Based Bible: Ti Biblia (1973)

Idarumna ti kinamammartec ti Efraim ken Juda. Ni Jehova ibilinna ti pannacarba ti Jerusalem. Ti pangngarig ti agtaltalon.

1Asi pay ti

9Asino ti sursuroannanto iti pannacaammo? ken Jer. 6:10.asino ti pangipaawatannanto iti paibaga? dagiti aya mapusot iti gatas, ken maisina cadagiti suso?

10Ta isu ti alagaden a mainayon iti alagaden, Alagaden a mainayon iti alagaden; uged iti rabaw ti uged, uged a rutapan ti uged; sangcabassit ditoy, sangcabassit idiay.

11Saan, 1 Cor. 14:21.no di ket gapu cadagiti tattao dagiti bibig a gangannaet ken sabali a pagsasao ti pakisaonanto iti daytoy nga umili;

12Isu a nagcunaanna, Isu daytoy ti inana, mangtedcayo iti inana iti daydiay nabannog; ken isu daytoy ti pacabang-aran: nupay casta dida kinayat a dinengngeg.

13Gapuna a ti sao ni Jehova isunto ti alagaden a mainayon iti alagaden, alagaden a mainayon iti alagaden cadacuada; uged iti rabaw ti uged, uged a rutapan ti uged; sangcabassit ditoy, sangcabassit idiay; tapno macapanda, ken maliadda a mapasag, ket mabettacda, ken masiloanda, ket matiliwda.

14Gapuna a denggenyo ti sao ni Jehova, dacayo a bil. 22. Isa. 29:20.managuyaw, a mangituray itoy nga umili nga adda iti Jerusalem.

15Agsipud ta kinunayo, Dacami nakitulagcami ken patay, ken nakinomocami ken ni Tanem; intono lumasat ti aglayus a saplit, dinto dumteng cadacami; ta inaramidmi dagiti kinaulbod a pagcamanganmi, ken iti siroc ti kinatiri naglemmengcami:

16Gapuna a castoy ti cuna ni Apo Jehova, 1 Ped. 2:6.Adtoy isaadco idiay Sion ti Gen. 49:21. Sal. 118:22. Isa. 8:14.maysa a bato a maipaay a pamuon, maysa a napadas a bato, maysa a napateg a bato a panuli ti 1 Cor. 3:11.natibker a pamuon: ti Rom. 10:11.mamati saanto nga agganat.

17 2 Ar. 21:13. Ken aramidecto ti kinajusticia iti uged, ken ti kinalinteg iti tinnag; ket ti uraro itayabnanto ti pagcamangan dagiti kinaulbod, ket dagiti dandanum layusendanto ti paglemmengan.

18Ket ti pannakitulagyo ken patay maawawanto, ken ti pannakinomoyo ken ni Tanem dinto agtalinaed; intono lumasat ti aglayus a saplit, dacayo mapayatpayatcayonto gapu kencuana.

19Cas iti masansan nga ilalasatna, alaennacayto; ta biniganbigat a lumasatto, iti aldaw ken iti rabii: ket awanto sabali no di laeng ti kigtot a macaawat iti paibaga.

20Ta ti pagiddaan ab-ababa ngem iti daydiay tao nga agunnat kencuana; ket ti pagcumot ac-akikid ngem iti daydiay mangyules kencuana.

21Ta ni Jehova tumacderto a cas idiay bantay 2 Sam. 5:20. 1 Cron. 14:11.Perasim, cas idiay tanap sadi Jos. 10:10, 12. 2 Sam. 5:25.Gabaon ti panagungetnanto; tapno maaramidna ti aramidna, ti aramidna a datdatlag, ken palabasenna ti aramidna, ti aramidna a datdatlag.

22Ita ngarud dicayo aguy-uyaw, di la ket ta mapairut dagiti galutyo; ta maysa a bilin Isa. 10:23. Dan. 9:27.ti pannacarba iti amin a daga, ti nangngegco iti Apo, a ni Jehova dagiti buybuyot.

23Timudenyo, ken denggenyo ti tmecco; dumngegcayo, ket denggenyo ti saoc.

24Ti mangarado iti pagmulaan, Job 39:13.agarado aya a cancanayon? cancanayon aya a luctanna ken palpalanna ti dagana?

25Intono mapalanasna ti rabawna, dinanto aya iwaris dagiti neguillas, ken ipurruac ti bukel ti comino, ken ilumlum ti trigo a binatbatog, ken ti cebada iti disso a natudingan, ken ti espelta iti igidna?

26Ta casta ti isuro a maiparbeng ken idalan ti Diosna kencuana.

27Ta dagiti neguillas saan ida nga iriken iti natirad nga al-o, ket saanto met a maitulid iti rabaw ti comino ti pilid ti carison; no di ket dagiti neguillas mabatbatda iti maysa a bislac, ket ti comino iti maysa a pangor.

28Ti bukel nga aramiden a tinapay isu ti gilingen; ta isu ti saan a lebbeken a cancanayon: ken uray ti pilid ti carisonna ken dagiti cabayona isu ti iwarada, nupay casta isu dina gilingen.

29Daytoy agtaud met laeng ken ni Jehova dagiti buybuyot, isu a pagsidsiddaawan a mamalacad, ken mangnibinibi iti kinasirib.