I TAGA TESALONICA 2 - Ilokano Form-Based Bible: Ti Biblia (1973)

No casano ti panangawatda iti evangelio.

1Ta dacayo met laeng 1 Tes. 1:9.cacabsat, ammoyo a ti idadatengmi cadacayo saan a nagubbaw:

2No saan ket nga idinto a nagsagabacami, ken pinarparigatdacami D. Ara. 16:22.idiay Filipos, cas pagaammoyo, timmuredcami a sitatalec iti Diostayo, D. Ara. 17:2, 3.tapno isaomi cadacayo ti evangelio ti Dios iti tengnga ti adu a supsupiat.

3Ta ti pammagbagami saan a buyugen ti al-lilaw wenno ti 1 Tes. 4:7.kinarugit wenno ti ulbod:

4No saan ket a, cas iti pananganamung ti Dios, cadacami a mapagtalcan iti evangelio, casta ti panagsaomi, Gal. 1:10.saan a cas cadagiti mangayayo cadagiti tattao, no di ket iti Dios, a mangsuut cadagiti puspusotayo.

5Ta cas pagaammoyo uray caano dicami aramaten ti panagsao a panangal-aliog, wenno aniaman a pangabbong 2 Cor. 7:2.iti kinaagum, masacsian ti Dios;

6Ket dicami met sapulen cadagiti tao ti pacaidayawan, uray iti biangyo, uray cadagiti sabsabali, 1 Cor. 9:4, 6, 12, 18. 2 Cor. 3:9.idinto a calinteganmi coma ti panagturay, a 1 Cor. 9:1.cas apostol ni Cristo.

7No di ket naemmacami iti tengngayo, a cas iti ina nga agtagibi dongdongoenna dagiti annacna met laeng:

8Casta met, ti panagdongngomi cadacayo, ket siayatcami a mangipaay cadacayo, saan laeng a ti evangelio ti Dios, no di ket dagiti pay 2 Cor. 12:15. Fili. 2:17.cararuami, ta nagbalincayo a patgenmi unay.

9Ta D. Ara. 18:3. 2 Tes. 3:8.malagipyo, cacabsat, ti bannog ken rigatmi; nga nagtartrabajocami idi iti rabii ken aldaw, tapno dicami agbalin nga awit ti uray siasino cadacayo, incascasabami cadacayo ti evangelio ti Dios.

10Dacayo ti macasacsi ken castamet ti Dios, no casano ti kinasanto ken kinalinteg ken awan a pacapilawan ti pannakipagbiagmi idi cadacayo a mamati:

11A cas met ammoyo no casano ti panamagbagami ken panangpakiredmi ken panangpanecnecmi iti tunggal maysa cadacayo a 1 Cor. 4:14.cas maysa nga ama cadagiti annacna.

12Tapno Efe. 4:1. 1 Tes. 4:1.magnacayo coma idi cas maicari iti Dios, 1 Tes. 5:24.a nangayab cadacayo iti pagarian ken dayagna.

13Ket gapu met itoy agyamancami a di agressat iti Dios, ta idi 1 Tes. 1:3.inawatyo cadacami ti sao a paibaga ti Dios, inawatyo, Gal. 4:14.saan a cas la sao dagiti tattao, no di ket cas pudno a sao ti Dios, nga agaramid met cadacayo a mamati.

14Ta dacayo, cacabsat, nagbalincayo a tumultulad Gal. 1:22.cadagiti Iglesia ti Dios, ken Cristo Jesus, idiay Judea; a D. Ara. 17:5. 1 Tes. 3:4. 2 Tes. 1:4, 5.nagsagabacayo met cadagiti cacasdi a banbanag cadagiti Heb. 10:33, 34.cailianyo met laeng, a cas cadacuada cadagiti Judio;

15Isuda a namapatay ken Apo Jesus Mat. 5:12. D. Ara. 7:52.ken cadagiti mammadto, ken pinagtalawdacami, pay, ket dida maayayo ti Dios, ket maibusorda cadagiti amin a tattao;

16Ket paritandacami nga agsao D. Ara. 13:45, 50; 17:5, 13.cadagiti Gentil, maipanggep iti pannacaisalacanda; iti casta Gal. 4:11. Fili. 2:16.punpunnoenda a cancanayon dagiti basbasolda: ngem ti pungtot dimteng cadacuada inganat pannacaananayna.

17Ngem dacami, cacabsat, idinto a naisinacami cadacayo iti apagbiit, iti Col. 2:5.rupanrupa, saan nga iti puso, 1 Tes. 3:10.ipampamuspusanmi a sireregta babaen ti nasged a tarigagay tapno makitami ti rupayo;

18Ta naminadu a tinarigagayanmi ti umay cadacayo, siac ni Pablo, ngem linappedannacami ni Satanas.

19Ta Fili. 4:1.ania ti inanamami wenno rag-o, wenno balangat 2 Tes. 1:4.a pacaidayawanmi? saan aya a dacayo met laeng iti sangoanan ni Apotayo a Jesu-Cristo, 1 Tes. 3:13. 2 Tes. 2:1, 8.iti iyaayna?

20Kinapudnona dacayo ti dayaw ken ragsacmi.