DAGITI PROVERBIO 30 - Ilokano Form-Based Bible: Ti Biblia (1973)

Nadumaduma a balballaag a maipapan cadagiti tattao ken ramramit.

1Dagiti sasao ni Agur nga anac ni Jakeh; ti Prov. 31:1.mammadto. Ti lalaki cunana ken Ithiel, cada Ithiel ken Ucal:

2 Sal. 73:2. Pudno a siac naduduegac ngem iti siasinoman a tao, ket awan caniac ti pannacaawat ti tao;

3Ken diac sinursuro ti kinasirib, awan met caniac ti pannacaammo ti Casantoan.

4 Juan 3:13. Siasino ti immuli sadi langit, ket immulog? Job 38:4-7. Sal. 104:3, 5, 6. Isa. 40:12-15.Siasino ti nangacup iti angin cadagiti petpetpetna? Siasino ti nangabbeng cadagiti dandanum iti pagan-anayna? Siasino ti nangbangon cadagiti amin a pungto ti daga? Ania ti naganna, ket ania ti nagan ti anacna, no ammom?

5 Sal. 12:6; 18:30; 19:8; 119:140. Tunggal sao ti Dios napadasen: Sal. 84:11.isu ti calasag cadagiti cumamang kencuana.

6 Deut. 4:2; 12:32. Dica nayonan dagiti sasaona, di la ket ta tubngarennaca, ket masaracanca a mangulbod.

7Dua a banag ti dinawatco kenca; dinac cadi paayen ta diac pay mapatay:

8Iyadayum caniac ti kinapasaw ken ululbod; dica cadi itden caniac ti kinapanglaw wenno ti kinabacnang; Mat. 6:11. 1 Tim. 6:8.taraonannac iti taraon a mayanatup caniac:

9 Deut. 8:14; 31:20; 32:15. Di la ket ta aglaplapusananac, ket ilibacca, ken cunaec, siasino ni Jehova? Wenno di la ket ta pumanglawac, ket agtacawac, ken aramatec a sibabassawang ti nagan ti Diosco.

10Dica parpardayaen ti adipen iti apona, di la ket ta ilunodnaca, ket matiliwnaca a nacabasol.

11Adda caputotan nga ilunodda ti amada, ken dida benditoan ti inada.

12Adda caputotan a Prov. 16:2. Luc. 18:11.nadalusda cadagiti matada met laeng, ket nupay casta dida mabuggoan iti kinarugitda.

13Adda caputotan, O anian a Sal. 131:1.nagtangsit dagiti matada! Ket dagiti calub ti matada agbucbukirad.

14 Job 29:17. Sal. 57:4. Adda caputotan a dagiti ngipenda casda la camcampilan, ket dagiti sangida casda la im-immuco, tapno lamutenda dagiti napanglaw ditoy daga, ken dagiti nacurapay cadagiti tattao.

15Ti alimatec adda dua nga annacna a babbai, nga agicickis, mangtedca, mangtedca. Adda tallo a banag nga uray caanoman dida mapmapnec wen, uppat a dida cunaen, Umanayen:

16 Prov. 27:20. Hab. 2:5. Ni Tanem; ken ti lupes nga aanacan; ti daga a di mapmapnec iti danum; ken ti apuy a dina cunaen, Umanayen.

17 Gen. 9:22. Prov. 23:22. Ti mata a mangrabrabac ken amana, ken umsienna ti agtulnog ken inana, dagiti wac ti lobong sippitendanto nga iruar, ket dagiti urbon nga aguila sidaendanto.

18Adda tallo a banag a nacascasdaaw unay caniac, wen, uppat a diac ammo:

19Ti dalan ti aguila iti tangatang; ti dalan ti uleg iti rabaw iti bato; ti dalan ti sasacayan iti tengnga ti taaw; ken ti dalan ti lalaki iti balasang.

20Castoy ti dalan ti babai a makicamalala; mangan, ammusayanna ti ngiwatna, ket cunana, Awan kinadangkes nga inaramidco.

21Tallo a banag ti pagkintayegan toy daga, ken uppat, a dina mabalin nga ibturen:

22 Ecle. 10:7. Gapu iti maysa nga adipen no isu agari; ken ti maysa a maag no mabsog iti taraon;

23Gapu iti nacaluclucsao a babai no maasawaan; ken ti maysa a adipen a balasang no agtawid iti apona a babai.

24Adda uppat a kita a babassitda ditoy daga, ngem napalaloda a nagsirib:

25 Prov. 6:6. Dagiti cotcoton saanda nga umili a napigsa, nupay casta paaddaenda ti taraonda iti calgaw;

26 Sal. 104:18. Dagiti conconejo nacapuyda laeng a bonggoy, nupay casta aramidenda dagiti balbalayda cadagiti batbato;

27Dagiti duddudon awan arida, nupay casta agasacda la amin a pinangenpangen;

28Ti alutiit cumebkeb cadagiti sacsacana, nupay casta adda cadagiti palacio dagiti ari.

29Adda tallo a kita a nalimbongda cadagiti pannagnada, wen, uppat ket di a nalimbongda iti panagpapanda:

30Ti leon, a capigsaan cadagiti an-animal, ket dina pagtuckiadan ti siasinoman;

31Ti aso a paganup; ti calding a bulog castamet; ken ti ari nga awan ti macabalin nga umalsa kencuana.

32No minamaag ti inaramidmo a panangitan-ocmo ita bagim met laeng, wenno, nagpanggepca iti dakes, Job 21:5; 40:4.iyappotmo ta imam ita ngiwatmo.

33Ta ti panangbatir iti gatas pataudenna ti mantequilla, ket ti panangtiritir iti agong pagdaringongoenna; casta met ti manggargari iti pungtot pataudenna ti ringgor.