JOSUE 12 - Ilokano Form-Based Bible: Ti Biblia (1973)

Ti nacadagupan dagiti ar-ari a kinabil ni Josue.

1Ita dagitoy dagiti ar-ari ti daga, isuda a kinabil dagiti annac ti Israel, ket tinagicuada dagiti dagdagada iti ballasiw ti Jordan nga agturong iti leleggacan ti init, Num. 21:13, 24.manipud iti lobong ti Arnon inggana iti bantay Deut. 3:9.Hermon, ken isu-amin nga Araba nga agpadaya:

2 Num. 21:24. Ni Sehon nga ari dagiti Amorreos, a nagnaed idiay Hesbon, ken nagturay manipud Deut. 2:36.Aroer, nga adda iti igid ti lobong ti Arnon, ken iti ili nga adda iti tengnga ti lobong, ken caguddua ti Galaad, agpatingga met laeng iti carayan Gen. 32:22.Jaboc, a beddeng dagiti annac ni Ammon;

3Ken ti Num. 34:11.Araba agingga iti baybay ti Cineret, nga agpadaya, ken inggana iti baybay ti Araba, a iti met laeng Baybay ti Asin, nga agpadaya, iti dalan nga agturong sadi Jos. 13:20.Bet-jesimot; ken agpaabagatan; iti baba dagiti bacras ti Pisga:

4Ket ti beddeng ni Num. 21:33, 35. Deut. 3:11. Jos. 13:12.Og nga ari ti Basan, a natda cadagiti Rafeos, a nagtaeng idiay Deut. 1:4.Astarot ken idiay Edrei,

5Ket nagturay idiay Deut. 3:9.bantay Hermon, ken idiay Deut. 3:10.Salca, ken isu-amin a Basan, Deut. 3:14.agingga iti beddeng dagiti Gesureo ken Maacateo, ken caguddua ti Galaad, a beddeng ni Sehon nga ari ti Hesbon.

6 Num. 21:24. Ni Moises nga Num. 32:29, 33. Deut. 3:11, 12. Jos. 13:8.adipen ni Jehova ken dagiti annac ti Israel kinabilda ida: ket ni Moises nga adipen ni Jehova intedna nga agpaay iti panagtagicua cadagiti Rubenitas, ken cadagiti Gaditas, ken iti caguddua ti caputotan ni Manases.

7Ket dagitoy isuda dagiti ar-ari ti daga a Jos. 17.kinabil ni Josue ken dagiti annac ti Israel iti ballasiw ti Jordan iti agpalaud, manipud Baal-gad idiay lobong ti Libano agingga idiay bantay Halac, a sumang-at idiay Seir (ket ni Josue intedna cadagiti caputotan ti Israel nga agpaay iti panagtagicua cadacuada a Jos. 11:23; 18:10.cas mayannurot iti bingbingayda;

8 Jos. 10:40; 11:16. Iti caturodan ken iti tanap, ken idiay Araba ken idiay bacbacras, ken idiay let-ang ken idiay Abagatan; ti Heteo, ti Amorreo, ti Cananeo, ti Ferezeo, ti Heveo, ken ti Jebuseo):

9Ti Jos. 6:2.ari ti Jerico, maysa; ti Jos. 8:29.ari ti Ai nga adda iti abay ti Bet-el, maysa;

10Ti Jos. 10:3, 23.ari ti Jerusalem, maysa; ti ari ti Hebron, maysa;

11Ti ari ti Jarmut, maysa; ti ari ti Laquis, maysa;

12Ti ari ti Eglon, maysa; ti ari ti Jos. 10:33.Gezer, maysa;

13Ti ari ti Debir, maysa; ti ari ti Geder, maysa;

14Ti ari ti Horma, maysa; ti ari ti Bet-el, maysa;

15Ti Jos. 10:29.ari ti Libna, maysa; ti Jos. 15:35. 1 Sam. 22:1.ari ti Adullam, maysa;

16Ti ari ti Maceda, maysa; ti Jos. 8:17. Oc. 1:22-26.ari ti Beth-el, maysa;

17Ti ari ti Tappua, maysa; ti 1 Ar. 4:10.ari ti Hefer, maysa;

18Ti ari ti Afec, maysa; ti C. ni Sal. 2:1. Isa. 33:9; 35:2.ari ti Lasaron, maysa;

19Ti ari ti Madon, maysa; ti ari ti Hazor, maysa;

20Ti ari ti Simron-meron, maysa; ti ari ti Acsaf, maysa;

21Ti ari ti Taanac, maysa; ti Jos. 17:11.ari ti Meguido, maysa;

22Ti ari ti Cedes, maysa; ti ari ti Jocneam idiay Carmel, maysa;

23Ti ari ti Dor idiay pantoc ti Dor, maysa; ti Gen. 14:1. Isa. 9:1.ari ti Gentes idiay Gilgal, maysa;

24Ti 1 Ar. 14:17.ari ti Tirsa, maysa; amin dagitoy nga ar-ari tallopuloda ket maysa.