II AR-ARI 16 - Ilokano Form-Based Bible: Ti Biblia (1973)

Ti panagari de Joatham ken Acaz iti Juda. Ni Acaz makigubat iti Siria ken Israel; aramidenna ti maysa a baro nga altar.

1Idi maicasangapulo ket pito a tawen ni Peka nga anac ni Remalias ni Acaz nga anac ni Joatam nga ari ti Juda 2 Cron. 16:1-4.nangrugi a nagari.

2Agtawen idi iti duapulo a tawen idi a nangrugi a nagari ni Acaz, ket nagari idiay Jerusalem bayat iti sangapulo ket innem a tawen: ket saanna nga inaramid daydi a nalinteg cadagiti mata ni Jehova a Diosna, a cas ken ni David nga amana.

3No di ket nagna iti dalan dagiti ar-ari ti Israel; wen, isu Lev. 18:21. Sal. 105:37, 38.pinaglasatna iti apuy di anacna, a cas cadagiti 2 Ar. 21:2.kinarimon dagiti nasnacion, a pinagtalaw ni Jehova iti sango dagiti annac ti Israel.

4Ket 2 Ar. 14:4.nagidaton ken nagpuur iti incienso cadagiti nangato a disso, ken iti rabaw dagiti turturod, ken iti 1 Ar. 14:23.siroc dagiti isu-amin a caycayo a narucbos.

5 Isa. 7:1, 4-9. Idin ni Resin nga ari ti Siria ken ni Peka nga anac ni Remalias nga ari ti Israel simmang-atda iti Jerusalem a manggubat: ket linacubda ni Acaz, 2 Cron. 28:5, 6.ngem isu dida nabalin a pinarmec.

6Daydi a tiempo ni Resin nga ari ti Siria 2 Ar. 14:22.nasbutna ti Elat a maipaay iti Siria; ket pinagtalawna dagiti Judios idiay Elat, ket dagiti Sirios immayda ti Elat, ket nagnaedda sadiay, inggana ita nga aldaw.

7Iti casta ni Acaz nagbaon cadagiti babaonen ken ni 2 Cron. 28:16, 20, 21.Tiglat-pileser nga ari ti Asiria, a kinunana, Siac ti adipenmo ken anacmo: sumang-atca, ket ispalennac iti ima ti ari sadi Siria, ken iti ima ti ari ti Israel, a timmacderda a maibusor caniac.

8 2 Ar. 12:18. Ket ni Acaz innalana di pirac ken balitoc a nasaracan idi balay ni Jehova, ken cadagiti gamgameng ti balay ti ari, ket pinaibaonna a 1 Ar. 15:19.sagut iti ari ti Asiria.

9Ket ti ari ti Asiria isu ti impangagna; ket ti ari ti Asiria simmang-at a maibusor iti Damasco, ket isu ti innalana, ket impanna, dagiti umili kencuana a kinayawan agingga iti Isa. 22:6. Amos 1:5; 9:7.Kir, ket pinatayna ni Resin.

10Ket ni ari Acaz napan idiay Damasco a simmabet ken ni Tiglat-pileser nga ari ti Asiria, ket nakitana di altar nga adda idi idiay Damasco; ket ni ari Acaz impaipanna ken ni Urias a padi di langa ti altar, ken tabasna, a mayalubog iti isu-amin a pannacaaramidna.

11Ket ni Urias a padi nangbangon iti maysa nga altar: a mayalubog iti isu-amin a ni ari Acaz impaipanna idi nanipud Damasco, casta ti inaramid ni Urias a padi a maipaayto no dumteng ni ari Acaz nga aggapu iti Damasco.

12Ket idi a ti ari dimteng a naggapu iti Damasco, ti ari nakitana di altar: ket ti ari 2 Cron. 26:16, 18, 19.immasideg iti altar, ket nagidaton kencuana.

13Ket pinuuranna di datonna a mapuuran ken di datonna a macan, ket imbucbocna di datonna a mainum, ket inwarsina di dara dagiti datdatonna ti cappia iti rabaw di altar.

14 2 Cron. 4:1. Ket di altar a gambang, nga adda idi iti sango ni Jehova, inyegna nanipud iti sango ti balay, nanipud iti bil. 11.baet ti altar ken ti balay ni Jehova, ket isu ti incabilna iti amiananen ti altarna.

15Ket ni ari Acaz imbilinna ken ni Urias a padi, a kinunana, Iti rabaw ti dackel nga altar puuram iti bigat ti Ex. 29:39-41.daton a mapuuran ken iti malem ti daton a macan, ken ti daton a mapuuran ti ari, ken ti datonna a macan agraman daton a mapuuran dagiti isu-amin nga umili ti daga, ken dagiti datonda a macan ken datdatonda a mainum; ket iwarsim iti rabawna ti isu-amin a dara ti daton a mapuuran, ken isu-amin a dara ti sacrificio: ngem ti altar a gambang isunto ti agpaay caniac a pagyumanan.

16Castoy ti panangaramid ni Urias a padi, a mayalubog cadagiti isu-amin nga imbilin ni ari Acaz.

17 1 Ar. 7:27, 28, 38. Ket ni ari Acaz pinutedna dagiti limbang dagiti batay, ket iniccatna cadacuada di bacca, ket iniccatna di baybay iti rabaw dagiti sinan-vacvaca a 1 Ar. 7:23, 25.gambang, nga addada idi babana, ket isu ti incabilna iti rabaw ti maysa a cadsaaran a bato.

18Ket ti nalinong a dalan a maipaay iti aldaw a panaginana, a binangonda idi iti balay, ken ti sersercan ti ari iti ruar, isu inyalisna iti balay ni Jehova, a gapu iti ari ti Asiria.

19 2 Cron. 28:26, 27. Ti matda cadagiti ar-aramid ni Acaz nga inaramidna idi, saan aya a naisurat iti libro dagiti cronicas dagiti ar-ari ti Juda?

20Ket ni Acaz nakiturog cadagiti ammana, ket isu naitabon a naidinna cadagiti ammana idiay ili ni David: ket ni Ezekiaz nga anacna nagari iti saadna.