EZEQUIEL 11 - Ilokano Form-Based Bible: Ti Biblia (1973)

Dagiti dakes nga agturturay mababalawda. Ti pannacaisubli ken pannacapabaro ti Israel.

1Idin Eze. 3:12.ti Espiritu impangatonac, ket impannac iti makindaya a Eze. 10:19.ruangan ti balay ni Jehova, isu a tumannawag iti daya: ket adtoy, Eze. 8:16.iti pagsercan ti ruangan dagiti duapulo ket lima a lallaki; ket nakitac iti tengngada ni Jaazanias nga anac a lalaki ni Azur, ken ni Pelatias nga anac a lalaki ni Benaias, a piprincipe ti ili.

2Ket kinunana caniac, Anac ti tao, dagitoy isuda dagiti tattao nga aggandat iti kinadangkes, ken mangted ti dakes a balacad ditoy nga ili;

3A cunada, Ti pannawen Eze. 12:22.saan nga asideg a panagpatacder cadagiti balbalay: daytoy Jer. 1:13. Eze. 24:3, 6.nga ili isunto ti caldero, ket datayo ti lasag.

4Agipadtoca ngarud iti maicaniwas cadacuada, agipadtoca, O anac ti tao.

5Ket nagdisso caniac ti Espiritu ni Jehova ket kinunana caniac, Cunaem, Castoy ti kinuna ni Jehova: Castoy ti sinaoyo, O balay ti Israel; ta ammoc dagiti banbanag a panpanunutenyo.

6Pinaaduyo Eze. 7:23.dagiti pinapatayyo ditoy nga ili, ket pinunnoyo dagiti lansanganna cadagiti napapatay.

7Gapuna a castoy ti cuna ni Apo Jehova: Dagiti Eze. 24:6. Mik. 3:3.pinapatayyo nga incabilyo iti tengngana, isuda ti lasag, ket daytoy nga ili isu ti caldero; ngem maiparuarcayto iti tengngana.

8Dacayo nagbutengcayo iti campilan; ket yegconto ti campilan cadacayo, cuna ni Apo Jehova.

9Ket iruarcayto iti tengngana, ket yawatcayto iti ima dagiti gangannaet, ket mangocomacto iti nagtengngaanyo.

10 2 Ar. 25:19, 21. Jer. 39:6; 52:10. Mapasagcayto iti campilan; ocomencayto iti 2 Ar. 14:25.beddeng ti Israel, bil. 12. Eze. 6:7.ket mabigbigyonto a siac ni Jehova.

11Daytoy nga ili saanto nga isu ti calderoyo, ket saanto met a dacayo ti lasag iti tengngana; ocomencayto iti beddeng ti Israel;

12Ket ammoenyonto a siac ni Jehova: ta dicayo nagna cadagiti linlintegco, ket dicayo met tinungpal dagiti bilbilinco, no di ket inaramidyo ti mayannurot cadagiti bilbilin Lev. 18:3.dagiti nasnacion iti aglicmut cadacayo.

13Ket naaramid, idi a nagpadtoac, a ni Pelatias nga anac a lalaki ni Benaias natay. Iti casta Eze. 9:8.nagpaclebac, ket immawagac babaen ti natbag a timec, ket kinunac, O Apo Jehova! aramidemto ti naananay a panungpalan iti tidda ti Israel?

14Ket ti sao ni Jehova dimteng caniac, a kinunana,

15Anac ti tao, dagiti cacabsatmo, dagiti met laeng cacabsatmo, dagiti tattao a cacabagiam, ken amin a balay ti Israel, isuda amin, dagidi nagcunaan dagiti agnaed iti Jerusalem, Umadayucayo ken ni Jehova; cadacami naited daytoy a daga a tagicuaenmi.

16Gapuna cunaem, Castoy ti cuna ni Apo Jehova: Idinto nga inyadayuc ida nga impan iti tengnga dagiti nasnacion, ken idinto nga inwarisco ida cadagiti dagdaga, siacto pay laeng Isa. 8:14. Eze. 37:26.cadacuada ti maysa a santuario bayat iti bassit a pannawen cadagiti dagdaga a pacadanonanda.

17Cunam ngarud, Castoy ti cuna ni Apo Jehova: Siac Eze. 20:41; 28:25; 34:13; 36:24.urnongencayto nga aggapu cadagiti il-ili, ket tiponencayto nga aggapu cadagiti dagdaga a nacaiwarwarasanyo ket itedconto cadacayo ti daga ti Israel.

18Ket umaydanto dita ket Esd. 9:11.iccatendanto dagiti amin a macarurud a banbanagna ken amin dagiti kinarimonna manipud idiay.

19Ket Eze. 37:23.itdecto cadacuada ti maysa nga puso, ket iccacto ti unegyo iti baro nga espiritu; ket iccatecto iti lasagda ti bimmato a puso, ket itedconto cadacuada ti puso a lasag;

20Tapno magnada coma cadagiti linlintegco, ket salimetmetanda dagiti bilbilinco, Lev. 26:12.ket tungpalenda ida: ket isudanto ti ilic, ket siacto ti Diosda.

21Ngem no maipapan cadagidiay nga ti pusoda sumurotda ti puso dagiti nacarurrurud a banbanag, ken dagiti kinarimonda, Eze. 7:4. siac yegconto ti dalanda iti rabaw ti oloda met laeng, cuna ni Apo Jehova.

22Iti calpasanna inngato dagiti kerubin Eze. 10:19.dagiti payacda, ket dagiti pilpilid addada iti sikiganda, ket Eze. 1:28.ti dayag ti Dios ti Israel adda idi iti ngatoda.

23Ket ti dayag ni Jehova nagpangato a naggapu iti tengnga ti ili, ket nagsardeng iti Zac. 14:4. Eze. 43:2.rabaw ti bantay nga adda iti makindaya a sikigan ti ili.

24Ket Eze. 8:3.ti Espiritu impangatonac, ket babaen ti Espiritu ti Dios impannac iti sirmata idiay Caldea, cadagidiay nacayawan. Ket ti sirmata a nakitac nagpangato manipud caniac.

25Idin insaoc cadagidiay nacayawan dagiti amin a banbanag nga imparang caniac ni Jehova.