EZEQUIEL 7 - Ilokano Form-Based Bible: Ti Biblia (1973)

Ti dusa gapu iti kinadakes ti nacion maipadto.

1Castamet ti sao ni Jehova dimteng caniac, a kinunana,

2Ket sica, anac ti tao, castoy ti cuna ni Apo Jehova iti daga ti Mal. 1:1.Israel, Paggibusanen! bil. 3, 6. D. Un. 4:18.ti panungpalna dumtengen cadagiti uppat a suli ti daga.

3Ita isu ti panungpalan kenca, ket ibaonconto kenca ti pungtotco, ket ocomencanto a cas mayanatup cadagiti dalanmo; ket iyegconto kenca amin dagiti kinarimonmo.

4Ket ti Eze. 5:11.matac dinacanto isakit, ket awanto met ti caasiac; ngem dagiti dalanmo iyegconto kenca, ket dagiti kinarimonmo addadanto iti nagtengngaam: ket mabigbigyonto bil. 9, 27. Eze. 6:7.a siac ni Jehova.

5Castoy ti cuna ni Apo Jehova: Ti dakes, dakes laeng; adtoy, umay.

6Ti panungpalan dumtengen, ti panungpalan dumtengen; isu agriing a maibusor kenca; adtoy, umayen.

7 bil. 10. Ti pannacadusam dumtengen kenca, O agnaed iti daga: ti pannawen dumtengen, ti aldaw asidegen, aldaw ti daranudor, ket saan a naragsac nga ariwawa iti rabaw dagiti banbantay.

8Ita, mabiiten ibuyatconto kenca ti pungtotco, ket tungpalecto ti rungsotco, a maibusor kenca, ket ocomencanto a cas maitutop cadagiti dalanmo; ket iyegconto kenca amin dagiti kinarimonmo.

9Ket ti matac dinto mangisakit ket awanto met ti caasiac: yegconto kenca a cas maitutop cadagiti dalanmo; ket dagiti kinarimonmo addanto iti nagtengngaam; ket maammoanyonto a siac, ni Jehova, Isa. 9:13.mangdusaac.

10Adtoy, ti aldaw, adtoy, umay: ti pannacadusam rumuaren; Isa. 10:5.ti sarucod nagsabongen, ti kinatangsit nagbuselen.

11Ti panagpilit dimmackel ket nagbalin a sarucod ti kinadangkes; awanto cadacuada ti matda, uray iti kinaaduda, wenno iti kinabacnangda: Jer. 16:4, 5, 6.ket awanto met ti kinatan-oc cadacuada.

12Ti pannawen dumtengen, ti aldaw umasideg: ti gumatang saan coma Isa. 24:2.nga agragsac, ket ti aglaco saan met coma nga agladingit, ta ti pungtot adda cadagiti isu-amin a kinaaduda.

13Ta ti aglaco saanto nga agsublin iti inlacona, uray coma no sibibiagda pay laeng: ta ti sirmata agpaay iti amin a kinaaduda, awanto ti agsubli; ket awanto met ti macapagrang-ay babaen ti kinadakes ti panagbiagna.

14Pinuyotda ti tangguyob, ket isu-amin sinaganada; ngem awan ti siasinoman a mapan iti bacal; ta ti pungtotco adda cadagiti amin a kinaaduda.

15Ti campilan adda iti ruar, ket ti angol ken ti bisin Deut. 32:25. D. Un. 1:20.iti uneg: daydiay adda iti away matayto iti campilan; ket daydiay adda iti ili alununento ti bisin ken angol.

16Ngem Isa. 6:8.dagidiay macatalaw agtalawdanto, ket agyandanto iti rabaw dagiti bantay cas la cadagiti calapati cadagiti lobong, isuda amin agsainnecda, tunggal maysa iti kinadakesda.

17Amin nga ima Eze. 21:7.nacapsutdanto, ket amin a tumeng nacapuydanto a cas danum.

18Agbarikesdanto met iti D. Un. 2:10.nakersang a lupot, ket macumotandanto iti pannacakigtot; ket ti bain addanto cadagiti amin a ruprupa, Isa. 3:24.ken kinacalvo cadagiti amin nga ol-oloda.

19Ipalladawdanto ti piracda cadagiti lansangan, ket ti balitocda caslanto narugit a banag; ti piracda ken ti balitocda didanto mabalin a ispalen ida iti aldaw ti pungtot ni Jehova: didanto penneken dagiti cararuada, wenno punnoen dagiti tianda; agsipud ta daytoy ti Isa. 14:3, 4, 7; 44:12.nacaitibcolan ti kinadakesda.

20No maipapan iti imnas ti arcosna, pinagbalinda a pasindayag; ta cadagidiay nagaramidda cadagiti ladawan dagiti kinarimonda ken dagiti banbanagda a macarurud: gapuna inaramidco ida a cas banag a narugit.

21Ket isu itedconto iti ima dagiti gangannaet a maipaay a samsam, ken cadagiti managdacdakes iti daga a cas inagaw; ket isu tabbaawandanto.

22Ti rupac itallicudconto met cadacuada, ket tulawandanto ti nalmeng a dissoc; ket dagiti mannanacaw sumrecdanto kencuana, ket isu tabbaawandanto.

23Isaganam ti cawar; 2 Ar. 21:16.ta ti daga napno iti basbasol a nadara, ket ti ili napno ti panagagaw.

24Gapuna yegconto ti cadacsan dagiti nasnacion, ket tagicuaendanto dagiti balbalayda: pasardengecto met ti kinatangsit dagiti napigsa; ket dagiti nasantoan a dissoda matabbaawandanto.

25Ti pannacarbec umay; ket agsapuldanto ti talna, ket awanto.

26 Jer. 4:20. Ranggas ti sumarunonto iti ranggas, damag ti sumarunonto iti damag; ket sapulendanto ti sirmata ti mammadto ngem ti linteg Mal. 2:7.maawanto iti padi, ken ti balacad nga aggapu cadagiti lallacay.

27Ti ari agladingitto, ket ti principe macawesanto iti panaglangalang, ket dagiti im-ima dagiti umili ti daga mariribucdanto: aramidecto cadacuada ti maitutop iti dalanda, bil. 4.ken mayanatup cadagiti caicarianda ocomecto ida; ket ammoendanto a siac ni Jehova.