JOB 19 - Ilokano Form-Based Bible: Ti Biblia (1973)

Mamalawag ni Job a maibusor cadagiti gagayyemna, mangbabalaw ken dawatenna ti caasida; matalec ti pannalacnib.

1Idin simmungbat ni Job, ket kinunana,

2Casano ti capaut ti panangpaungetyo iti cararuac, ken panangdudugyo caniac cadagiti sasao?

3Cadagitoy sangapulo a daras inumsidac: dicayo mabain nga agaramid a sigugubsang caniac.

4Ket no pudno a nagbibiddutac, ti biddutco agtaeng caniac met laeng.

5No pudno a Sal. 35:26; 38:16.panggepyo nga itan-oc dagita bagbagiyo a maibusor caniac, ket pakisupiatyo a maibusor caniac, ti pacaumsiac;

6Ammoenyo ita a ti Dios binalikidnac iti panggepco, ket inalicubcubnac iti iketna.

7Adtoy, umkisac iti rangas, ngem saannac a maipangag: umkisac iti tulong, ngem awan ti kinalinteg.

8Binacudanna ti dalanco tapno diac macalasat, ket nangisaad iti sipnget cadagiti danac.

9 Sal. 89:44. Linabusannac iti dayawco, ken innalana ti Job 29:14.balangat iti oloc.

10Rinugpunac iti tunggal bangir ket maipanacon; ket pinarutna ti inanamac a cas maysa a cayo.

11Pinasgedanna met ti pungtotna a maibusor caniac, ket imbilangnac kencuana a cas maysa cadagiti cabusorna.

12Dumtengda a sangsangcagiddan dagiti Job 10:17.buybuyotna, ket gabsuonanda ti dalanda a maibusor caniac, ket agpacarsoda iti aglicmut iti toldac.

13 Sal. 69:8; 88:8, 18. Isu inyadayuna caniac dagiti cacabsatco, ket dagiti amammoc matalipupusda a maisina caniac.

14Dagiti cacabagiac binaybayandac, dagiti Sal. 31:11; 55:13.casimpungalac linipatdac.

15Dagiti nagnaed iti balayco, ken dagiti babbalasangco, imbilangdac a maysa a gangannaet: maysaac a sangsangaili iti imatangda.

16Ayabac ti adipenco, ket dinac sungbatan, nupay agdawatac kencuana a maaramat toy ngiwatco.

17Ti angesco gangannaet ken asawac, ken ti ararawco cadagiti annac ni inac met laeng.

18Uray dagiti agtutubo nga annac uyawendac; no tumacderac, agsaoda a maibusor caniac.

19Amin a caingongotco a gagayyemco caguradac, ken amin nga inayatco maibusorda caniac.

20Ti tulangco dumket Sal. 102:5.iti cudilco ken lasagco, ket ti nangisalacan laeng caniac ti cudil dagiti ngipenco.

21Mangaasicayo caniac, mangaasicayo caniac, O dacayo a gagayyemco; ta ti ima ti Dios sinagidnac.

22Apay nga Sal. 69:26.idadanesdac a cas ti Dios, ket dicayo mapnec iti lasagco.

23O sapay coma ta dagiti sasaoc maisuratda! O sapay coma ta mailanadda iti maysa a libro!

24Sapay coma ta iti pluma a landoc ken buli maikitikitda iti bato iti agnanayon.

25Ngem ti maipapan caniac ammoc a ti Isa. 43:14; 44:6, 24.Mannubbotco sibibiag, ket iti camaudianan isu agtacderto iti rabaw ti daga:

26Ket calpasan ti cudilco, daytoy met laeng a bagi, madadael, intono awanen ti lasagco Sal. 17:15. 1 Cor. 13:12.makitacto ti Dios;

27Isu a siac, siac met laeng, makitacto iti abayco. Ket dagiti matac buyaendanto, ket saan a cas maysa a gangannaet. Ti pusoc marunaw iti unegco.

28No cunayo, Anian ti panangidadanesminto kencuana! Ket ti ramut ti panggep masaracan caniac;

29Agbutengcayo iti campilan; ta ti pungtot iyegna ti pannusa ti campilan, tapno ammoenyo coma nga adda maysa a panangocom.