DAGITI PROVERBIO 6 - Ilokano Form-Based Bible: Ti Biblia (1973)

Pangpaannad a maibusor iti kinatalingenngen, ken kinasadut. Pangpaannad a maibusor iti pannakiringgor, ken pannakicamalala. Kinamaag ti itutuloc cadagiti panangsulisog ti balangcantis.

1Anacco, Prov. 11:15; 17:18; 20:16; 22:26; 27:13.no nagbalinca a talged iti caarrubam, no inyunnatmo dagiti im-imam a maipaay ti maysa a gangannaet;

2Nasiloancan cadagiti sasao ta ngiwatmo, natiliwcan cadagiti sasao ta ngiwatmo.

3Aramidem daytoy ita, anacco, ket ispalem ta biangmo met laeng, idinto a dimtengcan iti ima ti caarrubam: inca, agpacumbabaca, ket ud-udam ti caarrubam;

4 Sal. 132:4. Dica paturogen dagiti matam, ken dica met pagridepen dagiti calub ti matam;

5Lumapsutca a cas ti kigaw iti ima ti mangnganup, ken Sal. 91:3; 124:7.cas la tumatayab iti ima ti mannilo.

6 Job 12:7. Inca ken coton, sica a nasadut; utobem dagiti daldalanna, ket sumiribca:

7Isu nga idinto nga awan pangulona, mangaywan man, wenno agturay,

8 Prov. 30:25. Saganaenna ti canenna iti calgaw, agurnong iti taraonna iti panagani.

9Casano ti cabayag ti panagturogmo, Prov. 24:33.O sadut? Caano ti ibabangonmonto ita turogmo?

10 Ala pay bassit a turog, bassit a ridep, bassit a panagdalikepkep dagiti im-ima tapno macaturogca:

11Iti casta Prov. 10:4; 13:4; 20:4.dumtengto ti kinapanglawmo a cas mannanacaw, ken ti pannacasapulmo unay a cas nagtagiigam a tao,

12Awan cais-iscanna a tao, tao ti kinadangkes, daydiay magna a siuulpit ti ngiwatna;

13 Job 15:12. Sal. 35:19. Nga agkiddakidday cadagiti matana, nga agsao cadagiti sacana, nga agsenas cadagiti ramramayna;

14Nga iti pusona adda kinaulpit, Mik. 2:1.isu a segsegpenna a cancanayon ti dakes, nga agiwara iti panagririri.

15Gapuna ti pacarigatanna dumtengto a kellaat; makellaatto a Jer. 19:11.madadael, ket iti dayta 2 Cron. 36:16.awanto ti pamuspusanen.

16Adda innem a banag a guraen ni Jehova; wen, pito dagiti macarimon kencuana.

17 Sal. 18:27; 101:5. Natangsit a matmata, Sal. 31:18; 120:2, 3.naulbod a dila, Isa. 1:15; 59:3.ken im-ima a mangibuyat iti dara nga awan basolna;

18 Gen. 6:5. Puso nga agpacpakinakem cadagiti nadangkes a panggepen, Rom. 3:15.sacsaca a nacarting a tumaray iti panangranggas,

19 Sal. 27:12. Natiri a sacsi nga agbalicas iti ulbod, ken ti bil. 4.agmula iti riri cadagiti agcacabsat.

20Anacco, Prov. 1:8.salimetmetam dagiti bilbilin ni amam, ket dica baybay-an ti linteg ni inam:

21 Prov. 3:3; 7:3. Igalutmo ida a cancanayon ita pusom; iyuccormo ida ita Prov. 1:9.tengngedmo.

22No magnaca, idalannacanto; no maturogca, agbantayto kenca; ket no macariingca, makisaritanto kenca.

23 Sal. 19:8; 119:105. Ta ti pagbilinan isu ti pagsilawan; ket ti linteg isu ti silaw; ket dagiti panangtubngar ti sursuro isuda ti dalan ti biag:

24 Prov. 2:16; 5:3; 7:5. Tapno saluadandaca iti dakes a babai; iti pasablog ti dila ti gangannaet.

25 Mat. 5:28. Dica garteman ti sayaatna ita pusom; dica met ituloc nga alaennaca cadagiti calub ti matana.

26 Prov. 29:3. Ta maipuon iti maysa a balangcantis ti lalaki pagpatinggaannanto ti sangcapisi a tinapay; ket ti Gen. 38:14.makicamalala a babai Eze. 13:18.anupenna ti napateg a biag.

27Mabalin aya ti maysa a tao ti agsaclut iti apuy, ket saan a mauram dagiti pagan-anayna?

28Wenno adda macabalin a magna iti rabaw dagiti nabara a beggang, ket saan a masinit dagiti sacsacana?

29Casta ti sumrec iti asawa ti caarrubana; siasinoman a mangtignay kencuana saanto a di madusa.

30Dagiti tattao saanda nga umsien ti mannanacaw, no agtacaw tapno agpennec, no mabisin:

31Ngem no masalamaan, Ex. 22:1, 4.isublinanto ti maminpito; itednanto amin a sanicta iti balayna.

32Ti makicamalala iti maysa a babai Prov. 7:7.awan ti pannacaawatna: daydiay agaramid iti casta cayatna a dadaelen ti cararuana met laeng.

33Sugsugat ken pannacaibabain ti magun-odnanto; ket ti pannacauy-uyawna dinto mapunasan.

34Ta ni imon isu ti kinarungsot ti lalaki; ket dinanto iliclic iti aldaw ti pammales.

35Dinanto taliawen ti aniaman a pangsubbot; dinto met agtalna a malinglingay, uray iccam iti adu a sagsagut.