1Ket idi a ti Aginga bil. 12. 1 Ar. 10:1-13.reina sadi Seba nangngegna ti dayaw ni Salomon, isu napan sadi Jerusalem, a mangsuut kencuana cadagiti naricut a salsaludsud agraman naruay unay a cacuyogna, ken camcamello a nagawit cadagiti recrecado, ken adu unay a balitoc, ken napateg a batbato: ket idi isu nacagteng ken Salomon, isu impalawagna kencuana ti amin nga adda iti pusona.
2Ket ni Salomon simmungbat kencuana amin a salsaludsudna; ket awan ti uray ania a nailimed ken Salomon a dina imbaga kencuana.
3Ket idi a ti reina sadi Seba nakitana ti amin a kinasirib ni Salomon, ken ti balay a pinutarna,
4Ken ti canen iti lamesaanna, ken ti panagtutugaw dagiti ad-adipenna, ken ti panangicaso dagiti ministrosna, ken dagiti cawesda, ken dagiti coperosna met, ken ti cawesda, ken ti uulianna isu a pagpagnaanna a mapan iti balay ni Jehova; awanen ti bileg kencuana.
5Ket isu kinunana iti ari, Napudno a damag ti nangngegac iti dagac met laeng a maipapan cadagiti ar-aramidmo, ken iti kinasiribmo.
6Nupay casta diac pinati dagiti sasao agpapan yaayco, ket dagiti matac nakitada; ket adtoy, ti cagudua ti cadackel ti kinasiribmo saan a naibaga caniac: labsam ti dayaw a nangngegac.
7Nagasat dagiti lallakim, ken nagasat dagitoy ad-adipenmo, nga agtacder a cancanayon iti sangom, ken macangcangngeg iti kinasiribmo.
8Bendito ni Jehova a Diosmo, a maparag-o kenca, a mangisaad kenca iti tronona, nga agari a maipaay ken Jehova a Diosmo: gapu ta ti Diosmo inayatna ti Israel a patibkeren ida iti agnanayon, gapuna nga inaramidnaca nga ari cadacuada, tapno agaramidca iti kinajusticia ken kinalinteg.
9Ket isu intedna iti ari dagiti sangagasut ket duapulo a talento a balitoc, ken recrecado a nagwadwad, ken napateg a batbato: uray caanoman awanen ti dimteng a recrecado a casta a cas ti reina sadi Seba intedna ken ari Salomon.
10Ket castamet dagiti ad-adipen ni Huram, ken dagiti ad-adipen ni Salomon a nangyeg iti balitoc a naggapu iti Ofir, 1 Ar. 10:11.nangyegda cadagiti caycayo a sandalo ken batbato a napateg.
11Ket ti ari inaramidna cadagiti caycayo a sandalo dagiti natucadtucad iti balay ni Jehova, ken iti balay ti ari, ken ar-arpa ken salsalterio a maipaay cadagiti cumacanta: ket uray caanoman saan pay a nakita iti casta iti daga ti Juda.
12Ket ni ari Salomon intedna ken reina sadi Seba ti amin a kinayatna, aniaman a kiniddawna, sabali laeng ti caanatup daydiay nga 1 Ar. 10:13.insangpetna iti ari. Iti casta isu nagsubli, ket napan iti bucodna a daga, isu ken dagiti ad-adipenna.
13 Aginga bil. 28. 1 Ar. 10:14-28. Ket ti timbeng ti balitoc a dimteng ken Salomon iti macatawen innem a gasut innem a pulo ket innem a talento a balitoc;
14Sabali laeng ti insangpet dagiti agtagtagilaco ken agbaniaga: ket amin nga ari-ari ti Arabia ken dagiti gobgobernador ti daga inyegda ti balitoc ken pirac ken Salomon.
15Ket ni ari Salomon nangaramid cadagiti dua gasut a sarapa a pinitpit a balitoc; innem a gasut a siclo a balitoc a pinitpit ti napan iti maysa a sarapa.
16Ken isu nangaramid cadagiti 1 Ar. 10:17.tallo gasut a calasag a pinitpit a balitoc; tallo gasut a siclo a balitoc ti napan iti maysa a calasag: ket ti ari incabilna ida iti balay a nabakir iti Libano.
17Casta met a ti ari nangaramid ti maysa a dackel a trono a marfil, ket kinalupcupanna iti pulpulos a 1 Ar. 10:18.balitoc.
18Ket adda idi innem a tuctucad ti trono, agraman maysa a balitoc a pagbatayan ti saca, a naicapetda iti trono, ken im-ima iti agsinnumbangir a sikigan iti pagtugawan, ken dua a sinan-leon a nacatacder iti abay dagiti ima.
19Ken sangapulo ket dua a sinan-leon a nacatacder idiay rabaw dagiti innem a tuctucad iti agsumbangir a sikigan: awan naaramid a capadana iti uray sadino a pagarian.
20Ket amin dagiti al-alicamen a paginuman ni ari Salomon balitocda, ket amin dagiti al-alicamen ti balay a nabakir iti Libano pulpulosda a balitoc: ti pirac awan aniaman a pategna cadagiti al-aldaw ni Salomon.
21Ta ti ari addaan cadagiti sasacayan a napan sadi Tarsis a cadua dagiti ad-adipen ni Huram; maminsan tunggal tallo a tawen dumteng dagiti sasacayan nga aggapu ti Tarsis, a nagisangsangpet cadagiti balitoc, ken pirac, marfil, bakes, ken pavoreal.
22Iti casta ni ari Salomon atiwenna amin dagiti ar-ari iti daga iti kinabacnang ken kinasirib.
23Ket amin dagiti ar-ari ti daga agagawaanda a makita ti saclang ni Salomon, tapno mangngegda ti kinasiribna, isu nga incabil ti Dios iti pusona.
24Ket isuda nangyegda tunggal maysa iti buisna, al-alicamen a pirac, ken al-alicamen a balitoc, ken cawes, ken igam ken recrecado, cabcabayo, ken mulmulo, tunggal naikeddeng iti tinawentawen.
25 Aginga bil. 28. 2 Cron. 1:14-17. Ket ni Salomon addaan idi 1 Ar. 4:26; 10:26.uppat a ribu a silsiled a maipaay cadagiti cabcabayo ken luglugan, ken sangapulo ket dua a ribu a lallaki nga agcabcabayo, nga isu incabilna cadagiti il-ili dagiti lugan, ken cadua ti ari idiay Jerusalem.
26 1 Ar. 4:21. Ket nagturay cadagiti amin nga ar-ari manipud iti Carayan inggana met laeng iti daga dagiti Filisteos ken iti beddeng ti Egipto.
27 1 Ar. 10:27. 1 Cron. 1:15. Ket ti ari inaramidna a ti pirac idiay Jerusalem cas la cadagiti batbato, ket dagiti caycayo a cantingen isu inaramidna a cas la cadagiti caycayo a sycomoro nga adda iti nababa a daga, a gapu iti kinaruayda.
28Ket nangyegda ken Salomon cadagiti cabcabayo a naggapu sadi Egipto, ken naggapu cadagiti amin a dagdaga.
29Ket ti matda cadagiti 1 Ar. 11:41-43.ar-aramid ni Salomon, umuna ken maudi, saanda aya a naisurat iti historia ni 2 Sam. 12:1.Natan a mammadto, ken iti 2 Cron. 15:8.padto ni 1 Ar. 11:29.Aias a Silonita, ken cadagiti parparmata ni 2 Cron. 12:15; 13:22.Iddo a 2 Sam. 24:11.macakita iti masacbayan iti maipanggep ken Jeroboam nga anac a lalaki ni Nabat?
30Ket ni Salomon nagari idiay Jerusalem iti amin nga Israel bayat iti uppat a pulo a tawen.
31Ket ni Salomon nakiturog cadagiti ammana ket naitabon iti ili ni David nga amana; ket ni Roboam nga anacna a lalaki nagari iti saadna.
Who We AreWhat We EelieveWhat We Do
2025 by iamachristian.org,Inc All rights reserved.
