DAGITI PROVERBIO 21 - Ilokano Form-Based Bible: Ti Biblia (1973)

Nadumaduma a balballaag a maipapan iti biag ken cababalin.

1Ti puso ti ari adda iti ima ni Jehova cas cadagiti pagayusan ti danum; iturongna iti sadinoman a pagayatanna.

2 Prov. 24:14. Tunggal dalan ti tao nalinteg cadagiti matana met laeng; ngem ni Jehova gantingenna dagiti puspuso.

3 1 Sam. 15:22. Isa. 1:11. Os. 6:6. Mik. 6:7, 8. Ti panagaramid iti kinalinteg ken kinajusticia adadda a pacaayaywan ni Jehova ngem ti daton.

4 Prov. 6:17. Ti nangato a panagkitkita, ken ti natangsit a puso, uray pay ti pagsilawan silawan ti nadangkes, basol.

5Dagiti pampanunot ti nagaget agduyosda laeng iti panagrang-ay, ngem amin a naganat gumanat laeng nga agpanglaw.

6 Prov. 10:2; 13:11. Ti pananggun-od cadagiti gamgameng gapu iti naulbod a dila isu ti alingasaw a pagalallicubengen dagiti agbiruc iti patay.

7Ti kinauyong dagiti nadangkes mangisagadto cadacuada, gapu ta madida nga agaramid iti kinalinteg.

8Ti dalan ti nacargaan iti babac napalalo a nagkillo; ngem no maipapan iti nadalus, ti aramidna nalinteg.

9 Prov. 19:13. Nasaysayaat ti agnaed iti suli ti toctoc ti balay, ngem ti pannakinaed iti mannakiringgor a babai iti nalawa a balay.

10 Sant. 4:5. Ti cararua ti nadangkes tarigagayanna ti dakes: ti caarrubana saan a macasarac iti parabur cadagiti matana.

11 Prov. 19:25. No madusa ti managuyaw, mapasirib ti nanengneng; ket no ti masirib maisuro, awatenna ti pannacaammo.

12Ti nalinteg a tao ototobenna ti balay ti nadangkes, no casano ti pannacaitublac dagiti nadangkes iti pannacarbada.

13 Mat. 18:30-34. Siasinoman a mangapput cadagiti lapayagna iti ickis ti napanglaw, isu umkisto met, ngem dinto maipangag.

14Ti Prov. 17:8.sagut a nalimed pagtalnaenna ti pungtot; ket ti maysa a sagut iti saclot epepenna ti napigsa a rungsot.

15Rag-o iti nalinteg ti panagaramidna iti kinalinteg, ngem maysa a pannacadadael cadagiti agar-aramid iti kinadangkes.

16Ti tao a mayawawan iti dalan ti pannacaawat Sal. 49:14.agtungpalto iti tallaong dagiti natay,

17Ti agayat iti panagayayam napanglawto a tao: ti agayat iti arac ken lana saanto a nabacnang.

18 Isa. 43:3. Prov. 11:8. Ti nadangkes isu ti subbot ti nalinteg; ket ti mangliliput maisandi iti nalinteg.

19 bil. 9. Nasaysayaat ti agnaed iti daga a langalang, ngem iti pannakinaed iti babai a mannakiringgor ken naalipunget.

20Adda napateg a gameng ken lana iti balay ti masirib; ngem ti maag a tao alimunenna ida.

21 Prov. 15:9. Mat. 5:6. Ti mangsursurot iti kinalinteg ken kinamanagayat masaracanna ti biag, kinalinteg, ken dayaw.

22Ti masirib a tao ulienna ti Ecle. 9:14, 15.ili ti napigsa, ket deppesenna ti bileg ti kinatalgedna.

23 Sal. 141:3. Sant. 3:2. Siasinoman a mangsalimetmet iti ngiwat ken dilana salacnibanna ti cararuana cadagiti ducducot.

24Ti natangsit ken napalangguad a tao, managuyaw ti naganna; agaramid iti kinacuspag ti kinatangsit.

25 Prov. 13:4. Ti calicagum ti nasadut mamapatay kencuana; ta dagiti im-imana madida nga agbannog.

26Adda agagum a narawet nga agmalmalem; ngem ti Sal. 37:26. Mat. 5:42. Efe. 4:38.nalinteg mangted ken di-agmedmed.

27Ti daton ti nadangkes maysa a kinarimon; adadda pay no ipaayna a sidadangkes ti panunotna!

28Ti natiri a sacsi mapucawto; ngem ti tao a macangngeg agsaonto tapno agtalinaed.

29Ti nadangkes a tao irupangetna ti rupana; ngem no ti nalinteg, patibkerenna dagiti daldalanna.

30 Isa. 8:9, 10. Awan ti kinasirib wenno pannacaawat wenno patigmaan a maicaniwas ken ni Jehova.

31 Sal. 33:17. Ti cabayo maisagana a maipaay iti aldaw ti gubat ngem ti balligi biang ni Jehova.