DAGITI SALMO 7 - Ilokano Form-Based Bible: Ti Biblia (1973)

Agasug ni David ken Jehova tapno maispal cadagiti Nadangkes. Shiggaion ni David, nga incantana ken Jehova, maipanggep cadagiti sasao ni Cus a taga-Benjamin.

1O Jehova, Diosco, Sal. 2:12.kenca agcamangac: Sal. 31:15.isalacannac cadagiti isu-amin a cumamatcamat caniac, ket ispalennac,

2Tapno saanda nga agawen toy cararwac, cas iti maysa a leon Sal. 50:22.lasanglasangenna, 2 Sam. 16:7, 8.no awan ti mangisalacan.

3O Jehova, Diosco, no inaramidco daytoy; no adda ti kinadakes 1 Sam. 24:11.cadagitoy imac;

4No sinupapacac ti dakes iti sicacappia caniac. (Pudno, 1 Sam. 24:7.insalacanco ti bumusor caniac nga awan ti gapuna);

5Ti cabusor camatenna coma toy cararwac, ket magam-udanna; wen, ket ipayatpayatna coma toy biagco iti daga, ket toy dayawco icabilna coma iti tapuc. (Selah)

6Tumacderca, O Jehova, ita ungetmo; Sal. 94:2.bumangonca cadi a bumusor iti pungtot dagiti sumuppiat caniac, ket Sal. 35:23.agriingca coma gapu caniac; sica imbilinmon ti panangocom.

7Ket ti gimong dagiti il-ili lawlawendaca coma; ket iti rabawda sica agsublica a natan-oc.

8Ni Jehova ocomenna dagiti il-ili: Sal. 18:20.ocomennac, O Jehova, a mayannurot iti kinalintegco, ken iti kinasingpetco nga adda caniac.

9O ti kinadakes dagiti nadangkes aggibus cadi, ngem pabilgem coma dagiti nalinteg: 1 Sam. 16:7. 1 Cron. 28:9. Sal. 139:1. Jer. 11:20; 17:10; 20:12.ta ti nalinteg a Dios suutenna dagiti isisip ken Apoc. 2:23.puspuso.

10Ti calasagco adda iti Dios, a mangisalacan cadagiti nalinteg ti pusoda.

11Ti Dios isu ti maysa nga ocom a nalinteg, wen, maysa a Dios a mapaunget iti inaldaw.

12No ti maysa a tao saanto nga agbabawi, isu Deut. 32:41.asaennanto ti campilanna; binaccugna ti ba-i ti panana, ket silalayat;

13Ket sinaganana kencuana dagiti aruaten ti pammapatay; aramidenna dagiti panana a daga tx a nasilap.

14 Job 15:35. Isa. 59:4. Sant. 1:15. Adtoy, sumical iti kinadakes; wen, nagsicug iti ranggas, ket nagpasngay iti tiri.

15Inaramidna ti maysa a palab-ug, ket kinalianna, Prov. 26:27. Ecle. 10:8.ket natnag iti abut nga inaramidna.

16 1 Ar. 2:32. Est. 9:25. Ti ranggasna agsublinto iti ulona met laeng, ket ti kinadawelna bumabanto iti coppocoppona met laeng.

17Agyamanacto ken Jehova a mayannatup iti kinalintegna, ket icancantacto ti pagdayaw iti nagan ni Jehova a Cangatoan Unay.