RUTH 3 - Ilokano Form-Based Bible: Ti Biblia (1973)

Ni Ruth dawatenna ken Booz ti panangaramidna iti biang ti maysa a cabagian.

1Ket ni Noemi a catuganganna kinunana kencuana, Anacco, diacto agsapul ti Rut. 1:9.inana nga agpaay kenca, tapno naimbag coma kenca?

2Ket ita saan nga isu ti Rut. 2:1, 8.cabagianta ni Booz, a dagiti tagabuna a babbalasang sica nakiaddaca? Adtoy, isu agpataep iti daytoy a rabii iti cebada idiay pagtaltagan.

3Gapuna agdigosca, ken 2 Sam. 14:2.aglanaca ala, ken icabilmo kenca dagiti cawesmo, ket sumalagca iti pagtaltagan; ngem dicanto agpadlaw iti lalaki, agingga iti calpasan ti pannangan ken iyiinumna.

4Ket isunto, nga intono isu agidda tandaanamto ti disso a pagiddaanna, ket sumreccanto, ket lucasamto dagiti sacsacana, ket agiddacanto; ket isu ibagananto kenca no ania ti aramidemto.

5Ket ni Ruth kinunana kencuana, Amin dagiti ibagam aramidecto.

6Ket simmalog iti pagtaltagan ket inaramidna ti mayalubog iti amin daydi a ni catuganganna imbilinna kencuana.

7Ket idi a ni Booz nacacaan ken nacainum, ket ti Oc. 19:6.pusona adda idi a siraragsac, napan nagidda iti maysa a pungto ti penpen ti bukel: ket isu Oc. 4:21.immay a siiinayad unay, ket linucasanna dagiti sacsacana, ket nagidda.

8Ket naaramid idi iti tengnga ti rabii, a di lalaki nagbuteng, ket timmaliaw; ket adtoy, ti babai adda idi a nagidda cadagiti sacsacana.

9Ket ni Booz kinunana, Siasinoca, ket isu simmungbat, Siac ni Ruth nga adipenmo: gapuna nga Deut. 22:30. Eze. 16:8.iyarpawmo ta cawesmo iti adipenmo; ta sica ti asideg a Rut. 2:20.cabagian.

10Ket isu kinunana, Rut. 2:20.Benditaca coma ken Jehova, anacco: ta sica imparangarangmo ti naimimbag a nakem iti naududi a tungpal ngem iti immuna iti dica ipapan isusurot cadagiti agtutubo a lallaki, a nabacnangda man wenno napanglawda.

11Ket ita, anacco, dica agbuteng; aramidecto kenca ti isu-amin nga ibagam; ta amin ti ili ti cailiac ammona a sica ti maysa a Prov. 12:4; 31:10.maicari a babai.

12Ket ita pudno a siac asidegac a cabagian; nupay casta adda sabali a Rut. 4:1.cabagian nga asasideg ngem siac.

13Agtukenca iti daytoy a rabii, ket inton bigat, a no daydiay Deut. 25:5.tungpalennanto kenca ti biang ti maysa a cabagian, Rut. 4:5, 7. Oc. 8:19. 1 Sam. 14:39. 2 Sam. 12:5. Jer. 4:2; 5:2.naimbag; isu bay-am nga agaramid iti biang ti maysa a cabagian: ngem no isu dinanto aramiden kenca ti biang ti maysa a cabagian, cas ni Jehova sibibiag, isunton ti panangar-aramidco kenca ti biang ti maysa a cabagian: agiddaca agingga iti bigat.

14Ket isu bil. 8.nagidda cadagiti sacsacana agingga iti bigat: ket isu bimmangon iti sacbay a ti maysa a tao malasinna ti sabali. Ta kinunana, Saan coma a maammoan a ti babai immay iti pagtaltagan.

15Ket isu kinunana, Yegmo ta cagaymo nga adda kenca, ket isu ti itayam; ket isu intayana; ket ni Booz nangsucat iti innem a casucat a cebada, ket incabilna kencuana: ket isu napan iti ili.

16Ket idi a ni Ruth immay ken catuganganna, isu kinunana, Casanoca, anacco? Ket isu impalawagna amin daydi a ti lalaki inaramidna kencuana.

17Ket kinunana, Dagitoy innem a casucat a cebada intedna caniac; ta kinunana, Saanca a mapan nga ongngaong ken ni catugangam.

18Idin isu kinunana, Sal. 37:3, 5. Isa. 30:7.Agtugawca a sitatalna, anacco, agingga iti maammoan coma no casano ti pannacaibanag ti panggep; ta ti lalaki dinto agtalna, agingga iti maturposna ti panggep iti daytoy nga aldaw.