JOB 21 - Ilokano Form-Based Bible: Ti Biblia (1973)

Asugan ni Job ti kinarang-ay dagiti managbasol; dina anamungan a dagiti managbasol awatenda ti rebbengda.

1Idin ni Job simmungbat ket kinunana,

2Denggenyo a sireregta ti bitlac; ket daytoy coma dagiti liwliwayo.

3Anusandac, ket agsaoacto met; Job 16:10, 20.ket iti calpasan ti panagsaocon, ituloyyo ti agrabrabac.

4Ti maipapan caniac, ti unnoyco maipaay aya iti tao? Ket apay a saan coma a maibus ti anusco?

5Mingmingandac, ket masdaawcayo, ket Oc. 18:19.iyapputyo ta imayo ita ngiwatyo.

6Uray no lumagipac mariribucac, ket ti buteng gemgemanna ti lasagco.

7 Job 12:6. Sal. 17:10, 14. Jer. 12:1. Apay agbiag dagiti nadangcoc, aglacayda, wen, agmaingelda iti pannacabalin?

8Ti putotda agtalinaed cadacuada idiay imatangda, ken ti caputotanda iti sango dagiti matada.

9Dagiti balbalayda natalgedda iti pagbutngan, uray ti pang-or ti Dios saan a maiparabaw cadacuada.

10Dagiti vacada a lallaki agputotda, ket dida agcurang; dagiti vacvacada a cabac-yan aganacda, ket dida maalisan.

11Isuda ibaonda dagiti babassitda a cas maysa a pangen, ket dagiti annacda agsalada.

12Agdaniwda iti pandereta ken arpa. Ken agrag-oda iti aweng ti Job 30:31.pito.

13Ibusenda dagiti al-aldawda iti kinarang-ay, ket iti maysa a canito umulogda ken Tanem.

14Ket cunada iti Dios, Pumanawca cadacami; ta dicami calicaguman ti pannacaammo cadagita daldalanmo.

15 Mal. 3:14. Ania aya ti Mannacabalin, tapno agservicami coma kencuana? Ket ania ti gunguna a magun-odanmi no agcararagcami kencuana?

16Adtoy, ti kinarang-ayda saan a gapuanan ti imada; Job 22:18.ti patigmaan dagiti nadangcoc adayu caniac.

17 Job 18:6. Maminano aya ti pannacaiddep ti pagsilawan dagiti nadangcoc? Tapno ti kinadacsangasatda umay cadacuada? Tapno ti Dios iwarasna dagiti ladladingit iti pungtotna?

18 Sal. 1:4. Tapno casda la puon ti garami iti sango ti angin, ken cas iti taep nga itayab ti bagio?

19 Cunaenyo, Ti Dios Ex. 20:5.salimetmetanna ti kinadangkes ti ama a maipaay cadagiti annacna. Isu supapacanna coma daydiay met laeng, tapno maammoanna coma:

20Makita coma dagiti matana met laeng iti pannacadadaelna, ket Sal. 60:3.uminum coma iti pungtot ti Mannacabalin.

21Ta ania ti panangipategna iti balayna iti calpasanna, inton maputed ti bilang dagiti bulanna?

22 Isa. 40:13. Asino aya ti mangisuronto iti Dios iti pannacaammo, idinto ta ocomenna dagiti natan-oc?

23Matay ti maysa iti capigpigsana, idinto ta sitatalna unay ken sitatalingenngen:

24Dagiti pagidulinanna mapnoda iti gatas, ket ti pata dagiti tulangna nadam-egda.

25Ket ti sabali matay iti kinapait ti cararua, ket dina nananam ti imbag.

26Isuda Job 22:11.agpasagda nga agpadpada iti tapoc, ket igges ti manggabor cadacuada.

27Adtoy, ammoc dagiti panunotyo, ken dagiti gacat a pangranggasyo caniac.

28Ta cunayo, Sadino aya ti yan ti balay ti principe? Ken Job 20:6, 7.sadino aya ti yan ti tolda a pagnaedan dagiti nadangcoc?

29Dicayo nagsaludsud aya cadagiti tattao nga agpagpagna? Ket dicayo ammo dagiti pammanecnecda,

30 2 Ped. 2:9. A ti dakes a tao maaywanan agingga iti aldaw ti kinadacsangasat? A maipanda iti aldaw ti pungtot?

31Siasino ti mangipalawagto ti dalanna iti rupana? Ken siasino ti mangsupapacto kencuana iti aramidna?

32Nupay casta maipanto iti tanem, ket dagiti tattao agbantaydanto iti rabaw ti tanem.

33Dagiti bingbingcol ti lobong nasamitdanto kencuana. Ket amin a tattao sumarunodanto kencuana, cas iti adda idi a di-mabilang iti sacbayna.

34Casano ngarud ti panangliwliwayo caniac iti barengbareng, idinto, ta cadagita sungbatyo barengbarengda laeng?