DEUTERONOMIO 21 - Ilokano Form-Based Bible: Ti Biblia (1973)

Pannacaicaro ti basol ti maysa a nacapapatay a di naammoan. Ti panangasawa cadagiti babbai a nacayawan. Linlinteg maipapan iti pamaayan cadagiti annac a lallaki.

1No masaracan ti maysa a napatay ti daga nga ited kenca ni Jehova a Diosmo, a tagicuaen, a naiwalang iti daga, ket di am-ammo ti nangcabil kencuana;

2Dagiti ngarud lallacayyo ken dagiti oc-ocomyo rumuardanto, ket rucodendanto agingga cadagiti il-ili a nailawlaw kencuana dayta a natay:

3Ket maaramidto a ti ili a caasitgan iti natay a tao, dagiti met lallacay ti daydiay nga ili mangaladanto iti maysa a vaca a di pay pinagbannog, ken di pay nasangolan a nagguyod;

4Ket dagiti lallacay iti dayta nga ili isalogdanto dayta a vaca iti maysa a lobong nga adda danumna nga agay-ayus, a di naarado wenno di namulaan, ket bungtolendanto ti lengnges ti vaca sadiay a lobong.

5Ket dagiti papadi nga annac a lallaki ni Levi umaydanto umasideg; ta isuda ti Deut. 10:8. 1 Cron. 23:13.pinili ni Jehova a Diosmo nga agannong kencuana, ken mamendicion iti nagan ni Jehova; ket iti Deut. 17:8-9; 19:17.mayannurot iti saoda isu ti maikeddengto iti amin a susic ken iti amin a panangcabil.

6Ket amin a lallacay iti dayta nga ili, nga isuda ti caasitgan iti natay a tao, Sal. 26:6; 73:13. Mat. 27:24.buggoandanto dagiti im-imada iti rabaw ti vaca a binungtolda ti lengngesna idiay a lobong;

7Ket isuda sumungbatdanto ket cunada, Dagiti im-imami saanda nga imbuyat daytoy a dara castamet a saan a nakita dagiti matami.

8Pacawanem, O Jehova, ti ilim nga Israel a sinubbotmo, ket Jon. 1:14.dica ipalubos nga agbati iti tengnga ti ilim nga Israel ti dara nga awan basolna. Ket ti dara mapacawanto cadacuada.

9Iti casta Deut. 19:13.iccatemto ti dara nga awan basolna iti tengngam no aramidemto ti nalinteg cadagiti mata ni Jehova.

10No inca makigubat cadagiti cabusormo, ket ni Jehova a Diosmo yawatna ida cadagita im-imam ket alaem ida a nacayawan,

11Ket makitam cadagiti nacayawan ti maysa a napintas a babai, ket adda panagrayom kencuana, ket alaem coma nga asawaen;

12Alaemto iti balaymo ngarud; ket isu kiskisannanto ti olona, ket agicucunto;

13Ket ucsobennanto ti cawes ti pannacacayawna ket mabatinto iti balaymo, ket Sal. 45:10.sangitannanto ni amana ken inana iti apagtutop a macabulan: ket iti calpasanna dumennacanto kencuana, ket sicanto ti asawana, ket isunto ti asawam.

14Ket maaramidto, a no awan ti pacaay-ayoam kencuana, palubosamto ngarud a mapan iti cayatna; ngem Deut. 24:7.dicanto ilaclaco a pabayadan iti pirac nga uray ania a panggep, dicanto aramiden a cas maysa a bag-en, Gen. 34:2. Deut. 22:29. Oc. 19:24.gapu ta pinaldaangmo.

15No ti maysa a lalaki adda dua nga assawana, ti maysa dungdungngoenna, ket ti maicadua Gen. 29:33.gurguraenna, ket mangipasngayda kencuana cadagiti annac, madungdungngo man ken magurgura; ket no ti inauna a nayanac a lalaki isu ti anac ni magurgura;

16Maaramidto ngarud nga iti aldaw a panagpatawidna cadagiti annacna a lallaki iti cucuana, dina pagin-inaunaen ti anac ni madungdungngo, ngem iti anac ni magurgura, nga isu ti inauna nga anac:

17Ngem ammoennanto nga inauna nga anac, ti anac ni magurgura, iti 1 Cron. 5:1-2. 2 Cron. 11:19, 20, 22.panangitedna kencuana ti mamindua a bingay cadagiti amin nga adda kencuana; Gen. 49:3.ta isu ti damo ti pigsana; Gen. 25:31, 33.calintegan ti kina-inauna nga anac a lalaki cucuana.

18No ti maysa a lalaki adda anacna a lalaki a nasungit ken nasalungasing, a dina cayat ti agtungpal iti timec ni amana wenno iti timec ni inana, ket nupay dusaenda dinanto la ipangag ida:

19Iti casta ni amana ken ni inana tengngelendanto, ket ipandanto cadagiti lallacay ti ili, ken iti ruangan ti dissona;

20Ket cunadanto cadagiti lallacay ti ciudadna, Daytoy anacmi a lalaki nasungit ken nasalungasing, dina cayat ti agtungpal iti timecmi; isu nabuclis ken managbarbartec.

21Amin dagiti lallaki ti ilina uburendanto tapno matay cadagiti batbato: Deut. 13:5.casta ti panangiccatto iti dakes iti tengngayo; Deut. 13:11.ket amin nga Israel dumngegto ket agbutengto.

22Ket no ti maysa a lalaki nacaaramid iti maysa a Deut. 19:6.basol a maicari iti patay, ket maipanto ken patay, ket bitayem iti maysa a cayo;

23 Jos. 8:29; 10:26-27. Juan 19:31. Ti bagina dinto mabati, nga agpatpatnag iti cayo, ngem itabonmonto a di-agcurang iti daydiay met laeng nga aldaw; 2 Sam. 21:6. Num. 25:4. Gal. 3:13.ta daydiay a nabitay isu ti inlunod ti Dios; tapno Num. 35:34.dica mulitan ti dagam a ni Jehova a Diosmo intedna kenca a tawiden.