DEUTERONOMIO 19 - Ilokano Form-Based Bible: Ti Biblia (1973)

Dagiti il-ili a pagcamangan. Linlinteg maipapan cadagiti duldulon ken pammanecnec.

1No ni Jehova a Diosmo Deut. 12:29.pusaynanto dagiti nasnacion a ti dagada ni Jehova a Diosmo itedna kenca, ket sumandica cadacuada, ket agnaedca cadagiti il-ilida ken iti balbalayda;

2 Ex. 20:19. Mangilasincanto ti maipaay kenca iti tallo nga il-ili iti tengnga ti dagam a ited ni Jehova a Diosmo kenca a pagtagicuaam.

3Isaganaamto ta bagim iti dalan, ket bingayemto dagiti pagbeddengan ti dagam a ni Jehova a Diosmo ipatawidna kenca iti tallo a paspaset, tapno ti tunggal maysa a macapapatay mabalinna ti agtaray sadiay.

4 Num. 35:15. Deut. 4:42. Ket dagitoy ti casasaad ti macapapatay nga agcamangto idiay ket agbiag: ti mamapatay a dina nagayatan iti padana a tao, ket dina ginurgura iti nalabes nga al-aldaw;

5Cas no maysa a tao mapan iti bakir a cacuyogna ti padana a tao nga agpucan iti cayo, ket ti imana inlayatna ti wasay tapano pucanenna ti cayo, ket ti wasay masucto iti putan, ket agdisso iti caduana, ket matay; isu cumamangto iti maysa cadagitoy nga il-ili ket agbiag,

6 Num. 35:12, 19. Di la ket ta ti agibales iti dara camatenna ti nacapatay, no sipupudot pay laeng ti pusona, ket macamacamna, ta ti dalan atiddug, ket sugatenna iti macapatay: idinto a di maicari a matay, gapu ta dina met ginurgura cadagiti aldaw a nalabes.

7Isu ti gapuna nga ibilinco kenca a cunac, Mangilasincanto iti tallo nga il-ili a maipaay kenca.

8Ket no ni Jehova a Diosmo Gen. 15:18-21. Deut. 12:20.palawaenna ti beddengmo, cas insapatana cadagiti ammam, ken itedna kenca ti amin a daga nga incarina cadagiti ammam;

9No salimetmetamto ti dagup daytoy a bilin, tapno aramidem, isu nga ibilinco kenca itoy nga aldaw, nga ayatem ni Jehova a Diosmo, ken magnaca a cancanayon iti daldalanna; bil. 2. Jos. 20:7.inayonmonto pay ngarud a maipaay kenca ti tallo nga il-ili, sabali pay laeng dagitoy tallo;

10Tapno ti dara nga awan basolna saan a maibucbuc iti tengnga ti dagam a ni Jehova a Diosmo itedna kenca a tawid, ket iti casta ti dara maiparabawto kenca.

11Ngem no siasinoman a tao Num. 35:16-21.gumura iti padana a tao, ket sanebenna, ket tumacder a bumusor kencuana, ket sugatenna iti macappatay, isu a pacatayanna, ket daydiay cumamang iti maysa cadagitoy a ili;

12Iti casta dagiti lallacay iti ilina agbaondanto ket paalada idiay, ket yawatda ti bagina iti ima ni agibales iti dara tapno matay.

13 Deut. 7:16. Ti matam dinanto caasian, ngem Num. 35:33. Deut. 21:9. 1 Ar. 2:31.iccatemto iti Israel ti dara nga awan basolna, tapno agbalincanto a naimbag.

14 Deut. 27:17. Job 24:2. Os. 5:10. Dicanto yalis ti dulon ti daga ti padam a tao, nga dagiti inauna incabilda iti tawidmo, nga tawidemto sadiay daga a ni Jehova a Diosmo itedna kenca a tagicuaem.

15 Num. 35:30. Mat. 18:16. Juan 8:17. 2 Cor. 13:1. 1 Tim. 5:19. Heb. 10:28. Ti maymaysa a sacsi dinto tumacder a mangidarum iti maysa a tao gapu iti uray ania a kinadakes, wenno aniaman a basol, iti uray ania a basol, a nacabiddutanna: iti panagsao ti dua a sacsi, wenno iti panagsao ti tallo a sacsi, ti pacapanecnecan ti maysa a panggep.

16No ti maysa a naulbod a sacsi tumacder a mangimameg iti maysa a tao, tapno panecnecanna ti maibusor kencuana ti panagaramid ti dakes,

17Dagitoy dua a tattao ngarud nga agringgor, agtacderdanto iti sango ni Jehova, iti Deut. 17:8-9.saclang dagiti agannongto a papadi ken oc-ocom cadagitanto nga al-aldaw;

18 Deut. 13:14. Ket dagiti oc-ocom agpalutpotdanto a nalaing: ket adtoy, no ti sacsi maysa a naulbod a sacsi, ket pinanecnecanna a sititiri ti macaidadanes iti cabsatna;

19 Prov. 19:5, 9. Dan. 6:24. Aramidemto met ngarud kencuana, ti cas pinanunotna nga inaramid iti cabsatna: Deut. 13:5.iti casta maiccatmonto ti dakes iti tengngam.

20Ket dagiti mabati denggendanto ket agbutengdanto, ken panipudandan a didanto ar-aramidenen ti uray ania a casdiay a dakes iti tengngam.

21Ket ti matam dinto mangngaasi; ti Ex. 21:23-24.biag maisingirto iti biag, mata iti mata, ngipen iti ngipen, ima iti ima, saca iti saca.