1Ket binendicionan ti Dios ni Noe ken dagiti annacna a lallaki, ket kinunana cadacuada, Gen. 11:28; 8:17.Agbungacayo, ket agaducayo, ket punnoenyo manen ti daga.
2 Sal. 8:6, 8. Ket ti panagbuteng cadacayo, ken ti panagames cadacayo addanto cadagiti amin nga animal iti daga, ken cadagiti amin a tumatayab iti tangatang; agraman amin nga aggaraw iti daga, ken amin nga ic-ican ti taaw, cadagiti imayo mayawatda.
3 Deut. 12:15. 1 Tim. 4:3. Amin nga aggaraw a sibibiag agpaaydanto a taraonyo; Gen. 1:29.cas iti nalasbang a nateng intedcon amin cadacayo.
4 Lev. 17:10. Deut. 12:23. 1 Sam. 14:33. D. Ara. 15:20, 29. Ngem ti lasag agraman ti biagna, nga isu ti darana, saanyonto a canen.
5Ket di bumurong a ti darayo, ti dara dagiti biagyo, siac sapulecto; Ex. 21:29.iti ima ti amin nga animal sapulecto: Gen. 4:9, 10.ket iti ima ti tao, uray iti ima ti cabsat ti tunggal tao, sapulecto ti biag ti tao.
6 Ex. 21:12, 14. Lev. 24:17. Mat. 26:52. Apoc. 13:10. Ti mangibucbuc iti dara ti tao, ti darana ibuyatto ti tao; Gen. 1:27.ta ti Dios inaramidna ti tao a ladawanna.
7Ket dacayo, agbungacayo ken agaducayo; agputotcayo iti nawadwad iti daga, ket agaducayo iti rabawna.
8Ket nagsao ti Dios ken Noe, ken cadagiti annacna a lallaki a caduana, ket kinunana,
9Ket siac, adtoy, Gen. 3:17; 6:17.buangayec cadacayo ti tulagco, ken cadagiti caputotanyo a sumono cadacayo.
10Ken iti amin a parsua a sibibiag nga adda cadacayo, cadagiti tumatayab, cadagiti animal a naamo, ken iti amin nga animal a narungsot ti daga agraman cadacayo; cadagiti amin a rummuar iti daong, uray isu-amin nga animal ti daga.
11Ket siac Isa. 54:9.bangonecto ti tulagco cadacayo; dinto met mapucawen ti amin a lasag cadagiti dandanum ti layus; ket awanto metten ti layus a mangpucaw iti daga.
12Ket kinuna ti Dios, Gen. 17:11.Daytoy isu ti pagilasinan ti tulag nga aramidec, siac ken dacayo ken amin a nabiag a parsua nga adda cadacayo, cadagiti caputotan nga agnanayon:
13Ti Apoc. 4:3.bullalayawco icabilco iti ulep, ket isunto a pagilasinan ti maysa a tulag caniac ken iti daga.
14 Lev. 26:42, 45. Eze. 16:60. Ket maaramidto nga no pagulepec iti tangatang, makitanto ti bullalayaw iti ulep.
15Ket lagipecto ti tulagco, nga adda caniac ken cadacayo, ken iti tunggal parsua a sibibiag nga addaan lasag; ket dagiti danum didanto agbalinen a layus tapno mangpucaw iti amin a lasag.
16Ket ti bullalayaw addanto iti ulep; ket kitaecto tapno pacalaglagipac ti agnanayon a tulag iti Dios ken amin a parsua a sibibiag nga addaan lasag iti rabaw ti daga.
17Ket kinuna ti Dios ken Noe, Daytoy ti pagilasinan ti tulag nga imbangonco Gen. 17:7, 13, 19.caniac ken iti amin a lasag nga adda iti rabaw ti daga.
18Ket dagiti lallaki nga annac ni Noe, a rimmuar iti daong da Gen. 5:32; 10:1.Sem, Cam ken Jafet ket ni Cam ti ama ni Canaan.
19Dagitoy tallo isuda dagiti lallaki nga annac ni Noe: Gen. 10:32. 1 Cron. 1:4.ket cadagitoy nasacnapan iti amin a daga.
20Ket rinugian ni Noe ti agtaltalon, ket nagmula iti maysa a cauvasan:
21Ket idi imminum iti arac, nabartec; ket naglamolamo idi iti uneg ti sapawna.
22Ket nakita ni Cam, nga ama ni Canaan, ti kinalamolamo ni amana, ket sinaritana cadagiti dua a cabsatna idiay ruar.
23Ket da Sem ken Jafet nangalada iti maysa a pagananay, ket incabilda a dua cadagiti abagada, ket nagnada a sitatallicud, ket inarpawanda ti kinalamolamo ni amada; ket sitatallicud idi dagiti rupada, ket saanda a nakita ti kinalamolamo ni amada.
24Ket nagriing a naunawan ni Noe iti aracna, ket naammoanna ti inaramid kencuana ti anacna nga inaudi.
25Ket kinunana,
Deut. 27:16. Mailunod coma ni Canaan;
Adipento dagiti adipen cadagiti Deut. 27:16.cabsatna.
26Ket kinunana,
Bendito coma ni Jehova, a Dios ni Sem;
Ket adipenna coma ni Canaan.
27Palawaen coma ti Dios ni Jafet,
Ket agnaed coma cadagiti sapaw ni Sem;
Ket adipenna coma ni Canaan.
28Ket nagbiag ni Noe, calpasan ti layus, iti tallogasut ket limapulo a tawen.
29Ket ti dagup dagiti aldaw ni Noe siam a gasut ket limapulo a tawen: ket calpasanna natay.
Who We AreWhat We EelieveWhat We Do
2025 by iamachristian.org,Inc All rights reserved.
