EZEQUIEL 17 - Ilokano Form-Based Bible: Ti Biblia (1973)

Pangngarig a maipanggep cadagiti dua nga aguila ken ti uvas, ken ti caipapananda.

1Ket ti sao ni Jehova dimteng caniac, a kinunana,

2Anac ti tao, agburtiaca, ket agsaoca ti pangngarig iti balay ti Israel;

3Ket cunaem, Castoy ti cuna ni Apo Jehova: Jer. 48:40.Maysa a dackel nga aguila a dadackel dagiti payacna ken atiddog ti pawisna, napno cadagiti dutdot nga addaan nadumaduma a colcolor, immay idiay Libano, ket innalana ti ngudo ti cantingen:

4Sinippitna ti cangudoan dagiti babassit a saringitna, ket impanna iti daga ti Canaan; ket incabilna iti ili dagiti agtagtagilaco.

5Nangala met iti bin-i ti daga, ket immulana iti nadam-eg a Deut. 8:7, 9.daga; incabilna iti arpad dagiti adu a danum; ket insaadna a cas la cayo a kimmawayan.

6Ket timmubo, ket nagbalin a nasantac nga uvas a nababa, a bil. 14.dagiti santacna agturongda kencuana, ket dagiti ramutna addada iti sirocna; casta a nagbalin nga uvas, ket nagsantac, ken nagtanabug.

7Ket adda met idi ti sabali a dackel nga aguila a dadackel dagiti payacna ken adu ti pawisna: ket, adtoy, bil. 15.daytoy nga uvas imbaccugna dagiti ramutna nga agturong kencuana ket inturongna dagiti santacna kencuana manipud iti pagpalacayan iti bunobonna, tapno isu masibugan.

8Isu naimula iti maysa a nadam-eg a daga iti arpad dagiti adu a danum, tapno agsantac coma, ken agbunga, ket isu coma ti naimnas nga uvas.

9Ibagam, Castoy ti cuna ni Apo Jehova: Rumang-ayto ngata? dinanto aya paruten dagiti ramutna, ken putden dagiti bungana, tapno malaylay coma, tapno amin dagiti nalangto a bulongna malaylaydanto? ket saan a babaen ti nabileg a tackiag wenno adu a tao ti panangparut kencuana cadagiti ramutna.

10Wen, adtoy, idinto a naimulan, rumang-ayto ngata? Jer. 4:11. Eze. 19:12. Os. 13:15.dinto ngata magango nga awan tidda, no ti angin nga aggapu iti Jer. 18:17.daya tignayenna? Isu magangonto iti pagpalacayan a tinuboanna.

11Castamet ti sao ni Jehova dimteng caniac, a kinunana,

12Ibagam iti balay a nasukir, Dicayo ammo aya ti caipapanan dagitoy? Ibagam cadacuada, Adtoy, a 2 Ar. 24:11, 12.ti ari ti Babilonia immay idiay Jerusalem, ket innalana ti arina, ken dagiti piprincipena, ket impanna ida idiay Babilonia.

13 2 Ar. 24:17. Jer. 37:1. Ket nangala iti naarian a putot, ket nakitulag kencuana; ket casta met a 2 Cron. 36:13.pinagsapatana, ket innalana 2 Ar. 24:15.dagiti nabileg ti daga;

14Tapno ti pagarian nanomo coma, tapno saan coma a sumukir, no di ket babaen ti panangsalimetmetna ti tulag agtalinaed coma.

15 2 Ar. 24:20. 2 Cron. 36:13. Jer. 52:3. Ngem simmukir kencuana babaen ti panangibaonna cadagiti embajadorna Jer. 37:5, 7.idiay Egipto, tapno isu iccanda coma iti cabayo ken adu a tattao. Rumang-ayto ngata? macapaglusolosto daydiay nangaramid cadagitoy? dadaelennanto ti tulag, ken macatalawto pay?

16Cas sibibiagac, cuna ni Apo Jehova, awan duadua nga iti disso a pagtaengan ti ari a namagari kencuana, a ti sapatana naglictadanna, ket ti tulagna dinadaelna, idiay sibayna met laeng 2 Ar. 25:7.iti tengnga ti Babilonia, matayto.

17Uray ni Faraon agraman ti nabileg a buyotna ken dackel a cacuyoganna, Jer. 44:30.saannanto met a mabadangan iti gubat intono agigabsuonda ken agipatacder cadagiti sarikedked, tapno dadaelenda dagiti adu a tattao.

18Ta naglictadanna ti sapata babaen ti panangdadael iti tulag; ket adtoy, nga inyawatna idi ti imana, ket nupay casta inaramidna amin dagitoy a banbanag; isu dinto macalisi.

19Gapuna castoy ti cuna ni Apo Jehova; cas sibibiagac, pudno a ti sapatac a naglictadanna, ken ti tulagco a dinadaelna, yegconton iti olona met laeng.

20Ket Eze. 12:13.iwayatconto kencuana ti batengco, ket matiliwto iti siloc, ket ipanconto idiay Babilonia, ket Eze. 20:35, 36.idiay ti pangocomacto kencuana maipanggep iti panaglabsingna caniac.

21Ket amin dagiti nagtalaw cadagiti amin a Eze. 12:14.cacuyoganna mapasagdanto iti campilan, ket dagidiay a mabati maiwarisdanto iti tunggal angin: ket mabigbigyonto a siac, ni Jehova, isu sinaoc.

22Castoy ti cuna ni Apo Jehova: bil. 3.Mangalaacto met iti nangato a ngudo ti cantingen, ket isaadconto; Isa. 53:21. Mat. 1:12, 13.pumutedacto iti cangudoan dagiti babassit a saringitna a naganus, ket Sal. 2:6.isu imulacto iti rabaw ti nangato ken narimbaw a bantay:

23Iti rabaw ti cangatoan a bantay ti Israel Eze. 20:40.isu imulacto; ket agsanganto, ken agbunga, ket agbalin a naimnas a cantingen; ket iti sirocna Eze. 31:6. Dan. 4:12. Mat. 13:32.agnaedto amin a tumatayab iti tunggal cakita; iti linong dagiti sangsangana agnaeddanto.

24Ket amin dagiti caycayo iti away mabigbigdanto a siac, ni Jehova, impababac ti nangato a cayo, intan-occo ti nababa a cayo, pinagangoc ti nalangto a cayo, ket pinarang-ayco ti nagango a cayo: Eze. 22:14; 24:14.Siac ni Jehova, sinaoc ken inaramidco.