EXODO 12 - Ilokano Form-Based Bible: Ti Biblia (1973)

Ti pascua ken ti fiesta ti di nalevaduraan a tinapay. Ti pananglabas. Ti pannacapatay dagiti inaunaan nga annac dagiti Egipcios. Ti Israel rumuar sadiay Egipto. Alagaden ti pascua.

1Ket ni Jehova nakisao cada Moises ken Aaron idiay daga nga Egipto, a cunana,

2 pascua ni Jehova.

12Ta siac agpasiaracto iti daga nga Egipto iti daydiay a rabii, ket patayecto amin dagiti annac nga inauna iti daga nga Egipto, tao man ken animal; ket aramidecto ti panangocom a maibusor cadagiti amin a didiosen ti Egipto; Ex. 6:2.siac ni Jehova.

13Ket ti dara cadagiti balbalay a pagyananyo isunto ti pagilasinan cadacayo: ket no makitacto ti dara, labsancayonto ket awanto cadacayo ti didigra a mangpatay cadacayo, intono dusaec ti daga nga Egipto.

14Ket daytoy nga aldaw isunto cadacayo iti Ex. 13:9. Lev. 23:4, 5.maysa a pacalaglagipan, ket salimetmetanyonto a fiesta ken Jehova: cadagiti caputotanyo salimetmetanyonto a fiesta a bil. 24, 43.pagalagadan iti cancanayon.

15 Ex. 13:6, 7; 23:15. Num. 28:17. Deut. 16:3, 8. 1 Cor. 5:7. Pito nga al-aldaw a mangancayonto iti tinapay nga awan levadurana; iti umuna nga aldaw met laeng ibellengyonto cadagiti balbalayyo: ta sia-sinoman a manganto iti nalevaduraan a tinapay manipud iti umuna nga aldaw agingga iti maicapito nga aldaw, Gen. 17:14. Num. 8:13. Lev. 23:7, 8.daydiay a tao maipusayto iti Israel.

16Ket iti umuna nga aldaw addanto ti maysa a Num. 28:18, 25.nasantoan a panagguurnong, cadacayo ken iti maicapito nga aldaw, ti maysa a nasantoan a panagguurnong, awanto ti uray ania nga ar-aramid cadagidiay nga al-aldaw, dagidiay laeng dagiti agservi a canen ti tunggal tao, daytoy laeng ti maipalubos cadacayo.

17Ket ngilinenyonto ti fiesta ti tinapay nga awan levadurana; ta iti daytoy met laeng nga aldaw, innalac dagiti buybuyotyo iti daga nga Egipto: gapuna nga ngilinenyonto bil. 8, 12, 14.daytoy nga aldaw a pagalagadan nga agnanayon agpapan putputotyo.

18Iti umuna nga bulan, iti maicasangapulo ket uppat nga aldaw ti bulan iti rumabii, canenyonto ti tinapay nga awan levadurana agingga iti maicaduapulo ket maysa nga aldaw ti bulan iti rumabii.

19Bayat dagiti pito nga al-aldaw awanto ti masaracan a levadura cadagiti balbalayyo: ta siasinoman a mangan iti nalevaduraan, dayta a tao maipusayto iti gimong ti Israel, gangannaet man wenno umili iti daga.

20Uray amin a nalevaduraan dicayto canen; cadagiti amin a pagyananyo mangancayonto iti tinapay nga awan levadurana.

21Idin ni Moises inumongna amin a lallacay ti Israel, ket kinunana cadacuada, Incayo ket mangalacayo cadagiti corderoyo bil. 3.cas mayannurot cadagiti famfamiliayo, ket partienyo ti pascua.

22Ket mangalacayo coma iti sangareppet nga Lev. 14:6. Sal. 51:7. Juan 19:29. Heb. 9:19.hisopo, ket Heb. 11:28.isawsawyo iti dara a nagyan iti batia, ket bil. 7.iwarsiyonto iti ngato ti ruangan ken dagiti agsumbangir a baotec, ti dara nga nagyan iti batea; ket awanto cadacayo ti rumuar iti ruangan ti balayna agingga iti bigat.

23Ta ni Jehova agsursurto a manaplit cadagiti Egipcios; ket ti pannacakitananto iti dara nga adda iti ngato ti ruangan ken cadagiti agsumbangir a baotec, ni Jehova labsannanto dayta nga ruangan, ket dinanto ipalubos a sumrec ti agpapatay a mangcabil cadacayo cadagiti balbalayyo.

24Ket salimetmetanyonto daytoy nga alagaden a maipaay cadacayo ken cadagiti annacyo iti agnanayon.

25Ket maaramidto nga intono sumreccayo iti daga nga itedto ni Jehova cadacayo a cas incarina, salimetmetanyonto daytoy nga annungen.

26 Ex. 13:8, 14. Deut. 32:7. Jos. 4:6. Sal. 78:6. Ket maaramidto a no cunaendanto dagiti annacyo cadacayo, Ania ti caipapanan daytoy nga annungen?

27Cunayonto, Isu ti daton ti pascua ni Jehova, a limmabas cadagiti balbalay dagiti annac ti Israel sadiay Egipto, idi dinusana dagiti Egipcios, ket insalacanna dagiti balbalaymi. Ex. 4:31.Ket dagiti tattao nagtamedda ket nagdaydayawda.

28Ket dagiti annac ti Israel napanda inaramid ti casta; cas iti panangibilin ni Jehova cada Moises ken Aaron, casta ti panangaramidda.

29 Ex. 11:4. Ket naaramid a iti tengnga ti rabii ni Jehova Num. 8:17; 33:4. Sal. 78:51; 105:26; 135:8; 136:10.Kinabilna amin dagiti inauna nga anac iti daga nga Egipto, Ex. 4:23; 11:5.nanipud iti anac nga inauna ni Faraon a nagtugaw iti tronona agingga iti inauna nga anac ti balud nga adda idi iti pagbaludan; ken amin dagiti annac nga inauna dagiti an-animal.

30Ket bimmangon idi nga rabii ni Faraon, isu, ken amin dagiti ad-adipenna, ken amin dagiti Egipcios; Ex. 11:6. Amos 5:17.ket adda idi naindaclan nga ariwawa sadiay Egipto; ta awan idi ti balay nga di adda natay.

31Ket pinaayabanna da Moises ken Aaron iti rabii, ket kinunana, Tumacdercayo, pumanawcayo iti baet dagiti iturayac, Ex. 10:9.dacayo ken casta met dagiti annac ti Israel; ket incayo agservi ken Jehova a cas kinunayo.

32 Ex. 10:26. Alaenyo dagiti an-animalyo a babassit man ken dadackel, cas kinunayo, ket incayon ala; ket bendicionandac met.

33 Ex. 11:8. Sal. 105:38. Ket dagiti Egipcios dinagdagda idi dagiti tattao, a pinagdardarasda a pinapanaw ida iti daga; ta kinunada, Mataycamin amin.

34Ket dagiti tattao innalada dagiti ginamayda a di pay nalevaduraan, dagiti pagaramidanda iti tinapay a naibungon cadagiti paga-anayda a binaclayda.

35Ket dagiti annac ti Israel inaramidda cas mayalubog iti sao ni Moises; ket nagdawatanda dagiti Egipcios cadagiti Ex. 3:22; 11:2, 3.alicamen a pirac ken alalicamen a balitoc, ken pagpagananay:

36Ket ni Jehova pinaraburanna dagiti tattao iti imatang dagiti Egipcios, iti casta nga inyawatda cadacuada dagiti dinawatda. Gen. 15:14. Ex. 3:22. Sal. 105:37.Ket linabusanda dagiti Egipcios.

37Ket dagiti annac ti Israel nagnada manipud Gen. 47:11.Rameses inggana iti Soccoth, Ex. 38:26. Num. 1:46; 11:21.aginnem a gasut a ribu a lallaki ti nagnagna malacsid dagiti ubbing.

38Ket simmurot met a nakipagsang-at cadacuada ti nawadwad a bilang dagiti nadumaduma a tattao; ken an-animal a babassit ken dadackel, a nawadwad unay.

39Ket binibingcada nga awan levadura ti ginamay nga innalada sadi Egipto; ta saan a nalevaduraan idi, bil. 33. Ex. 11:1.gapu ta napagtalawda idiay Egipto, ket dida nacapagtactaken, wenno dida nacapagsagana idi iti canenda.

40Ti cabayag ti panagnaed dagiti annac ti Israel sadi Egipto Gen. 15:13. D. Ara. 7:6. Gal. 3:17.uppat a gasut ket tallopulo a tawen.

41Ket idi aggibus dagiti uppat a gasut ket tallopulo a tawen, daydi met laeng nga aldaw naaramid nga amin dagiti Ex. 6:26; 7:4.buybuyot ni Jehova pimmanawda iti daga nga Egipto.

42Isu ti rabii a panagngilin a cangronaan ken Jehova gapu iti panangilapsotna cadacuada iti daga nga Egipto: daytoy ti rabii ni Jehova, ipangrona a ngilinen amin dagiti annac ti Israel cadagiti amin a caputotanda.

43Ket ni Jehova kinunana cada Moises ken Aaron, Daytoy ti alagaden ti pascua: awan ti sangaili a manganto kencuana;

44Ngem ti bag-en ti tunggal tao a magatang iti pirac, manganto calpasan ti Gen. 17:12, 13.panangcugitmo.

45 Lev. 23:10. Ti gangannaet ken ti adipen a mangmangged saandanto a mangan iti daydiay.

46Iti maymaysa a balay ti pangananto; dicanto mangiruar iti lasag iti ruar ti balay; Num. 9:12. Juan 19:33, 36.wenno dicayto mangtupec iti uray maysa a tulangna.

47Amin a gimong ti Israel salimetmetannanto.

48Ket no adda Num. 9:14.gangannaet a makipagnaed kenca ket cayatna ti mangrambac iti pascua ken Jehova, macugit coma amin a lalaki na sacayto paasitgen a mangsalimetmet; ket isunto ti cas maysa nga anac ti daga; ngem awan ti siasinoman a di nacugit a manganto iti daydiay.

49 Num. 9:14; 15:15, 16. Maymaysa ti lintegto nga agpaayto iti anac ken iti gangannaet a makipagnaed cadacayo.

50Casta ti panagaramid amin dagiti annac ti Israel; cas panangilbilin idi ni Jehova cada Moises ken Aaron, casta ti inaramidda.

51 bil. 41. Ket naaramid iti daydi met laeng nga aldaw nga innala ni Jehova dagiti annac ti Israel idiay daga nga Egipto a binuyonbuyot.