DAGITI PROVERBIO 17 - Ilokano Form-Based Bible: Ti Biblia (1973)

Nadumaduma a balballaag a maipapan iti biag ken cababalin.

1Nasaysayaat ti Prov. 15:17.sangcasacmul a kilabban ket cacuycuyogna ti kinatalna, ngem ti balay a napno iti panagramrambac a buyugen ti riri.

2Ti adipen a nanacman ti cababalinna iturayannanto ti anac a mangibabain, ket maibingayto iti tawiden dagiti agcacabsat.

3 Sal. 26:2. Mal. 3:3. Ti pagguguran agservi iti pirac, ken ti horno iti balitoc; ngem ni Jehova suutenna dagiti puspuso.

4Ti managdacdakes imdenganna dagiti nadangkes a bibig; ket ti naulbod ipangagna ti dila a naranggas.

5 Prov. 14:31. Siasinoman a mangrabrabac iti napanglaw, umsienna ti Namarsua kencuana; Job 31:29. Ab. 12.

ket ti agraasac iti kinadacsangasat ti sabali saanto a di-madusa.

6Ti annac dagiti annac isuda dagiti Sal. 127:3.balangat dagiti lallacay; ket ti dayaw dagiti annac dagiti dadackelda.

7Ti nadaeg a sarita saan a maipaay iti maag; adadda manen a saan a maipaay dagiti naulbod a bibig iti principe.

8Ti pannocsoc cas napateg a bato cadagiti matmata ti tao nga agicut; uray sadinoman a turongenna, rumang-ay.

9Ti mangabbong iti salungasing birukenna ti ayat; ngem ti mangdagdagullit iti maysa a panggep, mapaadayu dagiti nadecket a gagayyem.

10Ti panangtubngar sumrec a naununeg iti maysa nga addaan pannacaawat ngem ti sangagasut a baot iti maysa a maag.

11Ti dakes a tao birbirukenna laeng ti panagsukir; iti casta ti nadawel a babaonen maibaonto a bumusor kencuana.

12 Os. 13:8. Nasaysayaat a masarac ti oso a babai a natacawan cadagiti annacna ngem iti maysa a tao a maag iti kinamaagna.

13 Mat. 5:39. Rom. 12:17. 1 Tes. 5:5. Siasinoman a mangisupapac ti dakes iti imbag, ti dakes dinto pumanaw iti balayna.

14Ti pannacairugi ti riri cas la no ti maysa ibuangna ti danum; Prov. 20:3.gapuna lisiam ti susic, iti sacbay ti riribuc.

15 Ex. 23:7. Prov. 27:24. Isa. 5:23. Ti mangalangon iti nadangkes, ken ti mangirurumen iti nalinteg, isuda a dua agpadpadada a macarimon ken ni Jehova.

16Apay adda aya iti ima ti maag pateg a panggatangna iti kinasirib, idinto nga awan kencuana ti pannacaawat?

17Ti gayyem agayat Job 6:14.iti amin a tiempo; ket ti cabsat nayanac a maipaay a casalisal.

18 Prov. 6:1. Ti tao nga awanan pannacaawat iyunnatna ti imana, ket agbalin a talged iti saclang ti caarrubana.

19Ayatenna ti panagsalungasing ti agayat iti ringgor: Prov. 29:23.ket ti mangitol-o iti ruanganna birukenna ti pannacadadael.

20Ti naiwawa ti pusona awan imbag a masaracna; ket ti Sant. 3:8.addaan naulpit a dila matnag iti ranggas.

21 Prov. 10:1. Ti agputot iti maag pagladladingitannanto; ken ti ama ti maag awan ragsacna.

22 Prov. 12:25; 15:13. Ti naragsac a puso naimbag nga agas; ngem ti siduducot nga espiritu magmaganna ti tultulang.

23Ti nadangkes a tao awatenna ti pannocsoc nga aggapu iti Prov. 21:14. Ecle. 7:9.barucong, Ex. 23:8.a mangkillo cadagiti daldalan ti kinajusticia.

24Ti kinasirib adda iti Ecle. 2:14; 8:1.saclang ti addaan pannacaawat; ngem dagiti mata ti maag addada cadagiti pungto ti daga.

25 Prov. 10:1; 15:20; 19:13. Ti maag nga anac isu ti liday ken amana, ken pait iti nangipasngay kencuana.

26Casta met ti panangdusa iti nalinteg, saan a naimbag, uray ti panangdanar cadagiti natacneng gapu ti kinalintegda.

27 Prov. 10:19. Sant. 1:19. Ti mangmedmed cadagiti saona addaan pannacaammo; ket ti nalamiis ti nakemna tao a mannacaawat.

28 Job 13:5. Uray pay ti maag, no agulimec, maibilang a masirib; no pagcaemenna dagiti bibigna, maibilang a manakem.