OC-OCOM 12 - Ilokano Form-Based Bible: Ti Biblia (1973)

Ti panangsusic ti Efraim. Ti Shibolet. Ipapatay ni Jefte. Sabsabali nga oc-ocom.

1Ket dagiti Oc. 8:1.lallaki ti Efraim naguornongda, ket nagnada a nagpaamianan, ket kinunada ken Jefte, Apayapay napanca idi nanggubat a maibusor cadagiti annac ni Ammon, ket dinacami inayaban a cumuyog kenca? dacami pasgedanminto iti apuy ta balaymo iti rabawmo.

2Ket ni Jefte kinunana cadacuada, Siac ken dagiti tattaoc addacami idi iti dackel a ringgor cadagiti annac ni Ammon; ket idi nga inayabancayo, dacayo didac inispal iti imada.

3Ket idinto a makitac a dacayo didac idi ispalen, siac 1 Sam. 19:5; 28:21.incabilco ti biagco iti imac, ket immallatiwac a maibusor cadagiti annac ni Ammon, ket ni Jehova inyawatna ida iti imac: apayapay ngarud a simmang-atcayo nga umay caniac iti daytoy nga aldaw, tapno makibacalcayo a maibusor caniac?

4Idin ni Jefte inurnongna amin dagiti lallaki ti Galaad, ket nakibacal iti Efraim: ket dagiti lallaki ti Galaad kinabilda ti Efraim ta kinunada, Dacayo dagiti 1 Sam. 25:10.nagtalaw iti Efraim, dacayo Galaaditas, iti tengnga ti Efraim, ken iti tengnga ti Manases.

5Ket dagiti Galaaditas innalada dagiti Oc. 3:28.pagballasiwan ti Jordan a maibusor cadagiti Efraimitas. Ket naaramid idi a castoy nga, no ti uray siasino cadagiti nagtalaw iti Efraim kinunana, Palubosandac coma a bumallasiw, dagiti lallaki ti Galaad kinunada kencuana, Sica maysaca nga Efraimita? No isu cunaenna, Saan;

6Iti casta isuda kinunada kencuana, Saoem ita, Sal. 69:2, 15. Isa. 27:12.Sibolet: ket isu kinunana, Sibolet, ta isu ti dida nabalin a balicsen iti nalinteg: no casta isu tiniliwda, ket isu pinapatayda cadagiti pagballasiwan ti Jordan. Ket iti daydi a tiempo napasagda iti Efraim dagiti uppat a pulo ket dua a ribu.

7Ket ni Jefte inocomanna ti Israel bayat ti innem a tawen. Idin ni Jefte a Galaadita natay, ket naitabon iti maysa cadagiti il-ili ti Galaad.

8Iti calpasanna ni Ibzan taga Jos. 19:15.Belen inocomanna ti Israel.

9Ket isu addan idi cadagiti tallopulo nga annac a lallaki; ken tallopulo nga annac a babbai nga imbaonna cadagiti sabsabali a luglugar, ket tallopulo nga annac a babbai ti sinapulna a naggapuda cadagiti sabsabali a luglugar nga agpaay cadagiti annacna a lallaki, ket inocomanna ti Israel bayat ti pito a tawen.

10Ket ni Ibzan natay, ket naitabon idiay Belen.

11Iti calpasanna ni Elon a Zabulonita inocomanna ti Israel, ket nagocom iti Israel bayat ti sangapulo a tawen.

12Ket natay ni Elon a Zabulonita, ket isu naitabon idiay Ajalon idiay daga ti Zabulon.

13Iti calpasanna ni Abdon nga anac a lalaki ni Hillel a Piratonita inocomanna ti Israel.

14Ket isu addaan idi cadagiti uppat a pulo nga annac a lallaki, ken tallopulo nga annac a lallaki dagiti annacna a lallaki, nga Oc. 15:10; 10:4.agsacayda idi cadagiti pitopulo nga ur-urbon dagiti asno: ket isu inocomanna ti Israel bayat ti walo a tawen.

15Ket ni Abdon nga anac ni Hillel a Piratonita natay, ket isu naitabon idiay Piraton iti daga ti Efraim idiay Oc. 3:13, 27.caturodan dagiti Amalecitas.