JEREMIAS 28 - Ilokano Form-Based Bible: Ti Biblia (1973)

Ti natiri a padto ni Hananias, ken ti sungbat ni Jeremias. Ti ipapatay ni Hananias.

1Ket naaramid iti dayta met laeng a tawen, idi damo ti panagturay ni Sedekias nga ari ti Juda, iti maicapat a tawen, ti maicalima a bulan, a ni Hananias nga anac a lalaki ni Azur a mammadto, nga adda idi idiay Gabaon, nagsao caniac iti balay ni Jehova, iti sangoanan dagiti papadi ken ti amin nga umili, a kinunana,

2Castoy ti saoen ni Jehova dagiti buybuyot, a Dios ti Israel, a cunana, Binungtolco ti sangol ti ari ti Babilonia.

3Iti uneg ti dua nga awan curangna a tawen iyegconto manen ditoy a disso amin dagiti al-alicamen ti balay ni Jehova nga innala ni Nabucodonosor nga ari ti Babilonia nanipud ditoy a disso, ket impanna idiay Babilonia:

4Ket iyegconto manen ditoy a disso ni Jeconias nga anac a lalaki ni Joakim, nga ari ti Juda, agraman cadagiti amin a nacayawan ti Juda, a napan idiay Babilonia, cuna ni Jehova; ta bungtolecto ti sangol ti ari ti Babilonia.

5Idin ni mammadto a Jeremias kinunana ken mammadto nga Hananias iti sangoanan dagiti papadi, ken iti sangoanan ti amin nga umili a nagtacder iti balay ni Jehova,

6Ni met laeng mammadto a Jeremias kinunana, 1 Ar. 1:36.Amen: ni Jehova aramidenna coma ti casta; ni Jehova aramidenna dagiti saom nga impadtom, nga iyegna manen dagiti al-alicamen iti balay ni Jehova, ken amin dagiti nacayawan, nga aggapu iti Babilonia agingga ditoy a disso.

7Nupay casta denggem ita daytoy sao a saoec cadagiti lapayagmo, ken cadagiti lapayag dagiti amin nga umili:

8Dagiti mammadto nga adda iti casangoanac ken iti casangoanam idi unana nagipadtoda iti maibusor iti adu a dagdaga, ken maicaniwas cadagiti dadackel a pagpagarian, maipapan iti gubat, ken iti dakes, ken iti angol.

9Ti mammadto Deut. 18:22. Jer. 6:14.a mangipadto iti cappia, ti sao ti mammadto iti pannacatungpal, iti casta ti mammadto maammoanto, nga isu pudno nga imbaon ni Jehova.

10Idin ni Hananias a mammadto iniccatna bil. 2. Jer. 27:2.ti sangol iti tengnged ni mammadto a Jeremias, ket binungtolna.

11Ket ni Hananias nagsao iti sangoanan ti amin nga umili, a kinunana, Castoy ti cuna ni Jehova: Castoy met laeng ti panangbungtolconto iti sangol ni Nabucodonosor nga ari ti Babilonia iti uneg ti awan curangna a dua tawen Jer. 27:7.manipud iti tengnged dagiti amin a nacion. Ket ni mammadto a Jeremias napan iti dalanna.

12Idin ti sao ni Jehova dimteng ken Jeremias, calpasan a ni Hananias a mammadto binungtolna ti sangol iti tengnged ni mammadto a Jeremias, a kinunana,

13Inca, ket ibagam ken Hananias, a cunaem, Castoy ti cuna ni Jehova: Sica binungtolmo dagiti sangol a cayo; ngem nangaramidcan iti sucatda cadagiti sangol a landoc.

14Ta castoy ti cuna ni Jehova dagiti buybuyot, a Dios ti Israel: Deut. 28:48.Nangicabilac iti maysa a sangol a landoc iti tengnged amin dagitoy a nasnacion tapno agservida ken Jer. 25:11.Nabucodonosor nga ari ti Babilonia; ket agservidanto kencuana: ket intedco met kencuana Jer. 27:6.dagiti an-animal ti tanap.

15Idin kinuna ni mammadto a Jeremias ken Hananias a mammadto, Denggem ita Hananias: Ni Jehova saannaca nga imbaon: ngem Jer. 20:6; 29:31.pagtalgedem iti ulbod daytoy nga umili.

16Gapuna a castoy ti cuna ni Jehova, Adtoy, papanawenca manipud iti rabaw ti daga: iti daytoy a tawen mataycanto, agsipud ta nagsaoca ti kinasukir a maicaniwas ken Jehova.

17Iti casta ni Hananias a mammadto natay iti dayta met laeng a tawen iti maicapito a bulan.