1Idi dua nga aldaw sacbay ti pascua ken ti Ti camaudianan a pascua; ti nasantoan a panangrabii.
12Ket idi umuna nga aldaw Mat. 26:17-19. Luc. 22:7-13.ti awan levadurana a tinapay idi indatonda ti pascua, dagiti adalanna cunada kencuana: Adino ti cayatmo a papananmi a pangisaganaan a panganam ti pascua?
13Ket isu ibaonna ti Luc. 22:8.dua cadagiti adalanna, ket cunana cadacuada: incayo idiay ciudad ket masabatyonto ti maysa a tao a siaawit iti maysa a caramba ti danum: Surutenyo.
14Ket uray sadino a sercannanto, cunayo iti apo ti balay: Ti Mannursuro cunana: Adino ti yan ti pacasangailiac a pangrambacan ti pascua agraman cadagiti adalac?
15Ket isu ipakitananto cadacayo ti maysa a salas a dackel ken naarcosan; agsaganacay idiay iti maipaay cadatayo.
16Ket napan dagiti adalan ket dimtengda iti ciudad, ket nasaracanda ti cas imbagana cadacuada; ket insaganada ti pascua.
17Ket idi malemen, Mat. 26:20-24.isu napan agraman cadagiti sangapulo ket dua.
18Ket idi addada a sisasango, ken mangmangan, ni Jesus kinunana: Pudno cunac cadacayo a maysa cadacayo a makipangan caniac, liputannacto.
19Isuda ngarud rinugianda ti nagliday, ken nagcuna kencuana a sinaggaysa: Siac aya?
20Ket kinunana cadacuada: Maysa cadagiti sangapulo ket dua: dayta makicamalucong caniac.
21Ta ti Anac ti tao mapan a pudno cas adda a naisurat maipapan kencuana; ngem asi pay dayta tao a gapu kencuana maliputan ti Anac ti tao! Naimbag coma iti dayta a tao, no pulos a di nayanac coma.
22Ket idi mangmanganda, ni Jesus Mat. 26:26-29. Luc. 22:19, 20. 1 Cor. 11:23, 25.nangala ti maysa a tinapay, ket idi nabendicionanna biningbingayna, ket intedna cadacuada, ket kinunana: Alaenyo; daytoy isu ti bagic.
23Ket nangala ti maysa a copa, ket idi nacapagyaman, intedna cadacuada; ket isuda amin imminumda kencuana.
24Ket kinunana cadacuada: Daytoy isu ti darac iti Baro a Tulag isu a maibucbuc a maipaay cadagiti adu.
25Pudno cunac cadacayo, a diacto uminumen iti bunga ti uvas, agingga iti daydiay nga aldaw a pananginumco iti baro idiay pagarian ti Dios.
26Ket idi Mat. 26:30-35.nacantada ti maysa nga himno, napanda idiay Bantay dagiti Olivo.
Ti panangilibac ni Pedro maipacaammo.27Ket ni Jesus cunana cadacuada: Dacay amin maitibcolcayto; ta adda a naisurat: Zac. 13:7.Sugatecto ti pastor, ket mawarawaranto dagiti carnero.
28Nupay casta inton malpasac nga agungar, innacto iti sangoananyo idiay Galilea.
29Cuna kencuana ni Pedro: Uray isuda amin Juan 21:15.maitibcoldanto; ngem siac saan.
30Ket cuna ni Jesus kencuana: Pudno cunac kenca, a sica, ita, iti daytoy a rabii, inton di pay agtaraoc ti cawitan iti Mat. 26:34, 75. Luc. 22:34, 60. Juan 13:38; 18:27.mamindua, paglicudannacton iti mamitlo.
31Ngem isu kinunana iti napigpigsa a panangipapati: Agpapan pay no masapul coma a maicanunongac kenca a matay, saancanto nga ilibac uray caanoman. Ket casta met ti kinunada amin.
Ni Jesus idiay Getsemani.32Ket Mat. 26:36-46. Luc. 22:39-42, 45, 46.napanda iti maysa a minuyungan a managan Getsemani; ket kinunana cadagiti adalanna: Agtugawcayo ditoy, iti bayat iti panagcararagco.
33Ket incuyogna kencuana da Pedro ken Santiago ken ni Juan, ket nangrugi a naglagaw ken nagdanag unay.
34Ket cunana cadacuada: Adda a naladingit unay ti cararuac agingga iti ipapatay; agbaticayo ditoy, ket agpuyatcayo.
35Ket idi a simmurong pay bassit, nagparintumeng iti daga, ket nagcararag, a no mabalin, Juan 12:27; 13:1.lumbes coma kencuana daydi nga horas.
36Ket kinunana: Rom. 8:15.Abba, Ama amin a banbanag mabalin kenca: ipanawmo cadi caniac daytoy a copa; nupay casta saan a ti cayatco, no di ta cayatmo.
37Ket immay, ket nasaracanna ida a matmaturog; ket cunana ken Pedro: Simon, maturogca? Dica nabalin ti agpuyat iti maymaysa nga horas?
38Agpuyatcayo, ket agcararagcayo, tapno dicay sumrec iti pannacasulisog; ti nakem pudno a sireregta, ngem ti lasag nacapuy.
39Ket napan manen, ket nagcararag, nga inulitna Mat. 26:39, 42.dagiti met la a sao.
40Ket nagsubli ket nasaracanna manen ida a matmaturog; ta dagiti matada nargaanda unay: ket Mar. 9:6.dida ammo idi ti isungbatda kencuana.
41Ket immay iti maicatlo, ket cunana cadacuada: Maturogcayon, ket aginanacayo, isunan; Juan 13:1.ti horas dimtengen: adtoy, ti Anac ti tao maiyawat cadagiti imima dagiti managbasol.
42Bumangoncayo, intayon; adtoy, ti mangliput caniac, umasidegen.
Pannacatiliw ni Jesus.43Ket idinto nga agsasao pay laeng Mat. 26:47, 56. Luc. 22:47-53. Juan 18:3-11.simmangpet ni Judas, maysa cadagiti sangapulo ket dua, ket kimmuyog kencuana ti adu a tao a nagtagicampilan ken nagtagipang-or, a naggapuda cadagiti turayen dagiti papadi ken cadagiti escriba, ken cadagiti lallacay.
44Ket daydi mangliput kencuana, iniccanna ida ti maysa a pagilasinan, a cunana: No asino ti agepacto; isu dayta; isu tiliwenyo, ket ipanyo nga aywananyo a naimbag.
45Ket idi dimtengen, dagus nga immasideg kencuana, ket kinunana, Mannursuro: ket inagcanna.
46Ket isu iniggamanda ket tiniliwda.
47Ngem maysa a tao cadagiti naital-laong, inasutna ti campilanna, ket kinabilna daydi adipen ti cangatoan a padi ket piningasanna ti lapayagna.
48Ket nagsao ni Jesus, ket kinunana cadacuada: Immawaycayo aya a cas bumusor iti maysa a tulisan, a nagtagicampilan ken nagtagipangorcayo a mangtiliw caniac?
49Amin nga aldaw addaac idi cadacayo a nangisursuro idiay Templo ket saandac a tiniliw. Ngem maaramid daytoy tapno matungpal dagiti Sursurat.
50Ket isu binaybayanda, ket nagtalawda amin.
51Ket adda maysa a baro a simmurot kencuana, nga sicacagay iti maysa nga ules a naibalcut iti bagina a lamolamo: ket tiliwenda coma.
52Ngem isu, inibbatanna daydi ulesna ket timmaray a lamolamo.
Ni Jesus idiay sangoanan ti Senedrin wenno cangatoan a panngocoman dagiti Judio.53Ket impanda ni Jesus Mat. 26:57-68. Luc. 22:54. Juan 18:12, 15, 19-24.iti cangatoan a papadi: ket nakigimong kencuana dagiti amin a panguloen dagiti papadi ken dagiti lallacay, ken dagiti escriba.
54Ket ni Pedro simmurot kencuana iti adayu, agingga iti uneg ti paraangan ti cangatoan a padi; ket nakicatugaw cadagiti adipen, nga Juan 18:18, 25.agin-inudoda iti apuy.
55Ket dagiti panguloen dagiti papadi ken ti amin a gimong nagsapulda ti pangsacsi a maibusor ken Jesus, tapno papapatayda; ngem awan nasaracanda.
56Ta adu dagiti mangted idi ti saan a pudno a pangsacsi a bumusor kencuana; ngem dagiti pangsacsida saanda a mainugot.
57Ket timmacder dagiti dadduma, ket nangtedda ti natiri a pangsacsi a bumusor kencuana, a cuncunada:
58Isu nangngegmi a cunana: Mar. 15:29.Siac rebbaecto daytoy Templo, nga D. Ara. 7:48; 17:24. Heb. 9:11, 24.inaramid ti ima, ket iti tal-lo nga aldaw mangbangonacto ti sabali a saan nga aramid ti ima.
59Ngem uray pay casta, saan a mainugot dagiti pangsacsida.
60Ket timmacder daydi cangatoan a padi iti nagtengngaanda, ket inintuudna ken Jesus, a kinuna: Awan ti aniaman nga isungbatmo? Ania ti panecnecanda dagitoy a maibusor kenca?
61Ngem isu saan a naguni ket awan ti insungbatna. Daydi Luc. 22:66.cangatoan a padi nagintuudanna manen: ket kinunana kencuana: Sica ni Cristo, ti Anac ti Bendito?
62Ni Jesus kinunana kencuana: Siac; Mat. 24:30.ket makitayonto ti Anac ti tao nga agtutugaw iti macanawan ti mannacabalin, ken umay agraman dagiti ulep ti langit.
63Ket daydi cangatoan a padi pinigisna dagiti pagananayna, ket kinunana: Ania pay ti pacasapulantayo cadagiti sacsi?
64Nangngegyo ti tabbaaw: ania ti cunayo? Ket isuda amin impatoda a maicari iti pannacapapatay.
65 Mat. 26:67, 68. Luc. 22:64. Ket rinugian dagiti dadduma a tinupraan, ken inabbungutan ti rupana ket isu tinungtungpada, ken cunada kencuana: Padtoam. Ket dagiti alguacil isu inawatda cadagiti tungtungpa.
Ni Pedro ilibacna ni Jesus.66Ket idi adda ni Pedro iti baba idiay Mat. 26:69-75. Luc. 22:55-62. Juan 18:16-18, 25-27.paraangan, immay ti bil. 54.maysa cadagiti babbai nga adipen ti cangatoan a padi;
67Ket idi makitana ni Pedro nga agin-inudo, minatmatanna, ket kinunana: Ket sica met makicuycuyogca idi ken Jesus Nazareno.
68Ngem isu naglibac a cuncunana: Diac ammo ket diac maawatan dayta cunam. Ket rimmuar iti ruangan; ket bil. 30.nagtaraoc ti maysa a cawitan.
69Ket idi makita manen ti adipen a babai, rinugianna nga imbagana cadagiti adda sadiay a naital-laong: Daytoy ti caduada.
70Ngem isu naglibac manen. Ket idi nalabes bassit, dagiti adda sadiay kinunada manen ken ni Pedro: Pudno; Luc. 22:59. D. Ara. 2:7.ta taga Galileaca.
71Ngem isu rinugianna ti naglunod ken nagsapata, a cunana; Saanco nga amammo daytoy tao a sasaoenyo.
72Ket dagus a ti cawitan nagtaraoc iti bil. 30.maicadua a daras. Ket nalagip ni Pedro daydi sao nga imbaga ni Jesus kencuana: Inton dipay agtaraoc ti cawitan iti mamindua, ilibacnacton a mamitlo. Ket idi pinanunutna daytoy, nagsangit.
Who We AreWhat We EelieveWhat We Do
2025 by iamachristian.org,Inc All rights reserved.
