II CRONICAS 17 - Ilokano Form-Based Bible: Ti Biblia (1973)

Ti panagari ni Josafat; dutocanna dagiti manursuro; ti pannacabalinna.

1Ket ni 1 Ar. 15:24.Josafat nga anacna a lalaki nagari iti saadna, ket pinapigsana ti bagina met laeng a maibusor iti Israel.

2Ket incabilna dagiti soldados cadagiti 2 Cron. 11:5; 19:5.amin nga il-ili a nasarikedkedan iti Juda, ket insaadna dagiti buybuyot nga agbantay idiay daga a Juda, ken cadagiti il-ili ti Efraim, nga innala idi ni Asa nga 2 Cron. 15:8.amana.

3Ket ni Jehova adda idi ken Josafat, agsipud ta isu nagna cadagiti umuna a dalan ni amana a David, ket saan a nagsapul cadagiti Baales,

4No di ket nagsapul iti Dios ni amana, ket nagna cadagiti bilbilinna, ken saan a mayannurot cadagiti 1 Ar. 12:28.ar-aramid ti Israel.

5Gapuna a ni Jehova pinatibkerna ti pagarian iti imana; ket amin a Juda bil. 11. 1 Sam. 10:27.insangpetna ti buis ken Josafat; ket adda idi kencuana kinabacnang ken dayaw a naruay.

6Ket ti pusona naipangato cadagiti dalan ni Jehova: ket maysapay 1 Ar. 22:43. 2 Cron. 15:17; 19:3; 35:3.iniccatna dagiti nangato a disdisso ken dagiti Ashera iti Juda.

7Casta met iti maicatlo a tawen ti panagarina imbaonna dagiti pangpangol-cenna, a da met laeng Benhail, Obdias, ken Zacarias, Natanael, ken ni Mikeas, 2 Cron. 15:3; 35:3. Esd. 7:10.a mangisuro cadagiti il-ili ti Juda;

8Ket caduada dagiti Levitas a da met laeng Semeias, Natanias, ken Zebadias, Asael, Semiramot, ken Jonatan, Adonias, Tobias, ken ni Tobadonias, a Levitas, ken caduada da Elisama ken ni Joram, a padi.

9Ket nangisuroda idiay Juda, a siaadda idi cadacuada ti libro ti linteg ni Jehova; ket napanda cadagiti amin nga il-ili ti Juda, ket nangisuroda cadagiti tattao.

10Ket ti buteng ken Jehova 2 Cron. 14:14; 20:29.natnag cadagiti amin a pagarian dagiti dagdaga nga adda idi ti aglicmut iti Juda, tapno iti casta saanda a nanggubat iti maibusor ken Josafat.

11Ket ti dadduma cadagiti 2 Sam. 8:2. 2 Cron. 21:16.Filisteos inyegda ken Josafat dagiti sagsagut, ken pirac a pagbuis; dagiti taga Arabia inyegda met kencuana dagiti ar-arban, a pito ribu ket pito gasut a carcarnero a lallaki, ken pito ribu ket pito gasut a calcalding a lallaki.

12Ket ni Josafat bimmileg iti napalalo; ket idiay Juda binangonna dagiti castillos ken Ex. 1:11.il-ili a pagidulinan.

13Ket adda idi dagiti adu unay nga ar-aramidna cadagiti il-ili ti Juda; ken lallaki ti gubat, lallaki a mannacabalin ken mamaingel idiay Jerusalem.

14Ket daytoy ti panagbilang cadacuada idi a mayannurot cadagiti balbalay dagiti ammada: Iti Juda, dagiti capcapitan dagiti rinibu: ni Adna a capitan, ket caduana dagiti lallaki a mannacabalin ken mamaingel, tallo gasut a ribu;

15Ket ti sumaganad kencuana ni Johanan a capitan, ket caduana ti duagasut ket walopulo a ribu;

16Ket ti sumaganad kencuana ni Amasias nga anac a lalaki ni Oc. 5:2, 9. Neh. 11:2.Zicri, isu a nangipaay a siaayat ti bagina met laeng ken Jehova, ket caduana ti duagasut a ribu cadagiti lallaki a mannacabalin ken mamaingel.

17Ket iti Benjamin: ni Eliada a lalaki a mannacabalin ken maingel, ket caduana ti duagasut a ribu a siiigam iti ba-i ken calasag;

18Ket ti sumaganad kencuana ni Jozabad, ket caduana ti sangagasut ket walopulo a ribu a sisasagana a maipaay iti gubat.

19Dagitoy isuda dagiti nagservi iti ari, bil. 2.sabali laeng dagidiay nga incabil ti ari cadagiti il-ili a nasarikedkedan iti amin a Juda.