SOFONIAS 3 - Ilokano Form-Based Bible: Ti Biblia (1973)

Ti panangay-ay a maipaay iti Jerusalem ken cadagiti nasnacion. Ti pannacaisubli ken kinatalged ti Israel.

1Asi pay daydiay nasungit ken narugit! Ti Jer. 25:38.manangilupit nga ili!

2Isu saan a nagtulnog iti timec; saan nga immawat iti panagisuro; saan a nagcammatalec ken ni Jehova; saan nga immasideg iti Diosna.

3Dagiti piprincipena Eze. 22:27.iti nagtengngaanna isuda dagiti ngumerngernger a leon; dagiti oc-ocomna isuda dagiti Hab. 1:8.lobo ti rumabii; isuda dida mangitidda iti uray aniaman agingga iti bigat.

4Dagiti mammadtona Jer. 23:32.nadursocda ken manangallilawda a tattao; dagiti papadina binassawanganda ti santuario, Eze. 22:26.sinalungasingda ti linteg.

5Ni Jehova nalinteg iti nagtengngaanna; dinto agaramid iti kinadakes; iti tunggal bigat yegna ti kinajusticiana iti lawag, isu saan nga agcurang; ngem ti nakillo dina ammo ti bain.

6Siac dadaelecto dagiti nasnacion; dagiti torre iti pagsulianda walangwalangda; pinaglangalangco dagiti calcalsadada, iti casta awan ti aglasat; dagiti il-ilida madadaelda, iti casta awan ti tao, casta met awan ti agnaed.

7Kinunac, Isuna laeng nga agbutengca caniac; umawatca iti panangisuro, Jer. 7:3, 7; 25:5.iti casta ti pagnaedanna dinto mapucaw; a mayalubog iti amin nga inkeddengco a maipapan kencuana: ngem 2 Cron. 36:15.timmacderda a nasapa ket pinadakesda dagiti amin nga aramidda.

8Ngarud Hab. 2:3.aguraycayo a maipaay caniac, cuna ni Jehova, agingga iti aldaw nga itatacderco a mangsamsam; ta ti panangikeddengco isu ti Joel 3:2.panangurnong cadagiti nasnacion, tapno maummongco coma dagiti pagpagarian, tapno ibucbocco cadacuada ti ungetco, ti met laeng narungsot a pungtotco; ta isu-amin a daga malamutto Sof. 1:18.iti apuy ti imonco.

9Iti casta isublicton cadagiti il-ili ti nadalus a pagsasao, tapno isuda amin awaganda coma ti nagan ni Jehova, tapno agservida a situtonos kencuana.

10Manipud iti ballasiw dagiti carcarayan ti Etiopia dagiti agdawdawat caniac, ti anac met laeng a babai di Deut. 4:27; 28:64.inwarac, yegdanto ti Sal. 68:29. Mal. 1:11.daton caniac.

11Iti daydiay nga aldaw Isa. 54:4.saancanto a mabainan gapu cadagiti amin nga ar-aramidmo, a nagsalungasingam a maicaniwas caniac; ta iti casta iccatecton iti tengngam dagiti tattaom a sitatangsit nga agragragsac, ket Jer. 7:4. Mik. 3:11.dicanto tangsitenen iti nasantoan a bantayco.

12Ngem tiddaecto iti tengngam ti maysa a Zac. 11:7, 11.naparigat ken napanglaw nga ili ket isuda agcamangdanto iti nagan ni Jehova.

13Ti matda Sof. 2:7.ti Israel didanto agaramid iti kinadakes, Apoc. 14:5.didanto met agsao cadagiti ul-ulbod; ti naulbod a dila saanto met a masaracan iti ngiwatda: ta isuda agtaraondanto ken agiddadanto, Isa. 17:2.ket awanto ti mangpabuteng cadacuada.

14Agcantaca, O anac a babai ti Sion; agdir-ica, O Israel; agrag-oca ken agragsacca iti isu-amin a puso, O anac a babai ti Jerusalem.

15Ni Jehova iniccatna dagiti pannacaocommo, impuruacna ti cabusormo: ti Ari ti Israel, a ni met laeng Jehova, adda iti nagtengngaam; dicanto agbutengen iti dakes uray caano.

16Iti daydiay nga aldaw macunanto iti Jerusalem, Dica agbuteng; O Sion, Isa. 35:3. Heb. 12:12.dica palubosan a cumapuy coma dagita im-imam.

17Ni Jehova a Diosmo adda iti nagtengngaam, ti maingel a mangisalacanto; agrag-onto kenca a mabuyugan iti panagragragsac; aginananto iti ayatna; agragsacto kenca a mabuyugan iti panagcancanta.

18Urnongecto dagidiay agladladingit nga agpaay iti nangayed a gimong, isuda a cucuam idi; a ti awit kencuana isu idi ti pannacaumumsi.

19Adtoy, iti bil. 11.dayta a pannawen supapacacto dagiti isu-amin a mangpaladingit kenca: ket Mik. 4:6, 7.ispalecto daydiay pilay, ket yurnongconto daydiay napassia; ket pagbalinecto ida a madaydayaw ken mainaganan iti isu-amin a daga a nacaibabainanda idi.

20Iti daydiay a pannawen Isa. 2:7.iserreccanto, ken iti daydiay a pannawen urnongencanto; ta aramidencanto a nagan ken madaydayaw cadagiti isu-amin nga il-ili ti daga, Sof. 2:7.intono pagbaliwec ti pannacacayawmo iti sango dagiti matayo, cuna ni Jehova.