TAGA ROMA 7 - Ilokano Form-Based Bible: Ti Biblia (1973)

Macalapsuttay cadagiti daan a bilin, datayo nga agdayaw iti Dios a buyugen ti baro a pakinakem. Ti linteg isu ti mangibaga iti basol. Panagdangadang ti lasag ken ti kinalinteg.

1Wenno dicayo ammo aya, cacabsat, (casaoc dagiti macaammo iti linteg) a ti linteg iturayanna laeng ti tao bayat ti caaddana a sibibiag?

2Ta ti babai 1 Cor. 7:39.nga adda asawana, adda a naisinggalut gapu iti linteg ken asawana iti bayat ti panagbiagna; ngem no matay ti asawa a lalaki; ti babai nawayaanen iti linteg iti asawana.

3Ngarud, Mat. 5:32.no sibibiag pay ti asawa a lalaki, ket ti babai makitipon iti sabali a lalaki, managanto iti makicamcamalala a babai; ngem no ti asawana matay, uray makiasawa iti sabali a lalaki saan a makicamcamalala ta nawayaanen iti linteg.

4Gapuna, dacayo met, cacabsatco, natay Rom. 8:2. Gal. 5:18. Efe. 2:15. Col. 2:14.cayon iti maipapan iti linteg Efe. 2:16. Col. 1:22.gapu iti bagi ni Cristo, tapno maicallaysacayo iti sabali nga isu daydi napagungar cadagiti natay; tapno mangpataudtayo iti bunga a maipaay iti Dios.

5Ta idi nagbibiagtayo a linalasag, dagiti Gal. 5:24.calcalicagum a pacabasolan a pinarnuay ti linteg, ginargarida dagiti Rom. 6:13.camcamengtayo tapno Rom. 6:21.agpataudda iti bunga a maipaay ken patay.

6Ngem ita nawayawayaantayon iti linteg, idinto a nataytayon iti daydi nacatenglantayo; iti casta agservitayo iti 2 Cor. 3:6.kinabaro ti espiritu ket saan a babaen iti kinadaan ti letra.

7Ania ngarud ti cunatayo? Basol aya ti linteg? Ni caanoman. Ta Rom. 3:20; 4:15.diac coma nailasin ti basol, no saan a gapu iti linteg: Ket diac met coma nabigbig ti panagagum, no saan coma a kinuna ti linteg: Ex. 20:17.Dica agagum;

8Ngem ti Gal. 5:13. 1 Tim. 5:14.basol, idi nga adda gundawayna, ginargarinac, gapu iti bilin, cadagiti amin a kita ti agum: ta no awan linteg, ti basol natay.

9Ket siac, nagbibiagac idi nga awan linteg: ngem idi immay ti bilin, ti basol nagungar ket natayac;

10Ket ti bilin, Rom. 10:5.a maipaay iti biag, nasaracco a maipaay iti patay.

11Ta ti basol, idi nga adda gundawayna, gapu iti bilin Gen. 3:13.sinulisugnac, ket gapu kencuana pinataynac.

12Iti casta ngarud Sal. 19:8.ti linteg nasantoan, ket ti bilin nasantoan, Sal. 119:137.nalinteg, ken naimbag.

13Ti naimbag ngarud, nagbalin aya caniac nga ipapatay? Ni caanoman; no di ket ti basol tapno agparang a basol, nagpataud caniac ti ipapatay gapu iti naimbag; tapno gapu iti bilin, ti basol mabigbig a dakes unay.

14Ta ammotayo a ti linteg 1 Cor. 3:1.isu naespirituan, ngem siac linalasagac, a 1 Ar. 21:20.nalaco iti biang ti basol.

15Ta ti ar-aramidec diac maawatan; Gal. 5:17.ta ti saanco a pagayatan isu ti ar-aramidec; ket ti cagurac ar-aramidec pay.

16Ngem no aramidec ti saanco a pagayatan, anamungac a ti linteg naimbag.

17Ita ngarud saanen a siac ti agaramid iti dayta, no di ket ti basol nga agnaed caniac.

18Ta ammoc a saan nga agnaed ti naimbag a banag Gen. 6:5; 8:21.caniac, cayatco a sao-en, iti lasagco; ta ti panagpanggep nalaca caniac, ngem ti panagtungpal iti naimbag, awan.

19Ta ti naimbag a panggeppec diac aramiden, ngem ti dakes a diac panggepen, isu ket di ti ar-aramidec.

20Ngem no aramidec ti diac pinanggep, saanen a siac ti agar-aramid kencuana, no di ket ti basol nga agnaed caniac.

21Masaracac ngarud daytoy a linteg, nga idinto a tarigagayac nga aramiden ti naimbag, ti dakes sumango caniac.

22Ta 2 Cor. 4:6. Efe. 3:16.maayayoac iti linteg ti Dios, Sal. 119:35.iti makinuneg a kinataoc:

23Ngem Gal. 5:17.makitac ti sabali a linteg cadagiti Rom. 6:13.camcamengco, bumusbusor iti linteg ti nakemco, ket ipannac a sicacayaw iti linteg ti basol, nga adda cadagiti camcamengco.

24O nacaay-ay-ayac a tao! siasino ti mangluc-atto caniac itoy Rom. 6:6; 8:23.bagi ni patay?

25Agyamanac iti Dios 1 Cor. 15:57.gapu ken Jesu-Cristo nga Apotayo. Iti casta ngarud, siac met laeng agserviac a mayannurot iti nakemco iti linteg ti Dios, ngem maiyannurot iti lasagco, iti linteg ti basol.