ZACARIAS 1 - Ilokano Form-Based Bible: Ti Biblia (1973)

Ni Jehova tubngarenna dagiti tattao. Ti cabayo a sirmata ni Zacarias. Ti caasi a maicari iti Sion. Ti sirmata a sarsara ken mammanday.

1 Hag. 2:1, 10. Iti maicawalo a bulan, Hag. 1:1.iti maicadua a tawen ni Dario, immay ti sao ni Jehova ken Zacarias a mammadto nga anac ni Berekias, nga anac ni Neh. 12:4, 16.Iddo, a cunana,

2Ni Jehova naglucsao unay idi cadagidi ammayo.

3Gapuna cunaem cadacuada, Castoy ti cuna ni Jehova dagiti buybuyot: Mal. 3:7.Agsublicayo caniac, cuna ni Jehova dagiti buybuyot, ket siac agsubliacto cadacayo, cuna ni Jehova dagiti buybuyot.

4 Sal. 78:8. Saancayo coma a cas cadagidi ammayo, 2 Cron. 36:15, 16.isuda a nagickisan dagiti immun-una a mammadto, a kinunada, Castoy ti cuna ni Jehova dagiti buybuyot, Agsublicayo ita manipud cadagiti dakes a daldalanyo, ken manipud cadagita dakes nga aramidyo: ngem dida impangag, dida nagimdeng caniac, cuna ni Jehova.

5Dagiti ammayo, sadino aya ti yanda? ket dagiti mammadto, agbiagda aya nga agnanayon?

6 Mat. 24:35. Ngem dagiti saoc ken bilinco, nga imbilinco cadagiti adipenco a mammadto, saanda aya a nacagteng cadagiti ammayo? ket isuda nagsublida ket kinunada, D. Un. 2:17.Cas pinanggep ni Jehova dagiti buybuyot, nga aramiden cadatayo, iti Jer. 35:15. Eze. 36:31.mayalubog cadagiti daldalantayo, ken mayannurot cadagiti ar-aramidtayo, casta ti inaramidna cadatayo.

7Iti maicaduapulo ket uppat nga aldaw ti maicapulo ket maysa a bulan, nga isu ti bulan ti Sebat, iti maicadua a tawen ni Dario, immay ti sao ni Jehova ken Zacarias a mammadto nga anac ni Berekias, nga anac ni Iddo, a kinunana,

8Siac kimmitaac iti rabii, ket, adtoy, ti Jos. 5:13. Dan. 9:21. Apoc. 6:4.maysa a lalaki a nagsacay iti nalabaga a cabayo, ket nagintec iti tengnga dagiti caycayo nga arrayan nga addada idi iti lasong; ket iti malicudanna addada idi dagiti Zac. 6:2-7.cacabayo, a nalabaga, alazan a natangken, ken puraw.

9Idin kinunac, O apoc, aniada dagitoy? Ket bil. 13, 14. Zac. 2:3; 4:1, 4, 5; 5:5, 10; 6:4.ti angel a nakisarita caniac kinunana caniac, Ipamatmatconto kenca no aniada dagitoy.

10Ket ti lalaki a sitatacder iti tengnga dagiti caycayo nga arrayan simmungbat ket kinunana, Dagitoy isuda dagiti imbaon ni Jehova tapno magnada nga agsursur iti nagtengngaan ti lubong.

11Ket isuda simmungbatda iti angel ni Jehova nga agtatacder iti nagtengngaan dagiti caycayo nga arrayan, ket kinunada, Dacami sinursurmi ti nagtengngaan ti lubong, ket, adtoy, a ti amin a lubong adda a sitatalna ken siinana,

12Idin ti angel ni Jehova simmungbat ket kinunana, O Jehova dagiti buybuyot, Hab. 2:6. Apoc. 6:10.casano ti cabayag ti kinaawanto ti panangngaasim iti Jerusalem, ken cadagiti il-ili ti Juda, a Mal. 1:4.maibusor cadagidiay nagpungtotam Jer. 25:11. Zac. 7:5.iti pitopulo a tawen?

13Ket ni Jehova simmungbat idi iti angel a nakisarita caniac babaen Jer. 29:10.cadagiti naimnas a sasao, macaliwliwada met laeng a sasao.

14Iti casta ti angel a nakisarita caniac kinunana caniac, Agpuccawca ala, a cunam, Castoy ti cuna ni Jehova dagiti buybuyot: Joel 2:18. Zac. 8:2.Siac naimonac maipuon iti Jerusalem ken iti Sion iti dackel nga imon.

15Ket malucsaoac unay cadagiti nasnacion nga addada a sinanamay; ta Isa. 47:6.siac naglucsaoac iti bassit laeng, ket pinadackelda ti ladingit.

16Gapuna castoy ti cuna ni Jehova; Nagsubliac a mangngaasi iti Jerusalem; ti Esd. 6:14, 15. Zac. 4:9.balayco mabangonto kencuana, cuna ni Jehova dagiti buybuyot, ket Jer. 31:39. Eze. 47:3.maysa a paltic mayunnatto iti rabaw ti Jerusalem.

17Agpuccawca manen, a cunaem, Castoy ti cuna ni Jehova dagiti buybuyot: Dagiti il-ilic aglaplapunusandanto manen iti kinarang-ay, Isa. 51:3.ket ni Jehova liwliwaennanto manen ti Zion, ken Zac. 2:12.piliennanto manen ti Jerusalem.

18Ket intangadco dagiti matac, ket kimmitaac, ket, adtoy, dagiti Dan. 8:3, 8, 21.uppat a sara.

19Ket kinunac iti bil. 9.angel a nakisarita caniac, Aniada dagitoy? Ket isu simmungbat caniac, 1 Ar. 22:11.Dagitoy isuda dagiti sara a nangiwarawara ken Juda, ken Israel, ken Jerusalem.

20Ket ni Jehova imparangna caniac dagiti uppat a mammanday.

21Idin kinunac, Ania ti umay aramiden dagitoy? Ket isu nagsao, a cunana, Dagitoy isuda dagiti sara a nangiwara ken Juda, iti casta awan ti tao a nangitungangaw iti olona; ngem dagitoy umayda tapno mangigtot cadacuada ken mangipadso cadagiti sara dagiti nasnacion, a Sal. 75:4, 5.nangitungangaw iti sarada a maibusor iti daga ti Juda tapno isu warawaraenda.