JEREMIAS 35 - Ilokano Form-Based Bible: Ti Biblia (1973)

Dagiti Recabitas madida nga uminum iti arac. Ti Juda mababalaw gapu iti kinaregget dagiti Recabitas.

1Ti sao a dimteng ken Jeremias a naggapu ken Jehova Jer. 25:1.cadagiti al-aldaw ni Joakim, nga anac ni Josias, nga ari ti Juda, a kinunana,

2Inca iti balay dagiti 1 Cron. 2:55.Recabitas, ket agsaoca cadacuada, ket iyegmo ida iti balay ni Jehova, iti maysa 1 Cron. 9:26, 33. 2 Cron. 31:11. Jer. 36:10.cadagiti siled, ket iccam ida iti arac nga inumen.

3Iti casta innalac ni Jaazanias nga anac ni Jeremias nga anac ni Habasinias, ken dagiti cacabsatna, ken dagiti amin nga annacna a lallaki ken ti amin a sangacabbalayan dagiti Recabitas;

4Ket insangpetco ida iti balay ni Jehova iti siled dagiti annac a lallaki ni Hanan nga anac a lalaki ni Igdalias, a Deut. 33:1. Oc. 13:6.tao ti Dios, nga adda idi iti abay ti siled dagiti piprincipe, nga adda iti ngato ti siled ni Jer. 21:1; 29:25.Maasias nga anac ni Sallum, nga 2 Ar. 12:9; 25:18. Jer. 52:24.agaywan iti dapian.

5Ket incabilco iti sango dagiti annac a lallaki a sangacabbalayan dagiti Recabitas dagiti malucong a napno iti arac, ken dagiti copa, ket kinunac cadacuada, Uminumcayo iti arac.

6Ngem isuda kinunada, Dicamto uminum iti arac; ta ni 2 Ar. 10:15, 23.Jonadab nga anac ni Recab nga amami binilinnacami, a kinunana, Dicayto uminum iti arac, dacayo wenno dagiti annacyo iti agnanayon;

7Dicayo met bangonen ti balay, wenno agumula iti bin-i, wenno agmula iti cauvasan, wenno tagicuaenyo iti aniaman cadacuada; no di ket cadagiti amin nga al-aldawyo agnaedcayto cadagiti tolda; Ex. 20:12. Efe. 6:2, 3.tapno agtaengcayo cadagiti adu nga al-aldaw iti daga a pagyananyo,

8Ket nagtulnogcami iti timec ni Jonadab nga anac ni Recab nga amami iti amin nga imbilinna cadacami, iti di panaginum iti arac cadagiti amin nga aldawmi, dacami, dagiti assawami, dagiti annacmi a lallaki wenno annacmi a babbai;

9Ken ti di met panangbangon cadagiti balbalay a maipaay a pagnaedanmi; awan met cadacami ti cauvasan, wenno talon, wenno bin-i:

10No di ket nagnaedcami cadagiti toltolda, ket tinungpalmi, ket inaramidmi a maiyalubog iti amin nga imbilin cadacami ni Jonadab nga amami.

11Ngem naaramid idi 2 Ar. 24:1. Jer. 46:2.a ni Nabucodonosor nga ari ti Babilonia simmang-at iti daga, kinunami, Umaycayo, ket intayo sadi Jerusalem, a maipuon iti buteng iti buyot dagiti 2 Ar. 24:2.Caldeos ken maipuon iti buteng iti buyot dagiti Sirios; iti casta agnaedcami ditoy Jerusalem.

12Idin dimteng ti sao ni Jehova ken Jeremias, a kinunana,

13Castoy ti cuna ni Jehova dagiti buybuyot, a Dios ti Israel: Inca, ket saoem cadagiti lallaki ti Juda, ken cadagiti agnaed sadi Jerusalem, Dicayto umawat aya iti pannacasursuro tapno ipangagyo dagiti sasaoc? cuna ni Jehova.

14Dagiti sasao ni Jonadab nga anac ni Recab, nga imbilinna cadagiti annacna a lallaki, iti dida panaginum iti arac, matungpalda; ket inggana itoy nga aldaw dida inumen a pulos, ta tungpalenda ti bilin ni amada. Ngem siac nagsaoac cadacayo, a bumangonac iti masapa ket agsaoac; ket dacayo saandac nga impangag.

15Imbaonco met cadacayo dagiti amin nga adipenco, dagiti mammadto, a bumangonac iti masapa ket ibaonco ida, a kinunac, 2 Ar. 17:13.Tumallicudcayo ita tunggal lalaki iti dakes a dalanna, ket pasayaatenyo dagiti aramidyo, ket dicayo sumurot cadagiti sabali a diosen tapno agservi cadacuada, ket agtaengcayto iti daga nga intedco cadacayo ken cadagiti ammayo: ngem Jer. 34:14.dicay inyallingag ti lapayagyo, didac met impangag.

16Agsipud ta dagiti annac ni Jonadab nga anac ni Recab tinungpalda ti bilin ni amada nga imbilinna cadacuada, ngem daytoy nga ili saannac nga impangag;

17Gapuna a castoy ti cuna ni Jehova, a Dios dagiti buybuyot, a Dios ti Israel: Adtoy, iyegconto iti Juda ken cadagiti amin nga agnaed sadi Jerusalem amin a kinadakes nga imbalicasco a maibusor cadacuada; agsipud ta nagsaoac cadacuada, ngem saanda a nangngeg; ket inayabac ida, ngem dida simmungbat.

18Ket ni Jeremias kinunana iti sangacabbalayan dagiti Recabitas, Castoy ti cuna ni Jehova dagiti buybuyot, a Dios ti Israel: Agsipud ta tinungpalyo ti bilin ni Jonadab nga amayo, ket sinalimetmetanyo dagiti impaalagadna, ket inaramidyo ti mayannurot iti amin nga imbilinna cadacayo.

19Gapuna a cuna ni Jehova dagiti buybuyot, a Dios ti Israel: ni Jer. 33:17.Jonadab nga anac ni Recab dinto agcurang iti maysa a lalaki nga Jer. 15:19.agtacder iti saclangco iti agnanayon.