II CRONICAS 10 - Ilokano Form-Based Bible: Ti Biblia (1973)

Ni Roboam agari; surotenna ti dakes a patigmaan. Ti yaalsa ti Israel.

1Ket ni Roboam Aginga bil. 11:4. 1 Ar. 12:1-24.napan sadi Sikem: ta amin nga Israel napan sadi Sikem tapno isu ti aramidenda nga ari.

2Ket naaramid, idi a ni Jeroboam nga anac ni Nabat nadamagna (ta isu adda pay la sadi Egipto, 1 Ar. 11:40.isu a nagtarayanna idi a naggapu iti sango ni ari Salomon), a ni Jeroboam nagsubli a naggapu sadi Egipto.

3Ket isuda nagbaonda ken isu ti inayabanda; ket ni Jeroboam ken ti amin a gimong ti Israel napanda, ket nagsaoda ken Roboam, a kinunada,

4Ni amam inaramidna ti sangolmi a nadagsen: ita ngarud aramidem a nalaglagan ti nadagsen a panagservi ken amam, ken ti nabantut a sangol isu nga insangolna cadacami, ket dacami agservicamto kenca.

5Ket isu kinunana cadacuada, Umaycayo manen caniac calpasan dagiti tallo nga aldaw. Ket dagiti umili pimmanawda.

6Ket ni ari Roboam nakiuman cadagiti lallacay a nagtacder iti sango ni Salomon nga amana idi a sabibiag pay laeng, a kinunana, Ania a patigmaan ti itedyo caniac tapno maited a sungbat iti daytoy nga umili?

7Ket isuda nagsaoda kencuana, a kinunada, No sica naimbagca iti daytoy nga umili, ket ay-aywem ida, ket agsaoca cadagiti naimbag a sasao cadacuada, iti casta isudanto ti adipenmo nga agnanayon.

8Ngem isu binay-anna ti patigmaan dagiti lallacay isu nga intedda kencuana, ket nakiuman cadagiti agtutubo a lallaki isuda a dimmackel a caduana, isuda a nagtacder iti sangona.

9Ket isu kinunana cadacuada, Ania a patigmaan ti itedyo, tapno isublitayo ti sungbat iti daytoy nga umili, isu a nagsao caniac a kinunana, Aramidem a nalaglagan ti sangol isu a ni amam insangolna cadacami?

10Ket dagiti agtutubo a lallaki isuda a dimmackel a caduana nagsaoda kencuana, a kinunada, Castoy ti cunaem itoy nga umili a nagsao kenca, a kinunana, Ni amam inaramidna ti sangolmi a nabantut, ngem isu ti aramidem a nalaglagan a maipaay cadacami; castoy ti masaomto cadacuada, Ti kikitco napuspuscol ngem dagiti lomo ni amac.

11Ket nupay ni amac pinarabawannacayo iti maysa a nadagsen a sangol, siac nayonacto ti sangolyo; ni amac sinaplitnacayo cadagiti pagbaot, ngem saplitencayto cadagiti manggagama.

12Iti casta ni Jeroboam ken ti amin nga umili napanda ken Roboam iti maicatlo nga aldaw, a cas imbilin ti ari a kinunana, Umaycayo caniac manen iti maicatlo nga aldaw.

13Ket ti ari simmungbat cadacuada iti nagubsang unay; ket ni ari Roboam binay-anna ti patigmaan dagiti lallacay,

14Ket sinaona cadacuada ti cas ti patigmaan dagiti agtutubo a lallaki, a kinunana, Ni amac inaramidna ti sangolyo a nadagsen, ngem siac nayonacto ti sangolyo: ni amac sinaplitnacayo cadagiti pagbaot, ngem siac saplitencayto cadagiti manggagama.

15Iti casta ti ari dina impangag ti umili, ta isu ti maysa a banag a gapu iti Dios, tapno ni Jehova mapasingkedanna ti saona, 1 Ar. 11:29.isu a sinaona iti pannacaaramat ni Aias a Silonita ken ni Jeroboam nga anac ni Nabat.

16Ket idi naimatangan ti amin nga Israel a ti ari dina impangag ida, ti umili simmungbat iti ari, a kinunana, Ania ti bagimi ken David? awan met ti tawidmi iti anac ni Jesse: tunggal lalaki cadagiti toldayo, O Israel: ita kitaem ti bucodmo a balay, David. Iti casta ti Israel napan cadagiti toldada.

17Ngem iti maipaay cadagiti annac ti Israel nga agnaed cadagiti il-ili ti Juda, ni Roboam nagari cadacuada.

18Idi a casta ni ari Roboam imbaonna ni 1 Ar. 4:6.Adoram, isu a ngatoen dagiti lallaki a mapulong; ket dagiti annac ti Israel isu ti inuborda a pinatay cadagiti batbato. Ket ni ari Roboam nagdardaras a limmugan iti luganna, tapno agtaray a mapan sadi Jerusalem.

19Iti casta ti Israel immalsa a maibusor iti balay ni David inggana itoy nga aldaw.