ECLESIASTES 2 - Ilokano Form-Based Bible: Ti Biblia (1973)

Ti kinabarengbareng ti pannacaammo, ragsac, cucua, kinasirib, ken panagbannog.

1 Luc. 12:19. Kinunac iti pusoc, Umayca ita, padasencanto babaen ti panagragsac; gapuna nga agrag-oca iti ragsac: ket, adtoy, daytoy met kinabarengbareng.

2Iti panagcatawa, kinunac, kinamauyong; ken iti kinaragsac, Ania ti aramidenna?

3Siac sinukimatco itoy pusoc no casano ti panangparagsac ti arac iti lasagco, ti puso pay laeng a Ecle. 1:17.mangidalan caniac a sisisirib, ken no casano ti panangpetpetco iti kinamaag, agingga, iti makitac coma idi no ania ti naimbag a maipaay cadagiti annac dagiti tattao tapno aramidenda coma iti baba ti langit iti amin nga al-aldaw ti biagda.

4Inaramidco a maipaay caniac dagiti dadackel nga ar-aramid; 1 Ar. 7:1-12.nangbangonac cadagiti balbalayco; nagmulaac cadagiti cauvasac;

5Inaramidco dagiti minuyongac ken plaza, ket nagimulaac cadagiti caycayo cadacuada iti amin a kita dagiti bungbunga;

6Nagaramidac cadagiti tangtangke ti danum, tapno mangpadanum iti bakir a nacapatubuan dagiti caycayo,

7 Gen. 14:14. Gimmatangac cadagiti ad-adipen a lallaki ken babbai, ket addaanac idi cadagiti ad-adipen a nayanac idiay balayco; casta met nga addaanac cadagiti dacdakel a sanicua nga ararban ken pangpangen, a nangnangrona ngem cadagiti amin nga immununa ngem siac idiay Jerusalem;

8 1 Ar. 9:28; 10:10, 14, 21. Nagurnongac met iti pirac ken balitoc, ken ti gameng dagiti ar-ari ken dagiti 1 Ar. 20:14.provincia; gimmun-odac cadagiti cumacanta a lallaki ken babbai, ken dagiti ragrag-o dagiti annac dagiti tattao, gamgamigam ti musica, nga amin a kita.

9Iti casta dackelac idi, ken rimmang-ayac a nangnangrona ngem cadagiti amin nga immununa ngem siac idiay Jerusalem; casta met ti siribco bil. 3.nagtaeng caniac.

10Ket aniaman a kinalicaguman dagiti matac diac impaidam cadacuada; Ecle. 3:22; 5:18; 9:9.diac insina ti pusoc iti aniaman a rag-o, ta ti pusoc nagrag-o gapu iti amin nga ar-aramidco; ket daytoy isu idi ti biangco iti amin nga aramidco.

11Idin kinitac dagiti amin nga ar-aramid a pinataud dagiti im-imac ken ti aramid a nagbannogac nga inaramid; ket, adtoy Ecle. 1:14.isuda-amin barengbarengda ken maysa a panagagawa iti angin, ket awan idi ti Ecle. 1:3.gunguna iti baba ti init.

12Ket timmaliawac a mangkita iti sirib, ken iti Ecle. 1:17.kinamauyong, ken iti kinamaag: ta ania ti maaramid ti tao a sumaganad iti ari? daydiay naaramid idi nabayagen a tiempo.

13Idin nakitac a ti sirib ringbawanna ti kinamaag, a cas iti lawag ringbawanna ti sipnget.

14 Prov. 17:24. Dagiti mata ti masirib a tao addada idiay olona, ket ti maag magna iti kinasingpet: ket nupay casta nasaripatpatac a Sal. 49:10.maysa a banag napasamac cadacuada amin.

15Idin kinunac iti pusoc, cas mapasamac iti maag, casta met laeng ti mapasamacto caniac; ket apayapay ngarud a Ecle. 6:8, 11; 7:11, 16; 12:9, 12.nasirsiribac? Idin kinunac iti pusoc, daytoy kinabarengbareng met.

16Ta ti masirib a tao, cas met laeng iti maag, awan ti pannacalagip iti agnanayon; idinto a cadagiti al-aldaw a mapasungad isuda amin malipatandanto unayen. Ket anian ti pannacatay ti masirib a cas met laeng ti maag!

17Iti casta ginurac ti biag, agsipud ta ti aramid a maaramid iti baba ti init nadagsen caniac; ta barengbarengda amin Ecle. 1:14.ken maysa a panagagawa iti angin.

18Ket ginurac amin ti aramidco isu a nagbannogac iti baba ti init, gapu ta maipapilit nga ibatic iti tao a sumaganad caniac.

19 Sal. 39:6. Ket asino ti macaammo no isunto ti maysa a masirib a tao wenno maag? nupay agturayto iti amin nga aramidco a nagbannogac idi, ket isu ti nangiparangac idi ti kinasiribco iti baba ti init. Daytoy kinaubbaw met.

20Gapuna a nagbaw-ingac tapno maupay toy pusoc maipapan iti amin nga aramid a nagbannogac iti baba ti init.

21Ta adda maysa a tao a ti aramidna mapacuyugan iti sirib, ken iti pannacaammo, ken kinalaing; nupay casta iti maysa a tao nga awan banbannogna iti daydiay isu ti pagbatianna nga agtagicua. Daytoy met isu ti kinaubbaw ken naindacsan.

22 Ecle. 1:3. Ta ania ti maadda iti tao iti amin a bannogna, ken iti panagagawa ti pusona, a nagbannoganna iti baba ti init?

23Ta amin dagiti al-aldawna isuda Job 14:1.dagiti ladladingit laeng, ket ti ut-utna isu ti liday; wen, uray iti rabii saan a macainana ti pusona. Daytoy kinaubbaw met.

24 Ecle. 3:12, 13, 22; 5:18; 8:15. Luc. 12:19. 1 Cor. 15:32. Awan sabali a naimimbag nga agpaay iti tao ngem iti macanna coma ken mainumna, ken iti panangparag-ona iti cararuana iti kinaimbag ti nagbannoganna. Daytoy met nakitac, a naggapu iti ima ti Dios.

25Ta asino ti macabalin a mangan, wenno addaan panagrag-o nga ad-adda ngem siac?

26Ta iti tao a macaay-ayo kencuana iccan ti Dios ti sirib, ken pannacaammo, ken rag-o; ngem iti managbasol isu iccanna iti panagbannog, tapno agurnong ken gabsuonenna, Job 27:16-17.tapno ipaayna coma iti macaay-ayo iti Dios. Daytoy kinabarengbareng met ken maysa a panagagawa iti angin.