1Idin simmungbat ni Sofar a Naamatita ket kinunana,
2Ti caadu dagiti sasao di aya masungbatan? Ket ti tao a mannanao mapalinteg aya?
3Dagiti pasindayawmo pagtalnaenda aya dagiti tao? Ket no mangrabrabacca, awan aya ti tao a mangbabain kenca?
4Ta cunaem, Ti pannursuroc nadalus, ken nadalusac cadagita matam, napalongdo a lalaki isu ti maysa a catcatawaan.
5Ngem; O sapay coma ta agsao ti Dios, ken luctanna dagiti bibigna a maibusor kenca,
6Ket iparangarangna coma kenca dagiti palimed ti kinasiribna? Ta isu nawadwad iti panagawat, ammoem ngarud a ti Dios sapulenna kenca ti basbassit ngem iti cabatogan ta kinadangkesmo.
7 Sal. 139:6-10. Gapu iti panangbukibuc masaracam aya iti Dios? Masaracam aya a Job 26:10; 28:3.naan-anay ti Mannacabalin?
8Nangato a cas langit; ania ti mabalinmo nga aramidem? Naun-uneg ngem ni Tanem, ania ti mabalinmo nga ammoen?
9Ti rucodna at-atiddag ngem iti daga, ken ac-acaba ngem iti taaw.
10No lumabas, Lev. 13:4.ken mangpunit, ken umayab iti panangocom, asino ngarud ti macalapped kencuana?
11Ta ammona dagiti Sal. 26:4.tattao a naballicog: kitaenna met ti kinadangkes, nupay no isu dina otoben.
12Ngem ti tao nga Sal. 73:22.ubbaw awan ti pannacaawatna; wen, ti tao mayanac a cas la urbon ti asno nga atap.
13No paglintegem ta pusom, ken dagita imam yunnatmo kencuana;
14No adda kinadangkes ita imam, isu ti yadayum, ket dica palubosan nga agnaed ti kinakillo cadagita toldam.
15 Job 22:26. Pudno ngarud nga itangadmo ta rupam nga awan mulitna; wen, natibkercanto, ket dicanto agbuteng:
16Ta malipatamto ti kinaay-ay-aymo; Isa. 65:16.isu ti malagipmonto a cas dandanum a naglabasen.
17Ket ta biagmo nalawlawagto ngem iti matoon: nupay adda kinasipnget, caslanto iti agsapa.
18Ket natalgedcanto, agsipud ta adda inanama; wen, sica cumitacanto iti sibaymo, ket aginanacanto a sitatalged.
19 Isa. 17:2. Sof. 3:13. Casta met nga agiddacanto, ket awanto ti mamagbuteng kenca; wen, adunto ti agararaw Sal. 45:12.kenca.
20Ngem dagiti Job 17:5; 31:16.mata dagiti nadangcoc agawanto, ket awanto ti dalan a pagtarayanda; ket ti inanamada isunto ti panangyawatda iti cararuada.
Who We AreWhat We EelieveWhat We Do
2025 by iamachristian.org,Inc All rights reserved.
