I CRONICAS 4 - Ilokano Form-Based Bible: Ti Biblia (1973)

Dagiti caputotan da Juda ken Simeon.

1Dagiti annac a lallaki ni Juda: da Fares, Hesron, ken Carmi, Hur, ken Sobal.

2Ket ni Reaias nga anac a lalaki ni Sobal pinutotna ni Jaat; ket ni Jaat pinutotna da Ahumai ken Laad. Dagitoy isuda dagiti famfamilia dagiti Saratitas.

3Ket dagitoy isuda dagiti annac a lallaki ti ama ni Etam: da Jezreel, Isma, ken Ibdar; ket ti nagan ti cabsatda a babai Haslelponi;

4Ken ni Penuel nga ama ni Gedor, ken ni Ezer nga ama ni Husa. Dagitoy isuda dagiti annac a lallaki ni Hur 1 Cron. 2:50.nga inaunaan nga anac ni Efrata, nga ama ni Bet-lehem.

5Ket ni Asur nga ama ni Tecoa addaan idi cadagiti dua nga assawa, da Helea ken Naara.

6Ket ni Naara impasngayna kencuana da Auzam, Hefer, Temani, ken Ahastari. Dagitoy isuda dagiti annac a lallaki ni Naara.

7Ket dagiti annac a lallaki ni Helea isuda da Seret, Jesoar, ken Etnan.

8Ket ni Cos pinutotna da Anob, ken Sobeba, ken dagiti famfamilia ni Aharhel, nga anac a lalaki ni Arum.

9Ket ni Jabes natantan-oc idi ngem cadagiti cacabsatna a lallaki: ket ingalad ni inana ti naganna a Jabes, a kinunana, Agsipud ta impasngayco a binuyog ti ladingit.

10Ket ni Jabes inawaganna ti Dios ti Israel, a kinunana, O bendicionannac coma a pudno, ken palawaem ti beddengco, ket ta imam adda coma caniac, ket igaganac coma iti dakes, tapno di agtaeng ti ladingitco! Ket ti Dios intedna kencuana ti dinawatna.

11Ket ni Caleb a cabsat ni Sua pinutotna ni Mahir, nga ama ni Esthon.

12Ket ni Esthon pinutotna da Beth-rafa, ken Fasea, ken Tehinna nga ama ni Ir-naas. Dagitoy isuda dagiti lallaki ni Reca.

13Ket dagiti annac a lallaki ni Cenez: da Othniel, ken Saralah. Ket dagiti annac a lallaki ni Otniel: ni Hatat.

14Ket ni Maonati pinutotna ni Ofra: ket ni Saraia pinutotna ni Joab nga ama ni Ge-harasim: agsipud ta isuda dagiti nalaing nga agar-aramid.

15Ket dagiti annac a lallaki ni Caleb nga anac ni Jefone: da Iru, Ela, ken Naham; ken dagiti annac a lallaki ni Ela; ken Cenez.

16Ket dagiti annac a lallaki ni Jaleleel: da Zif, ken Zifas, Tirias, ken Asareel.

17Ket dagiti annac a lallaki ni Ezra: da Jeter, Mered, Efer, ken Jalon; ket isu impasngayna da Miriam, ken Sammai, ken Isba nga ama ni Estemoa.

18Ket ni asawana a Judaia impasngayna da Jered nga ama ni Gedor, ken Heber nga ama ni Soco, ken Icutiel nga ama ni Zanoa. Ket dagitoy isuda dagit annac a lallaki ni Betia nga anac a babai ni Faraon, nga innala ni Mered.

19Ket dagiti annac a lallaki ti babai nga asawa ni Odias, cabsat a babai ni Naham isu ti ama da Keila a Garmita, ken Estemoa a Maacatita.

20Ket dagiti annac a lallaki ni Simon: da Amnon, ken Rinna, Benhanan, ken Tilon. Ket dagiti annac a lallaki ni Isi: da Zohet, ken Benzohet.

21Dagiti annac a lallaki ni Sela nga anac a lalaki ni Juda: da Er nga ama ni Lecha, ken ni Laada nga ama ni Maresa, ken dagiti famfamilia ti caputotan dagiti agar-aramid ti lienzo a nalapat, ti caputotan ni Asbea;

22Ken ni Joacim, ken dagiti lallaki ti Cozeba, ken da Joas, ken Saraf, isu a nagturay iti Moab, ken Jasubi-lehem. Ket dagiti sasao cadaananda.

23Dagitoy isuda idi dagiti agdamdamili, ken dagiti agnaed iti Netaim ken iti Gedera: nakipagnaedda idiay iti ari a gapu iti aramidna.

24Dagiti annac a lallaki ni Simeon: da Nemuel, Jamin, Jarib, Zera, ken Saul;

25Ni Sallum anacna a lalaki, ni Mibsam anacna a lalaki, ni Misma anacna a lalaki.

26Ket dagiti annac a lallaki ni Misma: ni Hamuel anacna a lalaki, ni Zacur anacna a lalaki, ni Simi anacna a lalaki.

27Ket ni Simi addaan idi iti sangapulo ket innem nga annac a lallaki ken innem nga annac a babbai; ngem dagiti cacabsatna awananda idi iti adu nga annac, uray dagiti amin a familia saanda nga immadu a cas cadagiti annac ni Juda.

28 Aginga bil. 33. Jos. 19:2-8. Ket nagnaedda idiay Beer-seba, ken Molada, ken Hasar-sual,

29Ken idiay Bala, idiay Esem, ken idiay Tolad,

30Ken idiay Betuel, idiay Horma, ken idiay Siclag,

31Ken idiay Bet-marcabot, ken Hasasusim, idiay Bet-birai, ken idiay Saaraim. Dagitoy isuda idi dagiti il-ilida agingga iti panagari ni David.

32Ket dagiti purpurocda ti Etam, ken ti Ain, ti Rimmon, ken ti Tocen, ken ti Asan, lima nga il-ili;

33Ken amin dagiti purpurocda a nailicmut cadagitoy met laeng nga il-ili, agingga iti Baal. Dagitoy idi dagiti pagtaenganda, ket sinalimetmetanda ti capoonanda.

34Ken da Mesobab, Jamlec, ken Josias nga anac a lalaki ni Amasias,

35Ken Joel, ken Jehu nga anac a lalaki ni Josibias, nga anac a lalaki ni Saraiah, nga anac a lalaki ni Aziel,

36Ken Elioenai, Jacoba, ken Jesohaia, Asaias, Adiel, ken Jesimiel, ken Benaias,

37Ken Ziza nga anac a lalaki ni Sifi, nga anac a lalaki ni Allon, nga anac a lalaki ni Jedaia, nga anac a lalaki ni Simri, nga anac a lalaki ni Semaias.

38Dagitoy a nainaganan isuda idi dagiti pangpangoloen dagiti famfamiliada: ket dagiti balbalay dagiti ammada immaduda iti casta unay.

39Ket napanda agingga iti wangawangan ti Gador, iti bangir nga akindaya ti lobong, nga agsapul iti pagpaaraban a maipaay cadagiti arbanda.

40Ket nacasaracda iti naraber a pagpaaraban ken naimbag, ket ti daga nalawa idi, ken namayengmeng, ken natalna; ta dagidi nagnaed idiay idi unana a tiempo isuda dagiti nagtaud ken Cam.

41Ket dagitoy a naisurat iti naganda immayda cadagidi al-aldaw ni Ezekias nga ari ti Juda, ket kinabilda dagiti toltoldada, ken ti Meunim a nasaracan idi sadiay, ket tinalipupusda a dinadael agpapan ita nga aldaw, ket nagnaedda idiay iti saadda; agsipud ta adda idiay idi pagpaaraban a maipaay cadagiti arbanda.

42Ket ti dadduma cadacuada, cadagiti met laeng annac a lallaki ni Simeon, a limagasutda a lallaki, napanda idiay Gen. 36:8.bantay Seir, a dagiti capitanda da Pelatia, Nearias, Refaias, ken Uzziel, nga annac a lallaki ni Isi.

43Ket kinabilda ti natda cadagiti Amalecitas a nagtalaw, ket nagnaedda idiay agpapan ita nga aldaw.