EZEQUIEL 32 - Ilokano Form-Based Bible: Ti Biblia (1973)

Ti panagunnoy maipuon ken Faraon. Dagiti taga Egipto agraman dagiti sabali a nasnacion idiay Tanem.

1Ket naaramid idi maicapul-lo ket dua a tawen, iti maicapul-lo ket dua a bulan, iti umuna nga aldaw ti bulan, a ti sao ni Jehova dimteng caniac, a kinunana,

2Anac ti tao, agunnoyca maipuon ken ni Faraon nga ari ti Egipto, ket cunaem kencuana, Sica naiyaspingca iti maysa a Eze. 19:3, 5, 6; 38:13.urbon a leon dagiti nasnacion; nupay casta sica casca la maysa nga Eze. 29:3.olimaw cadagiti baybay; ket rimmuarca cadagiti carayanmo, ket kiniburmo dagiti dandanum iti sacam, ket linibegmo dagiti carcarayanda.

3Castoy ti cuna ni Apo Jehova: Eze. 12:13.yucradconto ti iketco kenca agraman ti bonggoy ti adu nga il-ili; ket isang-atdacanto iti iketco.

4Ket Eze. 29:5.ibaticanto iti daga, ibellengcanto iti nalawa a tay-ac, ket amin dagiti tumatayab ti langit Eze. 31:13.pagbatayecto kenca, ket dagiti an-animal iti amin a daga pagpennekecto ida kenca.

5Ket icabilconto ti lasagmo iti Eze. 31:12.rabaw dagiti banbantay ket punnoecto dagiti lobong iti kinatayagmo.

6Sibugacto met iti daram ti daga a naglangoyam, agingga cadagiti banbantay, ket dagiti pagayusan ti danum mapnodanto kenca.

7Ket intono iddepenca Mat. 24:29.abbongacto dagiti langlangit, ket pasipngetecto dagiti bitbitwenna; abbongacto ti init iti ulep, ket ti bulan dinto aglawag.

8Amin dagiti naraniag a silsilaw ti langit pasipngetecto iti ngatom, ket icabilconto ti sipnget iti dagam, cuna ni Apo Jehova.

9Siac riribukecto met dagiti puspuso dagiti adu nga il-ili, intono yegco ti pannacarbecmo iti nagtengngaan dagiti nasnacion, cadagiti dagdaga a dica naammoan.

10Wen, pagsiddaawecto dagiti adu nga il-ili maipuon kenca, ket Eze. 27:35.dagiti ar-arida agbutengdanto a napalalo maipuon kenca, intono pagkilapec ti campilanco iti sangoananda; ket isuda Eze. 26:16.agkintayegdanto iti tunggal canito, tunggal tao gapu iti bucodna a biag, iti aldaw a pannacatuangmo.

11Ta Jer. 46:26. Eze. 14:17; 29:8, 19.castoy ti cuna ni Apo Jehova: Ti campilan ti ari ti Babilonia umayto kenca.

12Babaen cadagiti campilan dagiti nabileg ipasagconto ti umariwecwecmo; Eze. 28:7.amin dagidiay pagbutngan dagiti nasnacion: ket paawanendanto iti kinatangsit ti Egipto, ket amin dagiti umariwecwecna marbecdanto.

13Dadaelecto met amin dagiti an-animalna manipud iti denna dagiti adu a dandanum; ti saca ti tao saannanton met a kiburen ida, ket dagiti cuco dagiti an-animal saandanto metten ida a kiburen.

14Calpasanna paglitnawec dagiti danumda, ket pagayusecto dagiti carayanda a cas lana, cuna ni Apo Jehova.

15Intono aramidec ti daga ti Egipto a langalang ken let-ang, daga a naiccaten ti kinapunnona, intono cabilec amin dagiti agnaed kencuana, Ex. 7:5. Eze. 6:7.mabigbigdanto a siac ni Jehova.

16Daytoy ti unnoy a pagunnoydanto; bil. 18.dagiti annac a babbai dagiti nasnacion pagunnoydanto daytoy; iti Egipto, ken iti Eze. 31:2.amin nga umariwecwecna, pagunnoydanto daytoy, cuna ni Apo Jehova.

17Naaramid met idi maicapul-lo ket dua a tawen, idi maicapul-lo ket lima nga aldaw ti bulan, a ti sao ni Jehova dimteng caniac, a kinunana,

18Anac ti tao, agdung-awca a maipaay iti umariwecwec ti Egipto, ket ipurruacmo ida, isu met laeng ken dagiti annac a babbai dagiti agdindinamag a nasnacion, agingga cadagiti Eze. 31:14.nababa a paspaset ti daga, agraman cadagidiay bumaba iti dariwangwang.

19 Eze. 31:2, 18. Asino ti artapam iti pintas? bumabaca, ket makicaiddaca Eze. 28:10.cadagiti saan a nacugit.

20Isuda mapasagdanto iti tengnga dagidiay a napapatay iti campilan: isu mayawat iti campilan; isu iruaryo ken amin ti umariwecwecna.

21Ti napigsa cadagiti mannacabalin Isa. 14:9, 10.agsaonto kencuana manipud iti tengnga ti Tanem agraman cadagidiay tumulong kencuana: bimmabadan, agiddada a sitatalna, dagiti met laeng saan a nacugit, napapatay iti campilan.

22Ti Asiria adda idiay ken amin a bonggoyna; dagiti tanemna addada iti licmutna; isuda amin napapatayda, napasagda babbaen ti campilan;

23A dagiti tanemda Isa. 14:15.addada iti caunegan a paspaset ti dariwangwang, ket ti bonggoyna adda iti aglicmut ti tanemna; isuda amin napapatayda; napasagda iti campilan, isuda ti namagbuteng iti daga dagiti sibibiag.

24Adda idiay ti Jer. 49:34-39.Elam ken amin dagiti umariwecwecna iti aglicmut ti tanemna; isuda amin napapatayda, napasagda iti campilan, isuda a bimmaba a saan a nacugit cadagiti nababa a paspaset ti daga, isuda ti nangpataud iti panagbuteng iti daga dagiti sibibiag, ket inawitda ti bainda agraman cadagidiay bumaba iti dariwangwang.

25Isu incabilanda iti pagiddaanna iti tengnga dagiti napapatay agraman dagiti amin nga umariwecwecna: dagiti tanemna addada amin iti licmutna; isuda amin saanda a nacugit, napapatayda iti campilan; ta isuda ti nangpataud iti panagbuteng idiay daga dagiti sibibiag, ket inawitda ti bainda agraman cadagidiay bumaba iti dariwangwang: isu naicabil iti tengnga dagidiay a napapatay.

26Adda idiay ti Eze. 21:13.Mesec, Tubal, ken amin dagiti umariwecwecda; dagiti tantanemda addada iti aglicmut cadacuada; isuda amin saanda a nacugit, napapatayda iti campilan; ta isuda ti nangpataud iti panagbuteng iti daga dagiti sibibiag.

27Ket isuda saandanto a makicaidda cadagiti Isa. 14:18, 19.nabileg a napasag cadagiti saan a nacugit, a bimmaba idiay Tanem agraman dagiti igam ti gubat, ket indissoda dagiti campilanda iti baba dagiti oloda, ket dagiti kinadakesda addada iti rabaw dagiti tultulangda; ta isuda idi ti pagbutngan dagiti nabileg iti daga dagiti sibibiag.

28Ngem sica matucculcanto iti tengnga dagiti saan a nacugit, ket makicaiddacanto cadagidiay a napapatay iti campilan.

29Adda idiay ti Eze. 25:12.Edom, dagiti ar-arina ken amin dagiti principena, isuda agraman kinabilegda naicaidda cadagidiay napapatay iti campilan; makicaiddadanto cadagiti saan a nacugit, ken cadagidiay bumaba iti dariwangwang.

30Adda idiay dagiti principes ti Eze. 38:6, 15; 39:2.amianan, isuda amin, ken amin dagiti Eze. 28:21.Sidonios, isuda a bimmaba agraman cadagiti napapatay; iti panagbuteng a pinataud ti kinabilegda maibabainda; ket makicaiddada a saan a nacugit cadagidiay napapatay ti campilan, ket awitenda ti bainda agraman cadagidiay bumaba iti dariwangwang.

31Ni Faraon makitananto ida, ket Eze. 31:16.maliwliwanto cadagiti amin nga umariwecwecna, ni Faraon met laeng ken amin a buyotna, napapatay iti campilan, cuna ni Apo Jehova.

32Ta incabilco ti pangbutengna iti daga dagiti sibibiag; ket isu maicabilto iti tengnga dagiti saan a nacugit, agraman cadagidiay napapatay iti campilan, ni Faraon met laeng ken amin ti umariwecwecna, cuna ni Apo Jehova.