OSEAS 9 - Ilokano Form-Based Bible: Ti Biblia (1973)

Ti dusa ti kinasukir ti Israel.

1Dica agragragsac, O Israel, gapu iti rag-o, a cas cadagiti il-ili; ta Os. 5:3.sica nagbalangcantisca, nga immadayuca iti Diosmo; inayatmo ti Os. 2:5.tangdan iti tunggal pagtaltagan.

2Ti pagtaltagan ken ti pagpespesan ti arac saandanton a taraonan ida, ket ti baro nga arac agcurangto kencuana.

3Saandanto nga agnaed Jer. 2:7.iti daga ni Jehova; no di ket ti Efraim Os. 8:13; 11:5.agsublinto idiay Egipto, Dan. 1:8.ket mangandanto iti narugit a taraon idiay Asiria.

4Saandanton a mangibuyat cadagiti daton nga arac ken ni Jehova, ket saandanto met a macaay-ayo kencuana, dagiti datonda casdanto la Deut. 26:14. Jer. 16:7.tinapay dagiti agpanpanes: cadacuada, Num. 19:14.amin dagiti mangan kencuana marugitandanto; ta ti tinapayda maipaayto a ganasda a mangan: saanto nga umay iti balay ni Jehova.

5Ania ti aramidenyonto intono aldaw ti gimong a nangayed, ken iti aldaw a fiesta ni Jehova?

6Ta adtoy, pimmanawda iti pannacadadael; nupay casta ti Egipto urnongennanto ida, ti Isa. 19:13.Memfis itabonnanto ida: dagiti camiring tagicuaendanto dagiti nacaay-ayo a gamengda a pirac; dagiti sisiit addanto cadagiti toldada.

7Dimteng dagiti al-aldaw ti panangsarungcar, simmangpet dagiti al-aldaw ti panangsupapac; ti Israel maammoannanto: ti mammadto maysa a maag, ti lalaki nga addaan iti espiritu Eze. 13:3.agmauyong, gapu iti caadu ti kinadakesmo, ken gapu ta dackel ti gurangura.

8Ti Efraim nagbantay a cadua ti Diosco: no maipapan iti mammadto, silo ti mangnganup ti adda cadagiti amin a dalanna, ken gurangura iti balay ti Diosna.

9Rinugitanda unay dagiti bagbagida met laeng, a cas cadagiti al-aldaw Oc. 19:16. Os. 10:9.ti Gabaa: malagipnanto ti kinadakesda, sarungcarannanto dagiti basbasolda.

10Nasaracac ti Israel cas cadagiti uvas iti let-ang; nakitac, dagiti ammayo a cas ti Jer. 24:2.umuna a naluum a bunga iti cayo ti higos iti damona a nakedngan a pannawenna: ngem isuda immayda ken Num. 23:28.Baalpeor, ket impaayda dagiti bagbagida met laeng iti pacaibabainan a banag, ket nagbalinda a macarimrimon a cas iti daydiay inayatda.

11No maipapan iti Efraim, ti Os. 10:5.dayagda tumayabto a cas maysa a tumatayab: awanto ti panaganac, ket awan ti agsicug, ket awan ti panagpasngay.

12Nupay mapadadackelda Job 27:14.dagiti annacda, paulilaecto ida, tapno awanto ti siasinoman a tao a matda: wen, asida pay met intono suminaac cadacuada!

13Ti Efraim, Eze. 26:28.cas ti pannacakitac iti Tiro, nabangon iti disso a macaay-ayo: ngem ti Efraim ipannanto dagiti annacna iti mamapatay.

14Itdem cadacuada, O Jehova, ania ti itedmonto? iccam ida iti aanacan a maalisan ken sussuso a namaga.

15Amin a kinadakesda adda Os. 4:15.idiay Gilgal; ta idiay ginurac ida: gapu iti kinadakes dagiti aramidda pagtalawecto ida iti balayco; diacto ayatenen ida, amin dagiti piprincipeda managalsada.

16Ti Efraim macabilen, dagiti ramutda nagmaga, saandanton nga agbunga: wen, nupay agpataud, siac patayecto ti madongdongngo a bunga ti aanacanda.

17Ti Diosco ibellengnanto ida, agsipud ta isu saanda nga impangag; ket Deut. 28:64, 65.agtawtawatawdanto cadagiti nasnacion.