EZEQUIEL 18 - Ilokano Form-Based Bible: Ti Biblia (1973)

Ti cararua nga agbasol matayto.

1Ti sao ni Jehova dimteng manen caniac, a kinunana,

2Ania ti cayatyo a saoen, nga Eze. 16:44.aramatenyo daytoy a proverbio a maipapan iti daga ti Israel, a cunayo, Jer. 31:29.dagiti amma kinnanda ti uvas a naalsem, ket dagiti ngipngipen dagiti ub-ubbing naalinoda?

3Cas sibibiagac, cuna ni Apo Jehova, dicayto aramatenen daytoy a proverbio ditoy Israel.

4Adtoy, nga amin a cararua cucuac ida; cas ti cararua ti ama, casta met ti cararua ti anac a lalaki cucuac; Jer. 31:30. Gal. 3:10.ti cararua nga agbasol matayto.

5Ngem no ti maysa a tao nalinteg, ket aramidenna ti mayalubog iti linteg ken umisu,

6Ket saan a nangan iti bil. 11, 15. Deut. 12:2. Eze. 6:13; 22:9.rabaw dagiti banbantay, ket Deut. 4:19. Sal. 123:1.dina met intangad dagiti matana cadagiti didiosen iti balay ti Israel, ket saanna met a Lev. 18:19.tinulawan ti asawa ti padana a tao, wenno inasitgan ti maysa a babai nga agcadawyan,

7Ket saanna a rinanggasan ti siasinoman, no di ket insublina Ex. 22:21. Lev. 25:14.ti insalda ti Ex. 22:26.nacautang, awan ti innalana a tinacaw, intedna ti tinapayna iti mabisin, ket kinawesanna ti lamolamo iti pagan-anay;

8 Eze. 22:12. Isu saan a Ex. 22:25. Jer. 15:10.nagpaanac, ket di met immawat iti Lev. 25:36.nalabes, nga inlisina ti imana iti kinadangkes, Deut. 1:16. Zac. 8:16.inaramidna ti pudno a kinajusticia iti lalaki ken lalaki,

9Nagna cadagiti linlintegco, ket sinalimetmetna dagiti bilbilinco, nga agaramid a sipupudno; isu nalinteg, di bumurong nga isu agbiagto, Eze. 20:11. Amos 5:4.cuna ni Apo Jehova.

10No isu agputotto iti lalaki a mannanacaw, a managibuyat iti dara, ket agaramid iti aniaman cadagitoy a banag,

11Ket saanna nga aramiden ti aniaman cadagidiay a rebbengen, no di ket nangan iti rabaw dagiti banbantay, ket tinulawanna ti asawa ti padana a tao,

12Pinarigatna ti Eze. 22:29.napanglaw ken addaan pannacasapul, nagala iti tinacaw, dina insubli ti salda, ket intangadna dagiti matana cadagiti didiosen, Eze. 8:6, 17.nagaramid iti kinarimon,

13Nagpaanac ken immawat iti nalabes; isu agbiagto aya ngarud? saanto nga agbiag: inaramidna amin dagitoy a kinarimon; di bumurong nga isu matayto; ti Lev. 20:9, 11. Eze. 33:4.darana addanto iti rabawna.

14Ngem, adtoy, no aputotto iti lalaki, a macakita cadagiti amin a basbasol ni amana nga inaramidna, ket agbuteng, ket dina aramiden ti cas cadagidiay;

15A di nangan iti rabaw dagiti banbantay, ket dina met intangad dagiti matana cadagiti didiosen iti balay ti Israel, saanna a tinulawan ti asawa ti padana a tao;

16Dina met rinanggasan ti siasinoman, saan nga immawat iti salda, ket di met nangala iti tinacaw, no di ket intedna ti tinapayna iti mabisin, ket kinawesanna ti lamolamo iti pagan-anay;

17 Job 9:33. Nga inlisina ti imana iti napanglaw, saan nga immawat iti paanac wenno tubo, tinungpalna dagiti bilbilinco, nagna cadagiti linlintegco; isu dinto matay gapu iti kinadangkes ni amana, isu agbiagto a di bumurong.

18No maipapan ken amana, gapu ta nangparigat a sidadawel, inagawanna ni cabsatna, ket inaramidna ti saan a naimbag iti tengnga ti ilina, adtoy, Eze. 3:18.isu matayto iti kinadangkesna.

19Ngem cunayo pay, Eze. 20:5.Apay a ti anac saanna nga awiten ti basol ni amana? No ti anac a lalaki maaramidna dayta a mayalubog iti linteg ken umisu, ket tinungpalna amin dagiti linlintegco, ket inaramidna ida, isu agbiagto a di bumurong,

20 bil. 4. Ti cararua nga agbasol, matayto: Deut. 24:16.ti anac a lalaki dinanto awiten ti kinadangkes ti ama, ket ti ama dinanto met awiten ti kinadangkes ti anac a lalaki; Isa. 3:10, 11.ti kinalinteg ti nalinteg addanto kencuana, ket ti kinadakes ti managdacdakes addanto kencuana.

21Ngem no ti nadangkes Eze. 33:19.paglicudanna dagiti amin a basbasolna nga inaramidna, ket tungpalenna amin dagiti linlintegco, ket aramidenna daydiay a mayannugot iti linteg ken umisu, isu agbiagto a di bumurong, saanto a matay.

22Awanto cadagiti salungasingna nga Isa. 33:16.inaramidna ti maipalagip a maibusor kencuana: babaen ti kinalintegna nga inaramidna isu agbiagto.

23Adda aya aniaman a ragsacco iti ipapatay ti Eze. 33:11. 1 Tim. 2:4, 6. 2 Ped. 3:9.nadangkes? cuna ni Apo Jehova; saan aya a nasaysayaat nga isu agsubli coma manipud iti dalanna, ket agbiag?

24Ngem Eze. 3:10; 33:12, 13, 18.no ti nalinteg sumina iti kinalintegna, ket agaramid ti kinadangkes, ket agaramid iti mayannugot cadagiti amin a kinarimon nga aramiden ti nadangkes a tao, isu aya agbiagto? Awanto cadagiti 2 Ped. 2:20, 21.nalinteg a gapuananna nga inaramidna ti maipalagip: babaen ti labsingna a pinaglabsingna, ken iti basolna a binasolanna, cadacuada isu matayto.

25Nupay casta cunaenyo, Ti dalan ti Apo saan a padapada. Denggenyo ita, O balay ti Israel: bil. 29. Isa. 33:17, 20.Saan aya a padapada ti dalanco? saan aya a dagiti daldalanyo ti aggigidiat?

26No ti nalinteg a tao sumina iti kinalintegna, ket agaramid iti kinadangkes, ket isu matay kencuana; babaen ti kinadangkes nga inaramidna isu matayto.

27Manen, no ti nadangkes a tao sumina iti kinadangkesna nga inaramidna, ket aramidenna daydiay a mayalubog iti linteg ken umisu, ispalennanto ti cararuana a sibibiag.

28Agsipud ta otobenna, ket sumina cadagiti amin a salungasingna nga inaramidna, isu agbiagto a di bumurong, saanto a matay.

29Nupay casta ti balay ti Israel cunana, Ti dalan ti Apo saan a padapada. O balay ti Israel, saan aya a padapada dagiti daldalanco? saan aya a dagiti daldalanyo ti aggigiddiat?

30Gapuna nga Eze. 7:3, 8; 33:20.ocomencanto, O balay ti Israel, tunggal maysa cas mayannugot iti dalanna, cuna ni Apo Jehova Mat. 3:2. Apoc. 2:2.agsublicayo, ket italawanyo dagiti amin a salungasingyo; tapno ti kinadangkes saanto nga isu ti pacadadaelanyo.

31Iyadayuyo cadacayo dagiti amin a salungasingyo, isuda a sinalungasingyo; ket Eze. 11:19; 36:26. Efe. 4:23.mangaramidcayo iti maysa a puso a baro ken maysa nga espiritu a baro: ta apay a mataycayto, O balay ti Israel?

32Ta awan ti ragsacco iti ipapatay daydiay a matay, cuna ni Apo Jehova; bil. 30.agbalbaliwcayo ngarud, ket agbiagcayo.