1Ket ni Jehova nakisao ken Moises, a kinunana,
2Saoem cadagiti annac ti Israel, ket mangalaca cadacuada cadagiti sarsarucod, maysa iti intunggal balay dagiti ammada, cadagiti amin a pangpangoloenda a maitutop cadagiti balbalay dagiti ammada, sangapulo ket dua a sarucod: isuratmo ti nagan ti tunggal maysa a tao iti sarucodna.
3Ket isuratmonto ti nagan ni Aaron iti sarucod ni Levi: ta addanto maysa a sarucod iti tunggal olo dagiti balbalay dagiti ammada.
4Ket idulinmonto ida iti tolda ti gimong iti sango ti pamanecnec a Ex. 25:22.pangsaracac cadacayo.
5Ket maaramidto a ti Num. 16:5.tao a piliecto, agsabongto ti sarucodna: ket pagsardengecto dagiti dandanengdeng dagiti annac ti Israel, a Num. 16:11.panangdanengdengda iti maicaniwas cadacayo.
6Ket ni Moises sinaona cadagiti annac ti Israel, ket amin a pangoloenda intedda kencuana dagiti sarsarucod, iti tunggal pangolo maysa a mayanatup cadagiti balbalay dagiti ammada, a sangapulo met laeng ket dua a sarsarucod: ket ti sarucod ni Aaron adda idi cadagiti sarsarucodda.
7Ket ni Moises indulinna dagiti sarsarucod iti sango ni Jehova iti Ex. 38:21. Num. 18:2. 2 Cron. 24:6. D. Ara. 7:44.tolda ti pamanecnec.
8Ket naaramid nga iti simmuno a bigat, ni Moises simrec iti tolda ti pamanecnec: ket adtoy ta ti sarucod ni Aaron a maipabiang iti balay ni Levi, nagsaringit, ken nagbusel, ket nagsabong, ket namataud iti naloom nga almendras.
9Ket ni Moises inruarna amin a sarsarucod iti sango ni Jehova nga impanna cadagiti amin nga annac ti Israel: ket kinitada ida ket innalada tumunggal maysa a lalaki ti sarucodna.
10Ket ni Jehova kinunana ken Moises, Isublim nga icabil ti Heb. 9:4.sarucod ni Aaron iti sango ti pamanecnec tapno Num. 3:7; 18:3.masalimetmetan nga agservi a Num. 16:38.pagtandaanan a maibusor cadagiti annac ti kinasungit; tapno mapaggibusmo dagiti tantanabutob a maicaniwas caniac, tapno dida matay.
11Castoy ti inaramid ni Moises: cas imbilin ni Jehova kencuana, casta ti inaramidna.
12Ket dagiti annac ti Israel nakisaoda ken Moises, a kinunada, Adtoy mataycami, madadaelcami, madadaelcami a natalipupus.
13 Num. 1:41; 3:10, 38; 18:4, 7, 22. Tunggal maysa nga umasideg, nga umadani iti tabernaculo ni Jehova matay: dacami amin mataycamto?
Who We AreWhat We EelieveWhat We Do
2025 by iamachristian.org,Inc All rights reserved.
