EXODO 10 - Ilokano Form-Based Bible: Ti Biblia (1973)

Ti didigra a doddodon. Ti napuscol a sipnget.

1Ket ni Jehova kinunana ken Moises, Inca sumango ken Faraon: Ex. 4:21; 7:14.ta pinatangkenco ti pusona ken ti puso dagiti ad-adipenna, tapno ipakitac cadacuada dagitoy a pagilasinan iti tengngada,

2 Ex. 13:8, 14. Deut. 4:9. Sal. 78:5. Joel 1:3. Ken tapno saritaem cadagiti pagdengeg ti anacmo, ken ti anac ti anacmo, no ania dagiti inaramidco iti Egipto, ken dagiti pagilasinan nga inaramidco iti tengngada; tapno maammoanyo a siac ni Jehova.

3Ket da Moises ken ni Aaron napanda ken Faraon, ket kinunada kencuana, Ni Jehova a Dios dagiti Hebreos castoy ti saona, Casano ti cabayagnanto ti dica 1 Ar. 21:29. 2 Cron. 7:14; 34:27.panagpacumbaba iti saclangco? Bay-am a pumanaw ti ilic, tapno agdaydayawda caniac.

4Wenno, no supringem ti panangpalubusmo iti ilic, adtoy, ta yegconto no bigat dagiti Lev. 11:22. Prov. 30:27. Apoc. 9:3.dodon iti beddengmo:

5Ket abbungandanto iti rabaw ti daga, iti casta saanto a makita Ex. 9:32. Joel 1:4; 2:25.ti daga: ket lamutendanto dagiti natda, cadagiti nabati cadacayo a nailiclic iti uraro, ket canendanto tunggal cayo a tumubo nga agpaay cadacayo iti pagmulaan:

6 Ex. 8:3, 21. Joel 2:9. Ket mapnonto dagiti balbalaymo, ken dagiti balbalay dagiti amin nga ad-adipenmo ken dagiti balbalay dagiti amin nga Egipcios; a uray caano di nakita dagiti ammam, wenno dagiti amma dagiti ammam, nanipud caaddada iti rabaw ti daga agpapan ita. Ket timmallicud ken pimmanaw ken Faraon.

7Ket dagiti ad-adipen ni Faraon kinunada kencuana, Casano ti cabayagnanto a daytoy a lalaki silsiloannatayo? Bay-am a pumanaw dagiti tattao, tapno agservida ken Jehova a Diosda: dica pay la ammo a ti Egipto nadadael?

8Ni Moises ken ni Aaron naidatagda manen ken Faraon: ket kinunana cadacuada, bil. 24.Incayo, agdaydayawcayo ken Jehova a Diosyo; ngem siasino dagiti mapanto?

9Ket ni Moises kinunana, Dacami ti mapanto agraman dagiti agtutubomi ken lallacaymi; agraman dagiti annacmi a lallaki ken babai, ken dagiti an-animalmi a babassit ken an-animalmi a dadackel mapancaminto Ex. 5:1.ta rebbengna nga agrambacami ken Jehova.

10Ket kinunana cadacuada, Adda ngarud ni Jehova cadacayo, ta palubosancayto ken dagiti babassityo: agaluadcayo; ta dakes ti adda iti sangoananyo.

11Saan a casta: dacayo a lallaki incayo, ket agdaydayawcayo ken Jehova; ta daytoy ti tarigagayyo. Ket napapanawda iti saclang ni Faraon.

12Ket ni Jehova kinunana ken Moises, Ex. 7:19.Yunnatmo ti imam iti rabaw ti daga nga Egipto tapno lumtuad dagiti dodon, tapno umulida iti daga nga Egipto bil. 4, 5.ket canenda amin a mulmula iti daga isu amin a tinidda ti uraro.

13Ket ni Moises inlayatna ti sarucodna iti daga nga Egipto, ket ni Jehova pinaganginna ti naggapu iti daya idiay a daga iti daydi a nagmalmalem ken nagpatpatnag; ket idi cabigatanna, ti angin iti daya inyegna dagiti dodon.

14 Sal. 78:46; 105:34. Ket dagiti dodon nagwarasda iti amin a daga nga Egipto, ket nagnaedda iti amin a beddeng ti Egipto; isuda nacaamamacda unay; Joel 2:2.iti nalabes awan casdi a doddodon, wenno iti masacbayan awanto ti casdiay.

15Ta inabbunganda ti rabaw ti amin a daga a Sal. 105:35.pinagsipngetda ti daga; ket kinnanda amin a roroot iti daga, ken amin a bungbunga dagiti caycayo a tidda ti uraro: ket awan natda a nalangto, cayo man ken mula iti away iti amin a daga ti Egipto.

16Idin ni Faraon pinaayabanna a dinardaras da Moises ken Aaron; ket kinunana, Ex. 9:27.Siac nacabasolac iti maicaniwas ken Jehova a Diosyo, ken maicaniwas cadacayo.

17Ita ngarud dawatec kenca, pacawanem, ti basalco uray daytoy laeng a daras, ket Ex. 8:8.agcararagca ken Jehova a Diosmo, tapno ilisinac coma iti daytoy laeng nga ipapatay.

18 Ex. 8:30; 9:33. Ket pimmanaw iti ayan ni Faraon, ket nagcararag ken Jehova.

19Ket ni Jehova inturongna ti maysa nga Joel 2:20.angin a napigsa unay nga aggapu iti laud, isu a nangiccat cadagiti dodon ken nangipalais cadacuada idiay Baybay a Nalabaga; awan natda uray maysa la coma a dodon iti amin a beddeng ti Egipto.

20 Ex. 4:21. Ngem ni Jehova pinatangkenna ti puso ni Faraon, ket dina pinalubosan a mapan dagiti annac ti Israel.

21Ket ni Jehova kinunana ken Moises, bil. 12.yunnatmo ti imam iti agpalangit, tapno agsipnget iti daga nga Egipto, sipnget a mamagararicap.

22Ket ni Moises inyunnatna ti imana iti agpalangit; Sal. 105:28.ket nagsipnget iti napuscol bayat iti tallo nga aldaw iti amin a daga ti Egipto.

23Saanda a nacapagkikinnita, awan met timmacder iti ayanna bayat iti tallo nga aldaw: Ex. 8:22; 9:4, 6.ngem amin dagiti annac ti Israel addaanda ti lawag cadagiti pagyananda.

24Ket ni Faraon pinaayabanna ni Moises bil. 8.ket kinunana, Incayo, agservicayo ken Jehova; isuna laeng a mabati dagiti arbanyo a babassit ken dadackel: bil. 10.cumuyog met coma dagiti babassityo cadacayo.

25Ket ni Moises kinunana, Maipapilit a yawatmo iti imami dagiti sacrificios ken datdaton a mapuuran, tapno agdatoncami ken Jehova a Diosmi.

26Dagiti an-animalmi maicuyogdanto met cadacami; awanto ti mabati uray maysa la coma a cucua; ta cadacuada masapulmi nga alaen a pagservimi ken Jehova a Diosmi; ket dicam pay met la ammo ita no ania ti pagserviminto ken Jehova agingga iti macadanoncami sadiay.

27Ngem ni Jehova bil. 20.pinatangkenna ti puso ni Faraon, ket dina pinalubosan ida a mapan.

28Ket ni Faraon kinunana kencuana, Pumanawca iti ayanco, aluadam ta bagim, dicanto kitaenen ti rupac; ta iti aldaw a panangkitamto iti rupac mataycanto.

29Ket ni Moises kinunana, Naimbag ti sinaom; Heb. 11:27.diacto kitaenen ti rupam.