DAGITI PROVERBIO 12 - Ilokano Form-Based Bible: Ti Biblia (1973)

Nadumaduma a proverbios nga isupadida ti nalinteg iti nadangkes.

1Siasinoman nga agayat iti pannacaisuro ayatenna ti pannacaammo; ngem ti manggura iti panagtubngar nadueg.

2 Prov. 8:35. Ti naimbag a tao maragpatnanto ti parabur ni Jehova; ngem iti tao a nadangkes dagiti panggepna isu dusaennanto.

3Ti tao saanto a mapasingkedan a gapu iti kinadangkes; ngem ti ramut ti nalinteg dinto magaraw.

4 Prov. 31:23. 1 Cor. 11:7. Ti natalunggadingan a babai isu ti balangat ni asawana; ngem ti agaramid iti nacababain isu ti cas Prov. 14:30.panagtumoy cadagiti tultulangna.

5Dagiti pampanunot dagiti nalinteg apagisuda; ngem dagiti balbalacad dagiti nadangkes isuda dagiti panangallilaw.

6 Prov. 1:11. Dagiti sasao dagiti nadangkes panagsibloc iti dara; ngem ti ngiwat dagiti nalinteg mangispalto cadacuada.

7Dagiti nadangkes Sal. 37:36, 37. Prov. 11:21. Mat. 7:24-27.maitublacda, ket maawandan; ngem ti balay dagiti nalinteg sititibkerto.

8Ti maysa a tao madayawto cas mayalubog iti kinasiribna; ngem ti nadangkesan iti puso mauyuyawto.

9Nasaysayaat ti bassit ti pannacaipatpategna, ket adda adipenna, ngem ti mangidaydayaw iti bagina met laeng, sa ket awan canenna.

10 Deut. 25:4. Ti nalinteg a tao ipatpategna ti biag ti animalna; ngem dagiti nadungngo a caasi ti nadangkes nadawelda.

11 Prov. 28:19. Ti mangtalon iti dagana addaanto iti naruay a canen; ngem ti sumursurot cadagiti barengbareng awanan ti pannacaawat.

12Ti nadangkes tarigagayanna ti bateng dagiti dakes a tattao; ngem ti ramut ti nalinteg agbunganto.

13Cadagiti panaglabsing dagiti bibig isu ti pangsilo iti dakes a tao; Prov. 21:23. 2 Ped. 2:9.ngem ti nalinteg macalapsutto iti pagducotan.

14 Prov. 13:2; 18:20. Ti tao Prov. 1:31; 11:30. Isa. 3:10.mapnecto iti imbag gapu iti bunga ti ngiwatna; ket dagiti gapuanan dagiti im-ima ti tao maipaaydanto kencuana.

15 Prov. 3:7; 16:2. Ti dalan ti maag nalinteg cadagiti matana met laeng; ngem ti masirib ipangagna ti balacad.

16 Prov. 29:11. Ti alipunget ti maag maammoan a dagus; ngem ti manakem a tao lingdanna ti pacabainan.

17Ti mangyesngaw iti pudno iparangarangna ti kinalinteg; ngem ti naulbod a sacsi mangallilaw.

18 Sal. 57:4; 59:7; 64:4; 120:4. Adda agsao a sidadarasudos a cas cadagiti panagduyoc ti campilan; ngem ti dila ti masirib isu ti salun-at.

19Ti bibig ti pudno mapagtalinaedto iti agnanayon; Sal. 52:4, 5. Prov. 19:9.ngem ti natiri a dila apagdaricmat laeng.

20Ti panangallilaw adda iti puso dagiti agpakinakem iti dakes; ngem cadagiti mangibalbalacad iti cappia adda ragsac.

21 Sal. 34:21. Rom. 8:28. Awanto ti pagdacsan a mapasamac iti nalinteg; ngem ti nadangkes mapnonto iti dakes.

22 Prov. 6:16, 17; 11:20. Apoc. 22:15. Dagiti natiri a dila macarimonda ken ni Jehova; ngem dagiti agar-aramid a matalec macaay-ayoda kencuana.

23 Prov. 13:16; 15:2. Ti nanacman a tao ilalaenna ti ammona; ngem ti puso dagiti maag agibunannag iti kinamaag.

24 Prov. 10:14. Ti ima dagiti nagaget agiggemto iti panagturay; ngem ti nasadut maipaconto iti aramid a nadagsen.

25 Prov. 15:13. Ti bantot ti puso ti maysa a tao mamagdumog kencuana; ngem ti naimbag a sao paragsakenna.

26Ti nalinteg isu ti mangidalan iti caarrubana; ngem ti dalan dagiti nadangkes mangpabiddut cadacuada.

27Ti nasadut a tao dina tonoen ti naalana iti panaganup; ngem ti napateg a gupit dagiti tattao maipaay iti nagaget.

28Iti dalan ti kinalinteg adda ti biag; ket iti desdesna awan ni patay.