1Ket idi pimmanaw sadiay, Mat. 19:1-9.napan cadagiti beddeng ti Judea, iti labes ti Jordan; ket dagiti adu a tao nagsublida a naguurnong iti sibayna; ket cas cadawyanna, isursurona ida manen.
2Ket dimteng dagiti dadduma a Fariseo, ket Juan 8:6.inintuudda kencuana, a susuuten: Maipalubos iti lalaki nga isinana ti asawana?
3Ngem isu simmungbat, ket kinunana cadacuada: Ania ti imbilin cadacayo ni Moises?
4Ket kinunada: Ni Moises impalubosna ti mangisurat ti pacapanecnecan ti pannakisina, sa pagtalawen.
5Ket ni Jesus kinunana cadacuada: Gapu iti tangken ti pusoyo insuratna cadacayo daytoy a bilin.
6Ngem nanipud idi damo ti pannacaparsua, ti Dios inaramidna ida a lalaki ken babai.
7Gapu itoy Gen. 2:24.panawanto ti lalaki ni amana ken ni inana, ket makitipon ken asawana;
8Ket isuda a dua maymaysadanto a lasag. Gapuna a saandanto a duan, no di la maymaysa a lasag.
9Ti pinagtipon ti Dios, ngarud, saan coma a pagsinaen ti tao.
10Ket idiay balay, dagiti adalan sinublianda nga inintuud kencuana ti maipapan itoy a banag.
11Ket kinunana cadacuada: Siasinoman a lalaki a mangisinanto iti asawana ket mangasawa iti sabali, macabasol iti pannakiabig iti dina asawa a maicaniwas kencuana.
12Ket 1 Cor. 7:13.no ti babai isinananto ti asawana; ket makiasawanto iti sabali, makiabig iti dina asawa.
Ni Jesus bendicionanna dagiti ubbing.13Ket inyegda Mat. 19:13-15. Luc. 18:15-17.kencuana dagiti ubbing a babassit tapno sagidenna ida; ket dagidi adalan inungtanda dagiti nangyeg.
14Ket idi makita daytoy ni Jesus, nangricna unay, ket kinunana cadacuada: Bayanyo dagiti ububbing a babassit nga umayda caniac, ket dicay pawilan ida ta Mat. 18:3.dagitoy isuda, dagiti agtagicua ti pagarian ti Dios.
15Pudno cunac cadacayo, a ti saan nga umawatto iti pagarian, ti Dios a cas la maysa nga ubing, dinto sumrec kencuana.
16Ket Mar. 9:36.inaracupna ida, impatayna cadacuada dagiti imimana, ket binendicionanna ida.
Ti bacnang a baro.17 Mat. 19:16-30. Luc. 18:18-30. Ket idi rimmuar a mapan iti dalan, timmaray a mapan kencuana ti maysa a tao ket nagparintumeng iti sangoananna, ket inintuudna kencuana: Mannursuro a naimbag, ania ti aramidec tapno matawidco ti biag nga agnanayon?
18Ket ni Jesus kinunana kencuana: Apayapay cunam a naimbagac? Awan ti naimbag no di maymaysa, nga isu ti Dios.
19Ammon dagiti bilbilin: Dica mamapatay; Ex. 20:12-16.Dica makiabig iti dica asawa; Dica agtacaw; Dica agsao ti natiri a pangpanecnec; Dica agulbod; Dayawem ni amam ken ni inam.
20Ket isu kinunana kencuana: Mannursuro, amin dagitoy tinungpalco nanipud idi kinaubingco.
21Ket ni Jesus, idi nga minatmatanna, inayatna; ket kinunana kencuana: Maysa a banag ti agcurang kenca: inca, ilacom dagup ti adda kenca, ket itedmo cadagiti napanglaw; ket addanto kinabacnangmo idiay langit; ket umayca, Mar. 8:34.surutennac.
22Ngem nagliday ti rupana iti daytoy a sao, ket pimmanaw a silaladingit; ta addaan ti adu a sanicua.
23Ket ni Jesus kimmita iti aglicmut ket kinunana cadagiti adalanna: Ania ket a nagrigaten a sumrecda iti pagarian ti Dios dagiti aduan sanicua!
24Ket dagiti adalan nagsiddaawda cadagiti saona. Ngem ni Jesus simmungbat manen, ket cunana cadacuada: Annac, ayaunayen ti rigatda a Sal. 52:7. 1 Tim. 6:17.sumrec iti pagarian ti Dios dagiti agtalged cadagiti kinabacnang!
25Nalaclaca a lumsot ti maysa a camello iti abut ti maysa a dagum, ngem ti iseserrec ti maysa a bacnang idiay pagarian ti Dios.
26Ket Mar. 6:51; 7:37.nagsiddaawda a limmanlan a kinuncunada: Asino ngarud ti macabalinto a maisalacan!
27Ket ni Jesus idi a tinaliawna ida, cunana: Cadagiti tao saan a mabalin daytoy, ngem saan a casta iti Dios; ta amin dagiti banag, isuda mabalin iti Dios.
28Ni Pedro rinugianna a kinuna kencuana: Adtoy pinanawanmi amin, ket simmurotcami kenca.
29Ni Jesus simmungbat, ket kinunana: Pudno cunac cadacayo, nga awan ti tao a nangpanaw ti balay wenno cacabsat a lallaki wenno babbai, wenno ama, wenno ina, wenno asawa, wenno annac, wenno dagdaga, gapu caniac ken gapu iti evangelio.
30A dinto umawat Luc. 18:30.ita itoy nga aldaw ti maminsangagasut a balbalay ken cacabsat a lallaki ken babbai, ken inna, ken annac; ken dagdaga, agraman cadagiti pannacaidadanes, ket iti tiempo nga umay, biag nga agnanayon.
31Ngem adu dagiti umuna a maud-udidanto; ken dagiti maudi, nga umun-unadanto.
Ti dawat dagiti annac ni Zebedeo.32Ket idi Mat. 20:17-19. Luc. 18:31-34.addada iti dalan a sumangsang-at idiay Jerusalem, Luc. 9:51; 12:50.ni Jesus napan iti sangoananda: ket masmasdaawda ken sumursurotda a sibubuteng. Ket pinaasidegna manen kencuana dagiti sangapulo ket dua, ket rinugianna a sinarita cadacuada dagiti banag a maaramidto kencuana.
33Adtoy, sumang-attayo idiay Jerusalem, ket toy Anac ti tao maiyawatto cadagiti turayen dagiti papadi ken cadagiti escriba ket; isu dusaandanto iti ipapatay, ket iyawatdanto cadagiti Gentil;
34Ket rabrabngisendanto ket tupraandanto, ket saplitendanto, ket papatayendanto; ngem iti maicatlo nga aldaw, agungarto met laeng.
35 Mat. 20:20-28. Ket immasidegda kencuana da Santiago ken Juan, annac ni Zebedeo, a kinunada kencuana: Mannursuro, tarigagayanmi nga aramiden coma cadacami ti dawatenminto kenca.
36Ket kinunana cadacuada: Ania ti cayatyo nga aramidec coma cadacayo?
37Kinunada kencuana: Ipaaymo cadi nga agsaadcami coma iti dayagmo, ti maysa iti macanawanmo, ket ti sabali iti macatigidmo.
38Ngem ni Jesus kinunana cadacuada: Dicay ammo ti dawatenyo. Mabalinyo aya ti uminum iti copa nga inumac, wenno mabautizaran iti pammautizar a pacabautizarac?
39Kinunada kencuana: Mabalinmi, Ni Jesus kinunana cadacuada: Iti copa nga inumac, uminumcayto, ket iti pammautizar a pacabautizarac mabautizarancayto;
40Ngem ti panagtugawyo iti macanawanco wenno iti macatigid, awan iti pannacabalinco ti panangited iti dayta; no di cadagiti nacaisaganaanna.
41Ket idi nangngeg dagiti sangapulo daytoy, rinugianda ti gimmura cada Santiago ken Juan.
42Ket ni Jesus inayabanna ida ket cunana cadacuada: Luc. 22:25-27.Ammoyo a dagiti maibilang a turayen dagiti Gentil agbalinda nga ap-apoda; ket dagiti natan-ocda agbilinda a situturay cadacuada.
43Ngem saan a casta cadacayo; no di ket ti siasinoman nga agtarigagay nga agbalin coma a dackel cadacayo, isunto ti adipenyo;
44Ket siasinoman nga agtarigagay nga isu coma ti umun-una cadacayo, isunto ti adipen dagiti isu-amin.
45Ta uray pay toy Anac ti tao saan nga immay tapno pegservian, no di ket tapno agservi ken tapno itedna ti biagna a subbot dagiti adu.
Ti bulsec a taga Jerico.46 Mat. 20:29-34. Luc. 18:35-43. Idin dimtengda idiay Jerico: ket idi rimmuarda nanipud Jerico agraman dagiti adalanna ken ti umariwecwec a tattao, ti anac ni Timeo, ni Bartimeo, maysa nga agpalpalama a bulsec adda nga agtutugaw iti dinna ti dalan.
47Ket idi nangngegna a daydi lumabas isu ni Jesus a Nazareno, rinugianna ti nagpuccaw ken nagcuna: Jesus, nga Anac ni David, caasiannac cadi.
48Ket adu dagiti nangtubngar kencuana tapno agulimec; ngem isu nagickis iti adadda pay: O Anac ni David, caasiannac cadi.
49Ket nagsardeng ni Jesus, ket kinunana: Ayabanyo. Ket inayabanda daydi bulsec a cunada kencuana: Manginanamaca; tumacderca, ta ayabannaca.
50Ket isu, idi nga inwacsina daydi cagayna, timmacder, ket napan ken Jesus.
51Ket idi nagsao ni Jesus, kinunana kencuana: Ania ti cayatmo nga aramidec coma kenca? Daydi bulsec kinunana kencuana: Mannursuro, macakitaac coma.
52Ket ni Jesus kinunana kencuana: Incan; Mat. 9:22.ti pammatim inagasannaca. Ket dagus a nacakita, ket simmursurot kencuana iti dalan.
Who We AreWhat We EelieveWhat We Do
2025 by iamachristian.org,Inc All rights reserved.
