DAGITI PROVERBIO 13 - Ilokano Form-Based Bible: Ti Biblia (1973)

Nadumaduma a proverbios nga isupadida ti nalinteg iti nadangkes.

1Ti masirib nga anac ipangagna ti pannursuro ni amana; 1 Sam. 2:25.ngem ti managuyaw dina icascaso ti panangtubngar.

2Ti maysa a tao manganto iti naimbag maigapu iti bunga ti Prov. 12:14.ngiwatna; ngem ti cararua ti mangliliput manganto iti kinauyong.

3 Sal. 141:3. Prov. 21:23. Sant. 3:2. Ti mangaluad iti ngiwatna salimetmetanna ti biagna; ngem ti manginganga a napalalo cadagiti bibigna addanto kencuana ti pannacadadael.

4Ti cararua ti nasadut agtarigagay, ket awan mapaaddana; ngem ti cararua ti nagaget mapalucmegto.

5Ti nalinteg a tao guraenna ti panagtiri; ngem ti nadangkes a tao nacarimrimon, ket maibabain.

6Ti Prov. 11:3, 5, 6.kinalinteg saluadanna ti nalinteg iti dalan; ngem ti kinadangkes ipadsona ti managbasol.

7 Prov. 11:24. Adda la ket tay paginbabacnangenna ti bagina, ket awan met ti adda kencuana; Prov. 12:9. 2 Cor. 6:10.adda la ket tay aginpapanglaw, ngem dackel ti kinabacnangna.

8Ti subbot ti biag ti tao isu ti kinabacnangna; ngem ti napanglaw dina ipangag ti panangamames.

9Ti silaw ti nalinteg agragragsac; Job 18:5; 21:17. Prov. 24:20.ngem ti pagsilawan ti nadangkes maiddepto.

10Gapu iti kinatangsit umay la ti riri; ngem cadagiti managsacbay adda ni sirib.

11Ti sanicua a magun-odan iti kinaubbaw Prov. 10:2; 20:21.macraayto. Ngem ti agurnong gapu iti pagbannoganna manayonanto.

12Ti inanama a maitantantan pagsakitenna ti puso; bil. 19.ngem no umapay ni calicagum, isu ti maysa a cayo ti biag.

13 Prov. 19:16. Ti mangumsi iti sao iyegna kencuana met laeng ti pannacadadael; ngem ti agbuteng iti bilin magungunaanto.

14 Prov. 10:11. Ti linteg ti masirib ubbog ti biag, tapno ti tao liclicanna dagiti pangsilo ni patay.

15Ti nasayaat a panagawawat mangted iti parabur; ngem ti dalan ti managsalungasing narigat.

16Amin a manakem a tao agaramid a siaammo; ngem ti maag iparammagna ti kinamaagna.

17Ti nadangkes a Prov. 25:13.maibaon matnag iti dakes; ngem ti matalec nga embajador isu ti salun-at.

18Kinapanglaw ken bain addanto iti daydiay agmadi iti pannacaisuro; ngem ti Prov. 15:5, 31, 32.mangicancano iti panangtubngar mapadayawanto.

19Ti calicagum a matungpal nasam-it iti cararua; ngem isu ti maysa a carimon dagiti maag ti ipapanawda iti dakes.

20Makicuyogca cadagiti masirib a tattao, ket masiribcanto; ngem ti makicuyog cadagiti maag pagsicorannanto.

21 Sal. 32:10. Ti dakes camatcamatenna dagiti managbasol; ngem ti nalinteg masupapacanto iti imbag.

22Ti naimbag a tao macaibati iti tawid cadagiti annac dagiti annacna; Job 27:16, 17. Prov. 28:8. Ecle. 2:26.ket ti sanicua ti managbasol mapenpen a maipaay iti nalinteg.

23Adu ti taraon idiay talonen ti napanglaw; ngem adda madadael gapu iti saan a kinalinteg.

24 Prov. 19:18; 22:15; 23:13, 14; 29:15, 17. Ti mangiliclic iti pagbaot cagurana ni anacna; ngem ti agayat kencuana saplitenna a siannad.

25Ti nalinteg mangan iti pacapnecan ti cararuana; ngem ti tian ti nadangkes macuranganto.